Kimputumkan makxtum kakninaniyaw Jehová ktamakxtumit chu kʼasambleas. Pero na kakninaniyaw Jehová akxni kiʼakstukan wilaw chu akxni katawilaw kifamiliajkan. Wa uma makgapitsi tuku tlan natlawayaw akxni kiʼakstukan kgalhtawakgayaw chu akxni kakninaniyaw Dios kfamilia:

• Kalikgalhtawakgaw tuku nalichuwinankan ktamakxtumit. Na tlan nalimakgatawakgayaw o nalitsakgsayaw takilhtlin chu lakxtum nalakkaxwiliyaw tuku nakgalhtinanaw.

• Kalikgalhtawakgaw tuku lichuwinan Biblia xlakata tuku lalh makgasa. Alistalh, tlan nadibujarliyaw tuku likgalhtawakgaw o natsokgwiliyaw tuku katsiniw.

• Kalikgalhtawakgaw chu kalakputsananiw akgtum oración nema tlawalh chatum tiku lichuwinankan kBiblia. Kalilakpuwaw la nakinkamakgtayayan uma tlakg tlan natlawayaw kiʼoracioneskan.

• Kaʼakxilhwi akgtum video nema min kjw.org. Alistalh tlan nakalitachuwinanaw kifamiliajkan o tlan natsokgwiliyaw tuku lakgatiw.

• Kalitsakgsaw la nalichuwinanaw Dios. Tlan nalilakpuwanaw tuku nawanaw.

• Kaʼakxilhwi tamalakatsukin chu kalilakpuwaw tuku kinkamasiyaniyan xlakata Jehová. Komo akxtum tawilaw kifamiliajkan, kalalitachuwinaw tuku katsininitaw. a