Tuku xʼakgataxtuni amakgapitsin atanu xkatsankgani

XTITAXTUMA kata 49. Pedro, Santiago chu Juan «wa nti xanapuxkun xlipuwanikgokan» lakgayawakgolh Pablo chu xcompañero Bernabé pi: akxni xlichuwinamakgo Dios kkachikinin, na xtalakaskin xkalakapastakkgolh kstalaninanin Cristo tiku ni xkgalhikgo tumin (Gál. 2:9, 10). ¿La tlawakgolh uma taskujut?

Cartas nema tsokgli Pablo limasiyakgo la tlawalh uma taskujut. Akgtum liʼakxilhtit, katsokgnanilh kstalaninanin Cristo kCorinto: «Xpalakata ntumin wa ntu mastokgaw namalakgachananikgoyaw ksantujlanin Dios, na chuna wixin nkatlawatit namastokgatit xtachuna lantla kwanikgolh nkanajlanin ntu wilakgo kxatiyat Galacia. Akxni xakgasiyaj kilhtamaku, akgatunu semana, chatunu wixin namapitsiyatit kminchikkan, namakiyatit wa lantla namakiyatit, lakimpi akxni nakkalakgchanachan, ni akxniku lanaj tilayatit ntimakiyatit ntumin. Na akxni kkalakgchinitanchana nawan, wa nti wixin nalaksakatit, wa yuma naktamalakgachagoy ncarta, lakimpi wa naliyankgoy kJerusalén mintatakinkan» (1 Cor. 16:1-3).

Kxliʼakgtiy carta nema kamalakgachanilh xlakata Dios xmalakpuwaninit, kawanipa tuku xlakata xmakgstokgwilimaka tumin: «Wampi lakimpi lakxtum nalay, wantu ntsinu mintamakgtaykan ntu nkaʼakgataxtuniyan nchiyuj kilhtamaku, nalimakgkatsikgoy wantu ntsankganikgoy» (2 Cor. 8:12-15).

Akxni Pablo katsokgnanilh kstalaninanin Cristo xalak Roma, xtitaxtuma kata 56, atsinu xtsankga namastokgkan tumin. Apóstol wa: «Wa nchu kJerusalén nakan nakmakgtayakgoy ksantujlanin Dios. Xampi wa nti xalak Macedonia, chu kʼAcaya, lakapastakkgolh mpi napukikgoy ntumin xpalakatakan nti makgapitsin limaxkganin ksantujlanin Dios wa nti wilakgo kJerusalén» (Rom. 15:25, 26). Ni xlimakgas Pablo tlawakgolh xtaskujut, akxni taspitli kJerusalén chu chipaka, wanilh mapakgsina romano Félix: «Wampi chu ktitaspitli lakimpi nakmastay aktsu [tumin] wantu nalimakgtayakgokan judíos» (Hech. 24:17).

Pablo tsokgli xlakata kstalaninanin Cristo xalak Macedonia: «Lhuwa litlan nkintikaliskinikgon mpi nakmatlaninikgoyaw mpi natlawakgoy ntlanka litlan natalimakgtayakgoy ntumin». Xmakgtayaputunkgo kstalaninanin Cristo kxapulana siglo, chu apóstol Pablo kawanilh natalan xalak Corinto nachuna xtlawakgolh: «Wa lantla nchatunu mpuwa namastay kxnaku, chuna nkamastalh; ni kaj chalipuwana namastay, chu na ni kaj fuerzaj; xampi wa Dios, paxkiy wa nti xlipaks xtapaxuwan limastay». ¿Tuku xtlawa pi natalanin lu xmakgtayaputunkgolh? Xlakan ni kaj xlakaskinkgo «yuma ntamakgtay, ni xman wa akchanikgoy ksantujlanin Dios wa ntu ntsankganikgoy, wampi na xa wantu nkitaxtuniy mpi lhuwa limaxkikgoy Dios mpaxkatsinit» (2 Cor. 8:4; 9:7, 12). Na tlan chuna natlawayaw, chu nalipawanaw pi Jehová nakinkasikulunatlawayan komo chuna natlawayaw. Kaj Jehová tlan kinkamaxkiyan tlakg xatlan tasikulunalin (Prov. 10:22).

 [Recuadro xla página 9]

La Lhuwa Latamanin Makgtayakgo Taskujut Nema Tatlawa Xlikalanka Katiyatni

Chuna la kxkilhtamaku Pablo, la uku lhuwa “mapitsikgo” xtumin chu mujukgo kcajas xalak congregación niku kgalhikgo akgtum letrero nema wan: «Taskujut nema tatlawa xlikalanka katiyatni» (1 Cor. 16:2). Akgatunu papaʼ, congregaciones malakgachakgo uma tumin ksucursal xla xtatayananin Jehová nema pulalin taskujut kpaís. Na tlan namalakgachaya tumin nema mastaputuna tukuwani nema maklakaskinkgo xtatayananin Jehová xlakatin mapakgsinanin kmimpaís. Komo liwana katsiputuna xtukuwani niku malakgachakan tumin, kachuwinanti ksucursal nema pulalin taskujut niku wila. Natekgsa kʼuma dirección xla Internet www.pr418.com/contact. Wa uma tuku tlan namalakgachaya:

TUKU KAJ NAMASKIWINANA

• Kilhchanima namaskiwinana tumin, joyas o tanu tuku kgalhiya nema lhuwa xtapalh.

