Min kilhtamaku tuwa makgkatsiyaw nalakapastakaw tuku likgalhtawakgaw. Pero ni tuwa makgkatsiyaw nalakapastakaw liʼakxilhtit nema Jesús maklakaskilh. ¿Tuku xlakata? Xlakata tlan akxilhlakachanaw tuku xlichuwinama. Komo akxni kgalhtawakgayaw naʼakxilhlakachanaw tuku likgalhtawakgayaw, tlakg ni tuwa katilakapastakwi. ¿La tlan chuna natlawayaw? Nadibujarliyaw tuku likgalhtawakgamaw.

Tiku dibujarlitilhakgo tuku katsinitilhakgo, akxilhkgonit pi tlakg tlan lakapastakkgo tuku katsinimakgo. Pero dibujos nema tlawakgo ni xalaktuwa. Chu lhuwa tiku lu katsinikgo xlakata uma, wankgo pi tiku laklankata lu litamakgtayakgo akxni chuna tlawakgo.

Akxni nakgalhtawakgaparaya, kalitsakgsa nadibujarliya tuku katsinipat. Max lu kaks nalilakawana la namakgtayayan nalakapastaka tuku katsininita.