Kajwatiya talakgmaxtut nema Jesús lakgaxokgolh akxni stajmakgalh xkgalhni tlan tlawa pi nakinkatapatikanan kintalakgalhinkan (Efes. 1:7). Maski chuna, Biblia wan pi «Dios [...] xkatapatima xamakgasa xtalakgalhinkan» latamanin, uma wamputun pi Jehová tsukulh katapati xtalakgalhinkan maski Jesús nina xmakamasta xlatamat (Rom. 3:25). Komo Jehová chatum Dios tiku xaʼakgstitum, ¿tuku xlakata tlan katapatilh latamanin xtalakgalhinkan maski nina kxokgokan talakgmaxtut?

Lata akxni Jehová malaknulh pi xʼama anan chatum “kam” tiku xʼama kalakgmaxtu latamanin tiku xkanajlanikgolh, xtachuna la komo kxokgonita uma talakgmaxtut (Gén. 3:15; 22:18). Jehová liwana xkatsi pi akxni xlakgchalh kilhtamaku, xKgawasa xatapaxuwan xʼama makamasta xlatamat (Gál. 4:4; Heb. 10:​7-10). Akxni Jesús kilatamachi kKatiyatni, Dios maxkilh limapakgsin xlakata tlan xkatapatilh xtalakgalhinkan latamanin tiku xkanajlanikgo. Jesús tlan xkatapati xtalakgalhinkan latamanin xlakata xkatsi pi xtamakamastan xʼama tlawa pi tlan xkatapatika xtalakgalhinkan (Mat. 9:​2-6).