BIOGRAFÍA
Lanka tasikulunalin kataskujkan tiku tliwakga xtakanajlakan
KKATA 30, kinatlatni James chu Jessie Sinclair ankgolh latamakgo kBronx, xdistrito kachikin Nueva York. Anta lakgapaskgolh Willie Sneddon, tiku na xminitancha k’Escocia. Akxni kajku tsinu xlalakgapasnit tsukukgolh lichuwinankgo xfamiliajkan. Uma chuna lalh akxni ni xakalakachin.
Kintse litachuwinalh Willie pi xtlat chu xapuxku xtala xmuxtukgonit anta kpupunu xalak Norte akxni nina xtsuku Lanka Guerra. Kbarco niku x’ankgo titiyalh akgtum mina. Willie wanilh: «Mintlat wi kpupatin». Willie xtatayana Jehová xwanit, chuna la uma kintse lakgapasli xaxlikana.
Willie chu Liz Sneddon
Ama tuku wanika kintse ni lakgatilh, xlakata xla xkatsi pi xtlat tlan xlikatsi. Pero Willie wanilh: «¿Tlakg tlan xmakgkatsi komo xwanika pi Jesús na’alh kpupatin?». Kintse lakapastakli tiku xpulalin takanajla, tiku xwan pi Cristo alh kpupatin chu lakastakwanalh xli’akgtutu kilhtamaku. Wa xlakata xtakgalhskin tuku xlakata Jesús alh niku kalimakgapatinankan lhkuyat tiku nitlan likatsikgo. Ama tlawalh pi kintse nakatsiputun tuku xaxlikana. Tsukulh an ktamakxtumit anta kcongregación xla Bronx chu tamunulh kkata 1940.
Akit chu kintse chu alistalh ktawi kintlat
Ama kilhtamaku ni lu xlichuwinankan pi natlatni nakalixakgatlikgo Biblia xkaman. Akxni aktsujku xakwanit, kintlat tiku xkinkuentajtlawa akxni kintse x’an ktamakxtumit chu x’an lichuwinan Dios. Makgapitsi kata alistalh, kintlat chu akit na ktsukuw anaw ktamakxtumit. Kintse lhuwa xlichuwinan Dios chu lhuwa tiku xkalimakgalhtawakge Biblia. Lakgachunin lakxtum xmakglhtinankgo takgalhtawakga xlakata lakatsunin xwilakgolh. Akxni xakkgalhi vacaciones k’escuela akit xakan talichuwinan Dios. Chuna lhuwa kkatsinilh xlakata xalak Biblia nachuna nakkamasiyani amakgapitsin.
Kmaxanan kwan, pero akxni aktsujku xakwanit ni lu xlakaskinka xakakxilha tuku xaxlikana. Pero akxni xakkgalhi akgkutiy kata ktsukulh lichuwinan Dios chu lata ama kilhtamaku nikmakgxtakgnit naklichuwinan Dios. Akxni xakkgalhi akgkuchaxan kata ktamakamastanilh Jehová.
Ktamunulh 24 xla julio kata 1954 k’akgtum lanka tamakxtumit kToronto (Canadá).KINTASKUJUT KBETEL
Makgapitsi natalan xalak kincongregación betelitas xwankgonit o kskujkgonit kBetel. Xlakan lu kimakgtayakgolh. Lu xakglakgati la xchuwinankgo kxlakatinkan amakgapitsin chu la xlichuwinankgo tuku xaxlikana xalak Biblia. Maski kimakgalhtawakgananin xlakaskinkgo pi tlakg xakkgalhtawakgalh, akit xakamputun kBetel. Wa xlakata klanka tamakxtumit kToronto kmalakgatsamalh solicitud. Chu akgtum kata alistalh kmastapa solicitud klanka tamakxtumit kNueva York, k’Estadio xla Yankees. Ni makgas titaxtulh akxni xakkgalhi akgkutujun kata, kmakglhtinalh akgtum invitación xlakata naktsuku skuja kBetel xla kBrooklyn 19 xla septiembre kata 1955. Xli’akgtiy kilhtamaku la xakwi kBetel kkilalh nema wanikan ktaller de encuadernación, nema wi knúmero 117 calle Adams. Ama xasasti xwanit niku xakama skuja. Kaj ni makgas ktsukulh liskuja alzadora de pliegos, akgtum máquina nema xkamamakgstokga secciones xla 32 páginas chu xkaxwili xlakata atanu máquina xkatsapalh libros.
