«Tliwakga kawanti, chu chuna katlawa»
«Tliwakga kawanti, chu chuna katlawa. Ni kapekuanti chu ni lhpipakg kalat, xlakata Jehová [...] wa makgtayaman» (1 CRÓN. 28:20).
TAKILHTLIN: 23, 29
1, 2. 1) ¿Tuku lu xlakaskinka taskujut lakgayawaka Salomón? 2) ¿Tuku xlilakgaputsa David?
JEHOVÁ laksakli Salomón xlakata nakuentajtlawa la natlawakan templo xla Jerusalén, akgtum lu xlakaskinka taskujut nema lanit makgasa. Uma templo lu kaks xʼama kamalakawani latamanin chu lu xʼamaka lakgapaskan «kputum kachikinin» xlakata lu stlan xʼama tasiya. Pero tuku tlakg xlakaskinka wa pi xʼama litaxtu «xchik Jehová Dios xaxlikana» (1 Crón. 22:1, 5, 9-11).
2 Mapakgsina David xkanajla pi Jehová xʼama makgtaya Salomón, pero xlilakgaputsa xlakata Salomón kajku kgawasa xwanit chu ni lhuwa tuku xtitaxtunit. ¿Xkgalhi litliwakga Salomón xlakata xʼama makglhtinan uma taskujut xlakata natlawa templo? ¿Nila tuku xʼama tlawa xlakata kajku kgawasa xwanit chu xlakata ni lhuwa tuku xtitaxtunit? Komo Salomón xlakaskin pi tlan xkitaxtunilh, xtalakaskin ni xpekualh chu xtsukulh skuja.
3. ¿Tuku liʼakxilhtit maxkilh David Salomón xlakata ni napekuan?
3 Xlikana pi Salomón lhuwa tuku katsinilh xlakata ni xpekuan David, 1 Sam. 17:34, 35). Nachuna ni pekualh akxni taratlawalh lanka chixku Goliat. Xlakata David xlipawan Dios tlan makgnilh uma chatum soldado tiku lu xkatsini xtlawa guerra, limakgnilh akgtum slipinki chiwix (1 Sam. 17:45, 49, 50).
xtlat. Akxni kajku kgawasa xwanit, katalachipalh animales nema xalakluku, nema xkatalatlawa xborregos xtlat (4. ¿Tuku xlakata xtalakaskin pi Salomón ni xpekualh?
4 Xlikana pi wa David xlakgchan namakgpuwantini Salomón xlakata ni napekuan chu natlawa templo (kalikgalhtawakga 1 Crónicas 28:20). Komo Salomón xpekualh, max nila xmatsukilh xtaskujut, chu uma tlakg nitlan xwa nixawa ni liwana xtlawalh.
5. ¿Tuku xlakata talakaskin ni napekuanaw?
5 Chuna la Salomón akinin lakaskinaw pi Jehová kakinkamakgtayan ni napekuanaw chu tlan natlawayaw taskujut nema kinkalakgayawanitan. Chuna la uma, kaʼakxilhwi makgapitsi liʼakxilhtit xala makgasa tiku ni pekuankgolh. Akxni naʼakxilhtilhayaw, nalilakpuwanaw la tlan ni napekuanaw chu nachuna natlawayaw.
LIʼAKXILHTIT XLAKATA NI NAPEKUANAW
6. ¿Tuku kaks malakawaniyan xlakata José limasiyalh pi ni xpekuan?
6 Kaʼakxilhwi la José ni pekualh akxni xpuskat Potifar xtatlawaputun talakgxtumit xalimaxana. Xlikana, xla liwana xkatsi pi xʼama kgalhi taʼakglhuwit xlakata lakgmakgalh tuku wanilh ama puskat. Pero maski chuna José tunkun lakgmakgalh (Gén. 39:10, 12).