• Talakaskin namalakgachaya akgtum carta niku nawana pi tumin o atanu kaj maskiwinampat.

TUKU MASTAYA PERO WI TUKU SKINA

• Kilhchanima namastakan tumin pero tiku mastama tlan namaspitniparakan komo namaklakaskin.

• Na talakaskin namalakgachaya akgtum carta niku nawana pi wi tuku mastapat pero max alistalh namaklakaskimparaya.

NALAKKAXWILIYA TUKU NAMASTAYA

Unu nawiliyaw akgtum lista niku lichuwinan pulaklhuwa la tlan namastaya xlakata taskujut nema tatlawa xlikalanka katiyatni, chu tlan atanu tuku namastaya ni kaj tumin o tuku kgalhi xtapalh. Komo wi tuku mastaputuna pulana kakgalhskininanti ksucursal xlakata nakatsiya komo tlan namaklakaskinkgo. Tuku skinkgo mapakgsinanin chu xlakata la xokgokan impuestos talakgpali kʼakgatunu kachikinin, lu xlakaskinka naputsaya tiku katsini xlakata uma xlakata tlakg tlan natlawaya.

Seguros. Komo lakaskina tlan nawiliya tukuwani nema maklakaskinkgo xtatayananin Jehová xlakatin mapakgsinanin xlakata nalitamakgtaya seguro akxni naniya o tumin nema namaxkikana akxni natajubilarlaya.

Cuentas xalak banco. Cuentas xalak banco, certificados de depósito chu tumin nema maxkikana akxni natajubilarlaya tlan nawiliya kʼakgtum fideicomiso o nawana pi namaklakaskinkan akxni naniya, tlan nawiliya kxtukuwani nema maklakaskinkgo xtatayananin Jehová xlakatin mapakgsinanin pero talakaskin natatlawa chuna la wilakgolh limapakgsin kpaís.

Acciones chu bonos. Tlan xatapaxuwan namastaya kxtukuwani nema maklakaskinkgo xtatayananin Jehová xlakatin mapakgsinanin o akgtum contrato niku nawan pi akxni naniy xmalana namaxkikan xtatayananin Jehová.

Chiki chu tiyat. Tlan namastaya chiki chu tiyat nema tlan stakan kxtukuwani nema maklakaskinkgo xtatayananin Jehová xlakatin mapakgsinanin, tlan namaskiwinana o komo tiku mastama anta wi, tlan nawan pi chuntiyaku natawila asta akxni naniy.

Wi tuku masta pero wi tuku maspitnikan. Uma kilhchanima pi tuku wilikan kxtukuwani nema maklakaskinkgo xtatayananin Jehová xlakatin mapakgsinanin tumin o atanu, pero tiku mastama (o atanu tiku xla nalaksaka) akgatunu kata wi tuku maxkikan akxni lamajku. Uma tuku namasta natlawa nialh lhuwa impuestos naxokgokan kkata akxni wi tuku mastakan.

Testamentos chu fideicomisos. Tlan mastakan tiyat o tumin kxtukuwani nema maklakaskinkgo xtatayananin Jehová xlakatin mapakgsinanin chu namastakan xlakatin notario akgtum testamento o wa nawilikan xlakata nalitamakgtaya akgtum fideicomiso. Uma talakkaxlan tlan natlawa nialh lhuwa impuestos naxokgokan.

Chuna la wan tukuwani «akxni lakkaxwiliya tuku namastaya», uma tuku mastakan talakaskin pi liwana nalakkaxwilikan. Xlakata nakamakgtayakan tiku chuna makgtayaputun taskujut nema tatlawakgo xtatayananin Jehová xlikalanka katiyatni, tatlawanit xaʼinglés chu xaʼespañol folleto nema wanikan Donaciones planificadas para favorecer el servicio del Reino en todo el mundo. Uma folleto lichuwinan la tlan wi tuku namastakan. Max ni putum tuku wan uma folleto talakaskin natlawaya, xlakata limapakgsin chu impuestos talakgpali kʼakgatunu kachikin. Wa xlakata, akxni nalikgalhtawakgaya folleto, talakaskin naputsaya xtamakgtay tiku kgalhtawakganit xlakata uma. Uma tuku mastakan, lhuwa latamanin tlan makgtayakgonit taskujut xlakata takanajla chu akxni kamakgtayakan latamanin kxlikalanka kakilhtamaku, chu na litamakgtayakgonit xlakata nialh lu lhuwa impuestos xokgokgoy. Komo kmimpaís wi uma folleto, tlan naskiniya makgtum secretario xalak congregación.

Komo tlakg katsiputuna katsokgnanti o kachuwinanti Oficina de Donaciones Planificadas,(Charitable Planning Office), unu wiliyaw niku tlan nakatachuwinana, o kachuwinanti sucursal nema pulalin taskujut niku wix lapat.

CHARITABLE PLANNING OFFICE

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707