¿Tlakg litamakgtayaputuna akxni miʼakstu kgalhtawakgaya? Kalichuwinaw makgapitsi tuku namakgtayayan tlakg kuenta natlawaya tuku nalikgalhtawakgaya.

• Kalaksakti niku tlan nakgalhtawakgaya. Komo matlaniya, kalaksakti niku kaskulunku chu niku anan xkgakganat. Tlan nakgalhtawakgaya kmesa o kkilhtin.

• Kaputsa lakatum niku kaj miʼakstu natawilaya. Jesús lu tsisa alh tlawa oración, «akxni nina kxkgakga», anta niku «xʼakstu xtawi» (Mar. 1:35). Komo nila miʼakstu tawilaya, kakawani mifamilia o tiku katawila kminchik tuku kilhtamaku kgalhtawakgaputuna chu kakawani pi ni kamalaktlawikgon.

• Nitu kamalaktlawin mintakgalhtawakga. Komo maklakaskina minteléfono o mintableta xlakata nakgalhtawakgaya, kamakglhti volumen nema makatsiniyan akxni chin mensajes o kawili modo avión. Chu komo akxni kgalhtawakgapata, nalakapastaka pi wi tuku militlawat, katsokgwili xlakata alistalh natlawaya. Komo tuwa makgkatsiya kuenta natlawaya tuku likgalhtawakgapat, kataya tsinu chu katlawanti o katalakgxtonkgti.