7. Kalichuwinanti la Rahab ni pekualh (kaʼakxilhti xapulana dibujo).
7 Chu kaʼakxilhwi xliʼakxilhtit Rahab, tiku xlama kJericó. Akxni chatiy skgalananin israelitas kilakgolh kxchik, max xla xpekualh chu ni xkamakgtayalh. Pero komo xlipawan Jehová ni pekualh chu kamakgtayalh xlakata tlan natsalakgo (Jos. 2:4, 5, 9, 12-16). Xla xkatsi pi Jehová wa Dios xaxlikana chu wi tuku xʼama tlawa xlakata tlan nakamaxki israelitas ama tiyat nema xkamalaknuninit. Wa xlakata ni mastalh talakaskin pi na kapekuani amakgapitsin latamanin, la mapakgsina xalak Jericó chu ksoldados. Xlakata xla ni pekualh xla chu xfamilia lakgtaxtukgolh (Jos. 6:22, 23).
8. ¿La kamakgtayalh apóstoles xliʼakxilhtit Jesús xlakata ni xpekuan?
8 Xʼapóstoles Jesús na limasiyakgolh pi ni xpekuankgo. Xʼakxilhkgonit la Jesús ni xpekuan chu uma kamakgtayalh (Mat. 8:28-32; Juan 2:13-17; 18:3-5). Akxni makgapitsi xpulalinanin takanajla tiku xlitalakgapaskgo saduceos kawanikgolh pi nialh xlichuwinankgolh Jesús, pero apóstoles ni lakaskinkgolh (Hech. 5:17, 18, 27-29).
9. Chuna la wan 2 Timoteo 1:7, ¿tiku nakinkamaxkiyan litliwakga?
9 José, Rahab, Jesús chu apóstoles liwana xlakpuwankgonit natlawakgo tuku xatlan. Ni pekuankgolh xlakata xlipawankgo Jehová, ni wa xlakata xakstukan xkalipawankan. Akxni titaxtuyaw taʼakglhuwit niku natalakaskin pi ni napekuanaw, ni kiʼakstukan nakinkalipawankanan wata kalipawaw Jehová (kalikgalhtawakga 2 Timoteo 1:7). Kaʼakxilhwi pulaktiy niku talakaskin ni napekuanaw: kfamilia chu kcongregación.
AKXNI NATALAKASKIN NI NAPEKUANAW
10. ¿Tuku xlakata talakaskin ni napekuankgo kamanan tiku kstalaninanin Cristo?
10 Lhuwa tuku titaxtukgo kamanan tiku kstalaninanin Cristo niku talakaskin ni napekuankgo xlakata ni namakgxtakgkgo Jehová. Xliʼakxilhtit Salomón tlan nakamakgtaya. Xla ni pekualh akxni laksakli tuku xatlan chu tlawakgolh templo. Xlikana, natlatni tlan chu xlipulalinatkan xkamanan. Pero kamanan wi tuku tlakg xlakaskinka xakstukan xlilaksakatkan (Prov. 27:11). Xlilaksakatkan tiku natalalinkgo, tuku nalilakgastanankgo, tuku natlawakgo xlakata nitu nalixkajwalakgo chu tukuya kilhtamaku natamunukgo. Talakaskin ni napekuankgo akxni nalaksakkgo tuku xatlan, xlakata uma ni lakgati Satanás, tiku ni maxki kakni xlimapakgsin Jehová.
11, 12. 1) ¿La limasiyalh Moisés pi ni xpekuan? 2) ¿La tlan kamanan namakglhkatikgo xliʼakxilhtit Moisés?
11 Tuku lu xlakaskinka xlilaksakatkan kamanan wa tuku natlawakgo kxlatamatkan. Kmakgapitsi países lu kamafuersajnikan kamanan xlakata tlakg nakgalhtawakgakgo chu nakgalhikgo akgtum tlan taskujut niku tlan nakaxokgonikan. Kʼamakgapitsi países ni lu anan tumin chu kamanan lakpuwankgo pi kaj watiya talakaskin naskujkgo xlakata nakamakgtaya xfamilia. Komo wix chuna titaxtupat kalilakpuwanti xliʼakxilhtit Moisés. Xlakata makgastakka kxchik xtsumat faraón, max tlan xlaksakli pi lu xlakaskinka xlitaxtulh chu lhuwa tumin xkgalhilh. Max xfamilia tiku xalak Egipto, makgalhtawakgananin chu tiku kstakyawanankgo max xmafuersajnikgo. Pero xla ni chuna tlawalh wata ni pekualh chu laksakli naskujnani Jehová. Akxni taxtucha kʼEgipto chu lakgmakgalh nakgalhi lhuwa tumin, Moisés lipawa Jehová (Heb. 11:24-26). Dios sikulunatlawalh xlakata uma, chu kilhtamaku nema aku mima chuntiya nasikulunatlawa.
