MAKATSININA 2023, núm. 1 | La nakuentajtlawayaw kintalakapastaknikan: Biblia makgtayanan
Lhuwa millones latamanin kxlikalanka katiyatni kgalhikgo tajatat xla talipuwan chu talakgaputsit nema lu kamakgapatinan. Uma tajatat tlan kachipa kaxatikawa latamanin. Pero ¿tuku uma tajatat xla talipuwan chu talakgaputsit? ¿La laktlawa xlatamatkan tiku kgalhikgo umakgolh tajatat? Uma revista nalichuwinan la xlilakaskinka nalakgankan chatum makuchina chu na nakinkalitachuwinanan la tlan nakamakgtaya Biblia tiku chuna titaxtumakgo.
Tajatat xla talipuwan chu talakgaputsit tlakg talhuwima
Tajatat xla talipuwan o xla talakgaputsit tlan nakachipa kaxatikawa latamanin. Kaʼakxilhti la tlan namakgtayayan Biblia xlakata tlan natawila mintalakapastakni.
Dios makgtakgalhputunan
¿Tuku xlakata liwana katsiyaw pi Jehová Dios akgatekgsa tuku lakpuwanaw chu tuku makgkatsiyaw?
1 | Oración: “Kawili putum mintalakgaputsit kxmakan”
¿Xlikana tlan nalitachuwinana Dios putum taʼakglhuwit nema kgalhiya o tuku lilakgaputsaya? ¿La kamakgtaya oración tiku kgalhikgo tajatat xla talakgaputsit?
2 | “Biblia kinkamaxkiyan litliwakga”
Biblia malaknu pi tuku kinkamakgalipuwanan la uku, nialh katilakapastakwi.
3 | Tuku titaxtukgolh tiku kalichuwinankan kBiblia
Biblia kalichuwinan lhuwa lakchixkuwin chu lakpuskatin tiku na makgkatsikgolh chuna la akinin nema tlan nakinkamakgtayayan naʼakxilhaw pi ni kiʼakstukan titaxtuyaw tuku tuwa.
4 | Xalaktlan tastakyaw nema masta Biblia
Komo nakalilakpuwana textos xalak Biblia chu nalakkaxwiliya tuku tlan nalakgchipina namakgtayayan ni lu nalakgaputsaya chu ni lu nalipuwana.
Kakamakgtayaw tiku kgalhikgo tajatat xla talipuwan o xla talakgaputsit
Komo namakgtayaya miʼamigo tiku kgalhi akgtum tajatat xla talipuwan o xla talakgaputsit lu tlan namamakgkatsiniya.