Akxni xakkgalhi akgkutujun kata, akxni ktsukulh skuja kBetel xla Brooklyn
Akxni kmakgatsilh akgtum papa’ ktaller xla encuadernación, kimalakgachaka kDepartamento de Suscripciones xlakata xakkatsini ktsokgnan kmáquina. Ama kilhtamaku, xwilakgolh natalan tiku xtsokgwilikgo direcciones xalaksasti suscriptores xla revista La Atalaya chu ¡Despertad! klaktsu chapas xla likan. Titaxtulh makgapitsi papa’, kalh kDepartamento de Envíos. Klaus Jensen, tiku xkuentajtlawa, kinkgalhskilh komo tlan nakmakgtaya tiku xlin putlaw chu xlin likgalhtawakga asta kpuerto xlakata tlan nakalinkan alakatanu kachikinin. Nachuna xtalakaskin nalinkan k’oficina
de correos revistas xalak congregaciones xla Estados Unidos. Tala Jensen wa pi uma taskujut nakimakgtaya, xlakata akit lu kgetsu xakwanit la kgantum fideo. Xaktsinkan 57 kilos (125 libras). Alistalh, chuna la xakanaw kpuerto chu k’oficina de correos kimakgtayalh xlakata tlakg tliwakga nakwan. ¡Tala Jensen xlikana tuku kiwanilh!Departamento de Suscripciones nachuna xkamakgpitsini revistas congregaciones. Chuna klakgapasli xtukuwani lhuwa tachuwin nema x’imprimirlikan revistas kBrooklyn. Nikxni xakkgaxmatnit tuku xkawanikan, pero lu xaklipaxuwa pi lhuwa miles revistas xkamakgpitsikan k’umakgolh tachuwin xlikalanka katiyatni. Ama kilhtamaku nikxni klakpuwa pi alistalh xakama kalakgapaxialhnan ama kachikinin.
Robert Wallen, Charles Molohan chu Don Adams
Kkata 1961 kimalakgachaka kTesorería, chu tiku supervisor wa tala Grant Suiter. Titaxtulh makgapitsi kata, kiwanika pi xakalh kx’oficina tala Nathan Knorr, tiku xpulalima taskujut ama kilhtamaku. Tala Knorr kiwanilh pi chatum tala tiku xmakgtaya ni x’ama tawila akgtum papa’ xlakata x’ama k’Escuela niku ankgo putum Lakgkgolotsin chu Siervos Ministeriales chu akxni x’ama taspita x’ama skuja kDepartamento de Servicio. Kiwanilh pi akit xakskujli niku kskujma ama tala chu xaktaskujli tala Don Adams. Wa uma tala tiku makgamakglhtinalh kisolicitud xlakata nakskuja kBetel klanka tamakxtumit kata 1955. Chatiy natalan tiku na’anta xwilakgo wa Robert Wallen chu Charles Molohan. Kinkgalhtatikan lakxtum kskujwi liwaka 50 kata. Lu xlikana klipaxuwa pi kkataskujli natalan tiku ni makgxtakgkgo Dios chu lu tliwakga xtakanajlakan (Sal. 133:1).
Akxni xapulana kkilalh ksucursal anta kVenezuela (1970)
Kkata 1970 kimaxkika xasasti taskujut: akgatunu o akgatiyun kata xakama kalakgapaxialhnan sucursales xla Watch Tower Society chu akglhuwa semanas xaklichan. Uma tuku xaktlawa, xakkalakgapaxialhnan sucursales, wa xkamatliwakglhnikan xtakanajlakan natalan xalak Betel, misioneros chu xakakxilha archivos xalak sucursal. Tlan kkalakgapasli natalan tiku xapulana kilakgolh kclases xla Galaad chu lata akglhuwata kata chuntiya ni makgxtakgkgo Jehová chu chuntiya lakskujmakgolh niku kamalakgachakanit. Klakgapaxialhnanit liwaka 90 países. Uma lu tlan talakgalhaman.
Lu klipaxuwa kkalakgapaxialhnalh natalan kliwaka 90 países
KTEKGSA CHATUM LU TLAN KIMAKGTAYANA
Betelitas xalak Brooklyn xkinkawanikanan tukuya congregaciones nakanaw anta Nueva York, chu akit kimalakgachakga kBronx. Xapulana congregación xla Bronx lu kstaknit chu x’amaka mapitsikan. Xapulana congregación wanika Upper Bronx, chu anta xakan.
Kata 70, akgtum familia xalak Letonia tiku xkatsininit tuku xaxlikana anta ksur xla Bronx ankgolh kincongregacionkan. Livija, xtsumatkan tiku xalankata, precursora litaxtulh akxni masputulh xtakgalhtawakga. Titaxtulh makgapitsi papa’ alh kMassachusetts xlakata nalakskuja niku tlakg talakaskin tiku nalichuwinankgo Dios. Akit xaktsokgnani xlakata nakmakatsini tuku xlama kcongregación, chu xla xkiwani la xkitaxtunima akxni x’an lichuwinan kBoston.