12 Akxni kamanan makglhkatikgo xliʼakxilhtit Moisés chu wa skujnanikgo Dios chu pulana wilikgo xTamapakgsin lhuwa tasikulunalin makglhtinankgo. Jehová nakamaxki tuku maklakaskin xfamilia. Kxapulana siglo, Timoteo makamaxkilh xlatamat Dios xlakata naskujnani chu wix na tlan chuna natlawaya * (kalikgalhtawakga Filipenses 2:19-22).
¿Liwana lakpuwanitaw pi ni napekuanaw xanikuta natatakgsaw? (Kaʼakxilhti párrafos 13 asta 17).
13. ¿La makgtayalh chatum tsumat ni napekuan?
13 Kalichuwinaw xlakata chatum tsumat xalak Alabama (Estados Unidos). Xlakata tlakg namaliwaka la naskujnani Jehová xtalakaskin ni napekuan. Wan: «Ankgalhin xa kmaxanan. Lu tuwa xakmakgkatsi nakkatachuwinan natalan. Chu akxni xakan lichuwinan Dios tlakg xakmaxanan xlakata ni xakkatachuwinamputum latamanin tiku ni klakgapaskgo». Pero xlakata xnatlatni chu natalan xalak congregación makgtayakgolh, tlan precursora regular litaxtulh. Xla wan: «Xkakilhtamaku Satanás nawanikgoyan pi tuku tlakg xlakaskinka natlawaya kmilatamat wa tlakg nakgalhtawakgaya, lu nalakgapaskana chu nakgalhiya lhuwa tumin chu atanu. Pero niti la putum tlawa uma. Lhuwa latamanin kaj watiya litlakgwankgo chu lipatinankgo. Pero kimpalakata, lu klipaxuwa la kskujnani Jehová».
14. ¿Niku talakaskin pi natlatni nalimasiyakgo pi ni makpuwankgo?
14 Natlatni na talakaskin ni namakpuwankgo. Akgtum liʼakxilhtit, max xmalanakan nakawani pi talakaskin tlakg lhuwa hora naskujkgo akxni lakgchan nakakninanikgo Dios kfamilia, akxni lichuwinankgo Dios o akxni lakgchan tamakxtumit. Lu talakaskin ni namakpuwankgo chu makglhuwa nawankgo pi ni. Chuna la uma tlan liʼakxilhtit namaxkikgo xkamanankan. Pero max makgapitsi natlatni ni maxkikgo talakaskin xkamanan wi tuku natlawakgo tuku amakgapitsi natlatni kamaxkikgo talakaskin natlawakgo xkamanan. ¿Tuku natlawa xatlat komo nakgalhskinkan tuku xlakata chuna tlawa? Talakaskin ni namakpuwankgo chu liwana nawan tuku xlakata chuna tlawa.
15. ¿La tlan nakamakgtayakgo natlatni textos xla Salmo 37:25 chu Hebreos 13:5?
15 Natlatni limasiyakgo pi ni pekuankgo akxni kamakgtayakgo xkamanan xlakata tlakg naskujnanikgo Jehová. Max makgapitsi natlatni ni lu kamakgpuwantiniputunkgo xkamanan xlakata precursor nawankgo, alakatanu niku naʼankgo niku tlakg talakaskin tiku nalichuwinankgo Dios, naskujkgo kBetel o naskujkgo niku tlawakan Pukgalhtawakga xla xtatayananin Jehová chu xla laklanka tamakxtumit. Max lakpuwankgo pi xkgawasakan ni la katikakuentajtlawalh akxni nalinkgoya kata. Pero komo xanatlatni lakgskgalalan, Salmo 37:25 chu Hebreos 13:5). Akxni natlatni wilikgo uma lu tlan liʼakxilhtit, kamakgtayakgo pi xkamanankan ni napekuankgo chu nalipawankgo Jehová (1 Sam. 1:27, 28; 2 Tim. 3:14, 15).
