¿Likgalhtawakganitata xaʼawatiya artículos xla Makatsinina? Kaʼakxilhti komo tlan nakgalhtiya umakgolh takgalhskinin:

¿La kalikatsini Jehová lakpuskatin, chu tuku kinkamasiyaniyan uma?

Jehová ni laksakpaxkinan. Xla ni tlakg paxki chixku nixawa puskat. Jehová kakgaxmatni lakpuskatin, kuenta tlawa tuku makgkatsikgo chu taʼakglhuwit nema kgalhikgo, chu kalipawan pi namakgantaxtikgo taskujut nema xla kalakgayawanit (w24.01, págs. 15, 16).

¿La tlan namakgantaxtiyaw Efesios 5:​7, niku wan: «Ni katlawatit tuku xlakan tlawakgo»?

Apóstol Pablo kinkawanin pi ni akxtum kakatalaw tiku ni kinkamakgtayakgoyan nakgalhakgaxmataw xlimapakgsin Jehová. Uma ni kajwatiya kilhchanima pi ni akxtum nakatatawilayaw umakgolh latamanin, wata na kilhchanima ni nakatachuwinanaw kredes sociales (w24.03, págs. 22, 23).

¿Tuku tamakatsinin kililakgmakganatkan?

Tamakatsinin nema ni katsiyaw komo xaxlikana. Umakgolh tamakatsinin max nakinkamalakgachaniyan chatum kiʼamigojkan, max nachin kʼakgtum correo nema ni lakgapasaw tiku malakgachama o max chatum apóstata nakinkaʼakgskgawiputunan chu kaj nalimasiya pi katsiputun tuku wan Biblia (w24.04, pág. 12).

¿Tuku katsiyaw chu tuku ni katsiyaw xlakata la nakalakputsanani Jehová mapakgsina Salomón, tiku nikgolh akxni masputuka Sodoma chu Gomorra chu tiku nikgolh kMunkaklat?

Ni liwana katsiyaw komo Jehová nialh katikamalakastakwanilh, pero liwana katsiyaw pi xla kalakgapasa chatunu latamanin chu lu xalakgalhamana (w24.05, págs. 3, 4).

¿Tuku xlakata Jehová litaxtu xtachuna la akgtum lanka Chiwix? (Deut. 32:4).

Xlakata Jehová tlan kimputatsekgnikan nalitaxtu. Tlan nalipawanaw xlakata xla makgantaxti putum xtamalaknun. Nachuna, xla tliwakglh wi, xlakata nikxni talakgpali chuna la likatsi chu na ni talakgpali tuku lakpuwanit natlawa (w24.06, págs. 26-28).

¿Tuku nakinkamakgtayayan nasmaniyaw kʼatanu congregación?

Kalipawanti pi Jehová namakgtayayan chuna la kamakgtayalh kskujnin xala makgasa, ni katamalakxtupi congregación niku xlapat congregación niku la uku wila, kamakgtlawa tuku tlawakan kxasasti mincongregación chu kakaputsa xasasti amigos (w24.07, págs. 26-28).

¿Tuku kinkamasiyaniyan akgtutu parábolas nema kalichuwinankan kMateo capítulo 25?

Parábola xla borregos chu cabras kinkamasiyaniyan pi lu xlakaskinka ni namakgxtakgnanaw, parábola xla kgalhakgaw laktsumajan kinkamalakapastakayan pi skgalalh kilitawilatkan chu kilitakaxatkan, chu parábola xla talentos kinkamasiyaniyan pi skulujwa kiliwanatkan chu palha kiliskujatkan (w24.09, págs. 20-24).

¿La xlitalhman xwanit niku xlaktanukan kxtemplo Salomón?

Kmakgapitsi xamakgan manuscritos, 2 Crónicas 3:4 wan pi «120 codos» xlitalhman xwanit, uma wamputun pi 53 metros. Pero atanu xamakgan manuscritos nema na tlan kalipawankan wankgo pi «20 codos» xlitalhman xwanit, uma wamputun 9 metros. Xlakata xpatsaps templo ni lu laktulanka xwanit, niku xlaktanukan xlikana max kaj 9 metros xlitalhman xwanit (w24.10, pág. 31).

¿Tuku kilhchanima pi siervo ministerial “kaj chatum puskat nakgalhi”? (1 Tim. 3:12).

Siervo ministerial tiku tamakgaxtokgnitata kaj chatum puskat xlikgalhit chu ni xlitlawat talakgxtumit nema ni xlitatlawat. Nachuna, ni xlitlawat tuku nakamalakpuwani amakgapitsi lakpuskatin pi kalakgati (w24.11, pág. 19).

¿Tuku xlakata wanaw pi tuku wan Juan 6:53 ni wa kilhchanima tuku xlitatlawat akxni lakapastakkan akxni tinilh Cristo?

Anta kJuan 6:​53, Jesús lichuwinalh pi xtalakaskin xwaka xmakni chu xkgalhni. Umakgolh tachuwin kawanilh makgapitsi judíos tiku nina xkanajlanikgo anta k’Galilea kkata 32. Pero akxni xtitaxtunita akgtum kata chu lakkaxwililh tuku lilakgapaskan Taway xla kiMalanakan anta kJerusalén, xkatachuwinama tiku natamapakgsinankgo k’akgapun (w24.12, págs. 10, 11).