Ktaya Livija
Titaxtulh makgapitsi kata, Livija precursora especial litaxtulh. Komo xla xtlawaputun tuku xmatlanilh xpalakata Jehová, na malakgatsamalh akgtum solicitud xlakata tlan kskujli kBetel chu tasanika kata 1971. ¡Xakmakgkatsi pi Jehová wi tuku xkiwanima! Ktamakgaxtokgwi 27 xla octubre kata 1973, chu kgalhiw talakgalhaman pi tala Knorr xmatitaxtilh taʼakgchuwin. Proverbios 18:22 wan: «¿Tekgsnita chatum xatlan puskat? Tekgsnita tuku xatlan, chuna tekgsnita xtalakgalhaman Jehová». Chu xlikana. Xlakata Livija chu akit Jehová kinkasikulunatlawanitan xlakata liwaka 40 kata lata akxtum kwilaw kBetel. Nachuna chuntiyaku kanaw kcongregación xla Bronx.
AKXTUM KATASKUJA XNATALAN CRISTO
Taskujkan tala Knorr lu tlan kitaxtulh. Lu xaskujni xwanit chu lu xpaxki tuku xaxlikana chu nachuna lu xkapaxki misioneros. Lhuwa tiku xapulana xtatayananin Jehová xwankgonit kpaíses niku xkamalakgachakanit. Tala Knorr chipalh tajatat xla cáncer kata 1976, chu lu tuwa wa xlakata kakxilhwi la patinalh. Akgtum kilhtamaku akxni xma kxputama, kiwanilh pi xaklikgalhtawakganilh tuku nialh makgas x’amaka imprimirlikan. Kiwanilh pi xaktasanilh Frederick Franz xlakata na xkgaxmatli takgalhtawakga. Alistalh kkatsilh pi tala Franz ni liwana xlakawanan, wa xlakata tala Knorr xlikgalhtawakgani uma likgalhtawakga.
Xaklakgapaxialhnamaw sucursal Daniel chu Marina Sydlik (1977)
Tala Knorr nilh kkata 1977, pero tiku xaklakgapasaw chu xakpaxkiyaw xkinkamakgtsiyajan Rev. 2:10). Lata ama kilhtamaku wa tala Franz tiku tsukulh pulalin uma taskujut.
xlakata chuntiya xa’akgstitum tlawalh xtaskujut unu kkatiyatni (Ama kilhtamaku akit ksecretario xakwanit Milton Henschel, tiku kskujnaninit akglhuwa kata tala Knorr. Xla kiwanilh pi kintaskujut wa xakama makgtaya tala Franz putum tuku xla xtlawalh. Ankgalhin xaklikgalhtawakgani tuku x’amaka imprimirlikan. Lu tlan talakapastakni xkgalhi, chu liwana x’akgatekgsa putum tuku xaklikgalhtawakgani. Klipaxuwa chuna ktaskujli asta akxni sputli xlatamat unu kkatiyatni diciembre kata 1992.
Número 124 ktiji xla Columbia Heights, niku akglhuwa kata kskujli
Kinatlatni nachuna ni makgxtakgkgolh Jehová asta akxni nikgolh chu lu kkamakgamakglhtinamputun kkakilhtamaku niku tlakg tlan nawan (Juan 5:28, 29). Lata 61 kata kskujnit kBetel lu lakapala titaxtunit. Klakpuwan pi putum tuku malaknu kakilhtamaku nila tatalakxtumi la naskujnaniya natalan xlikalanka katiyatni tiku ni makgxtakgkgo Jehová. Livija chu akit tlan kwanaw xliputum kinakujkan pi putum uma kata xlakata la kskujnimaw kmakgkatsiyaw xtapaxuwan Jehová kitaxtu la «kimputatsekgnikan» (Neh. 8:10).
Anta kxkachikin Jehová niti lu xlakaskinka litaxtu; taskujut xlakata nalichuwinanaw xtamakatsin Dios chuntiya naliskujkan maski kalalh tuku nala. Lu klipaxuwa xlakata lu lanka talakgalhaman makxtum nakkataskuja natalan tiku ni makgxtakgkgo Jehová. Lhuwa natalan xatalaksakni tiku kkataskujli nialh unu wilakgo kKatiyatni. Pero lu kpaxtikatsini xlakata tlan akxtum kkataskujli uma lakchixkuwin tiku ni makgxtakgkgolh Jehová chu tliwakga skujnikgo.