nalimasiyakgo pi ni pekuankgo chu nalimasiyakgo pi kanajlanikgo Jehová pi namakgantaxti tuku malaknunit (kalikgalhtawakga16. 1) ¿Tuku tlawakgonit makgapitsi natlatni xlakata nakamakgtayakgo xkamanan tlakg naskujnanikgo Jehová? 2) ¿La kamakgtayanit uma kamanan?
16 Kalichuwinaw akgtum liʼakxilhtit xlakata akgtum tamakgaxtokgat xalak Estados Unidos tiku kamakgtayalh xkamanan xlakata tlakg naskujnanikgo Jehová. Xatlat lichuwinan: «Akxni kinkamanankan nina la xchuwinankgo chu nila xtlawankgo, xakkalixakgatliyaw pi lhuwa tapaxuwan kitaxtu xlakata precursor nawana chu namakgtayanana kcongregación. Chu la uku chuna lakpuwankgonit natlawakgo. Liskujkan xlakata chuna natlawakan makgtayanan xlakata ni nalakgatiyaw tuku anan kxkakilhtamaku Satanás chu kaj watiya nalilakpuwanaw tuku tlakg xlakaskinka: naskujniyaw Jehová». Atanu tala tiku na kgalhi chatiy xkamanan lichuwinan: «Lhuwa natlatni limaxtukgo lhuwa kilhtamaku, tumin chu xlitliwakgakan xlakata xkamanankan kaj watiya nalilakgaputsakgo xtakgalhtawakgakan, ktakgaman o atanu. Pero tlakg tlan nakamakgtayayaw kamanan pi wa natlawakgo nema natlawa pi tlan natalalinkgo Jehová. Lu klipaxuwayaw kakxilha pi kinkamanankan tlakg maliwakamakgo la skujnanimakgolh Jehová». Tlan liwana nakatsiyaw pi Dios nakasikulunatlawa natlatni tiku kamakgtaya xkamanan tlakg naskujnanikgo Jehová.
KALIMASIYAW PI NI PEKUANAW ANTA KCONGREGACIÓN
17. Kalichuwinanti makgapitsi akxni kcongregación natalakaskin ni napekuanaw.
17 Nachuna talakaskin nalimasiyayaw pi ni pekuanaw anta kcongregación. Akgtum liʼakxilhtit, lakgkgolotsin talakaskin nalakkaxtlawakgo laklanka talakgalhin o nakamakgtayakgo tiku max nalinkan kpumakuchin. Makgapitsin ankgo kpulachin xlakata namakgalhtawakganankgo o natlawakgo tamakxtumit. Nachuna, natalan lakpuskatin lhuwa tuku tlan natlawakgo xlakata tlakg naskujnanikgo Jehová. Tlan precursoras nalitaxtukgo, naʼankgo latamakgo niku tlakg talakaskin tiku nalichuwinankgo
Dios, tlan namakgtayanankgo kDepartamento Local de Diseño y Construcción, chu tlan namalakgatsamakgo solicitud xlakata naʼankgo kʼEscuela xla Tiku lichuwinankgo xTamapakgsin Dios. Makgapitsi tlan naʼankgo kʼEscuela de Galaad.18. ¿La tlan nalimasiyakgo natalan tiku linkgoya kata pi ni pekuankgo?
18 Putum akinin kapaxkiyaw natalan lakpuskatin tiku linkgoya kata xalak congregación. Xlikana pi makgapitsi nialhla lhuwa tuku tlawakgo xlakata naskujnanikgo Jehová, pero chuntiya nalimasiyakgo pi ni pekuankgo chu namakgtayanankgo kcongregación (kalikgalhtawakga Tito 2:3-5). Akgtum liʼakxilhtit komo lakgkgolotsin xalak congregación nakawanikgo pi katachuwinankgolh chatum tala tsumat xlakata la lu xlakaskinka liwana nalhakgananaw, talakaskin ni napekuankgo xlakata chuna natlawakgo. Xlikana ni kaj nakilhnikgo laktsuman wata talakaskin namalakpuwanikgo la xtalhakgankan max nitlan akxilhkgo amakgapitsin (1 Tim. 2:9, 10). Tapaxkit nema kgalhikgo natalan tiku linkgoya kata chu la kalilakgaputsakgo amakgapitsin kamakgtaya congregación.
19. 1) ¿La tlan nalimasiyakgo natalan lakchixkuwin tiku tamunukgonit pi ni pekuankgo? 2) ¿La kamakgtaya Filipenses 2:13 chu 4:13 umakgolh natalan?
19 Nachuna natalan lakchixkuwin tiku tamunukgonit ni xlipekuanatkan. Congregaciones litamakgtayakgo akxni xatapaxuwan tlawakgo taskujut nema kalakgayawakan (1 Tim. 3:1). Pero max makgapitsi ni lu tlawaputunkgo taskujut. ¿Tuku xlakata? Max wa xlakata tuku nitlan tlawakgonit makgasa, lakpuwankgo pi ni kalakgchan siervos ministeriales o lakgkgolotsin nalitaxtukgo. O max lakpuwankgo pi nila liwana katitlawakgolh xtaskujutkan. Komo chuna titaxtupat, Jehová tlan namakgtayayan (kalikgalhtawakga Filipenses 2:13; 4:13). Kalilakpuwanti xliʼakxilhtit Moisés. Xla xmakgkatsi pi nila xʼama tlawa taskujut nema Dios xwaninit (Éx. 3:11). Pero Jehová makgtayalh ni napekuan chu tlan namakgantaxti xtaskujut. Wa xlakata, komo wix lakaskina tamakgtay, kawani Jehová pi kamakgtayan chu chali chali kalikgalhtawakga Biblia. Nachuna namakgtayayan nalilakpuwana xliʼakxilhtitkan xlakskujnin Dios xala makgasa tiku ni pekuankgolh. Na tlan nakawaniya lakgkgolotsin pi kamakgtayakgon chu tlan nakakgalhskinkgoyaw niku tlan namakgtayananaw. Kamakgpuwantiniyaw putum natalan tiku tamunukgonit xlakata ni napekuankgo chu tliwakga naskujkgo kcongregación.
«JEHOVÁ [...] WA MAKGTAYAMAN»
20, 21. 1) ¿Tuku wanilh David xkgawasa Salomón? 2) ¿Tuku tlan nalipawanaw?
20 Mapakgsina David malakapastakalh Salomón pi Jehová xʼama makgtaya xlakata natlawakgo templo (1 Crón. 28:20). Salomón max lilakpuwa tuku wanilh xtlat chu ni mastalh talakaskin pi xlakata kajku kgawasa xwanit chu xlakata ni lhuwa tuku xtitaxtunit kxlatamat xlaktlawalh taskujut nema lakgayawaka. Ni pekualh, chu xlakata xtamakgtay Jehová akgtujun kata aitat litlawakgolh uma templo.
21 Chuna la makgtayaka Salomón, nachuna akinin Jehová nakinkamakgtayayan ni napekuanaw chu tlan namakgantaxtiyaw taskujut nema lakgayaw xlakata kfamilia chu kcongregación (Is. 41:10, 13). Komo ni napekuanaw la naskujniyaw Jehová, tlan nalipawanaw pi xla nakinkasikulunatlawayan la uku chu kilhtamaku nema aku mima. Wa xlakata, katlawaw chuna la wa David: «Tliwakga kawanti, chu chuna katlawa».
^ párr. 12 Tlan natekgsa makgapitsi tastakyaw la tlakg tlan naskujnaniya Jehová kʼartículo «Fijémonos metas espirituales para glorificar al Creador», anta krevista La Atalaya 15 xla julio kata 2004.