¿Lakapastaka?
¿Likgalhtawakganitata xaʼawatiya artículos xla Makatsinina? Kaʼakxilhti komo tlan nakgalhtiya umakgolh takgalhskinin:
¿Tuku kilhchani bibliomancia, chu la xliʼakxilhat uma kstalanina Cristo?
Wa akxni malakkikan Biblia, chu likgalhtawakgakgo xapulana texto nema naʼakxilhkgo, chu kanajlakgo pi anta wi tamakgtay nema maklakaskinkgo. Xaxlikana kstalaninanin Cristo niputsakgo tuku nalikatsikgo komo wi tuku tlan o nitlan nakaʼakgspula wata likgalhtawakgakgo Biblia xlakata nakatsikgo xtakatsin Dios chu wa nakapulalin (15/12, página ).
¿Tuku uma «kakilhtamaku» nema natitaxtu?
Wa latamanin tiku ni tlawakgo xtalakaskin Dios (1 Juan 2:17). Latamanin chu Katiyatni nitu katilanikgolh (1/1, páginas 5 asta 7).
«Maski makgan ninit Abel, wampi chunaku lichuwinama» (Heb. 11:4).
Xlakata xtakanajla. Tlan nakatsiyaw la limasiyalh xtakanajla chu natlawayaw la tlawalh. Lu tlan liʼakxilhtit kinkawilinin (1/1, página 12).
¿Tuku ni natlawa natamakgatliniyaw Jehová?
Makgapitsi umakgolh: taskujut, tuku lipaxuwakan, mifamilia tiku katamakxtukanit kcongregación, la nalimaklakaskinaw tecnología, kuenta natlawayaw kimaknikan, chuna la ni xlilat naʼakxilhaw tumin chu lu xlakaskinka akxilhaw tuku wanaw o tuku lakgayaw kcongregación (15/1, páginas 12 asta 21).
¿Tuku kinkamasiyaniyan xliʼakxilhtit Moisés?
Ni mastalh talakaskin pi tlanka nalimakgkatsikan limapakgsin, wata lipawa Dios. Ni kamastaw talakaskin pi tlanka nakinkalimakgkatsikanan; kalipawaw Jehová (Prov. 3:5, 6) (1/2, página 5).
¿Niku nalatamakgo tiku nalakastakwanankgo?
Makgapitsi, 144,000, nalatamakgo kʼakgapun. Pero atsinu ni putum nakamalakastakwanikan kKatiyatni anta nalatamakgo putum kilhtamaku (1/3, página 6).
¿Tuku xtlawa pi israelitas «xnakujkan ni tacircuncidartlawanit»? (Jer. 9:26.)
Xnakujkan lu xatsakat xwanit, xmakgxtakgkgolh tuku xtlawa pi nialhtu xmakgkatsikgolh: talakapastakni, tuku xtlawaputunkgo nema Dios ni lakgati (Jer. 5:23, 24) (15/3, páginas 9 chu 10).
¿Tuku tlawalh pi xatapaxuwan xlatamalh Jesús?
Wi tuku xaʼama tlawa kxlatama: xtalakaskin Dios. Lu xpaxki xtlat xliputum xnaku chu na xkapaxki latamanin. Jesús xkatsi pi xTlat xpaxki chu tlan xakxilha tuku xtlawama. Wa umakgolh tuku tlawa nalipaxuwayaw latamat (1/4, páginas 4 chu 5).
¿La litakgatsi xkachikin Jehová unu kkatiyatni?
Litakgatsi: Lakgkgolotsin tiku Pulalinkgo xTatayananin Jehová, Comités xla Sucursal, Superintendentes viajantes, Lakgkgolotsin Congregaciones chu Tiku lichuwinankgo Dios (15/4, página 29).
Ni tlan likatsi Dios ¿akxni malakgaxokgenan?
Dios ni lipaxuwalh akxni kamalakgsputulh latamanin tiku lixkajni xlikatsikgo (Ezeq. 33:11). Chuna la akgastakyawanalh Dios makgasa limasiyalh, pi paxkinan, chu pulana kawani latamanin akxni nina limin xliʼakgastakyawan (1/5, páginas 5 chu 6).
Akxni israelitas xkamakgnikgo tiku nitlan xlikatsi, ¿xkamawakakgo kkiwi?
Ni. Atanu kachikinin chuna xtlawakgo, pero israelitas nichuna. Tatsokgni xaHebreo wan pi pulana xmakgnikan tiku nitlan xlikatsi, max xkaʼaktalamakgnikan (Lev. 20:2, 27). Chu alistalh xmawakakan kkiwi xlakata amakgapitsin nialh xlikatsikgolh (15/5, página 13).
¿Tuku xlakata lu tuwa naʼanan takaksni xlikalanka kkatiyatni?
Maski latamanin lhuwa tuku tlawakgonit, ni kinkatlawakan xlakata kiakstukan nakinkapulalinkanan (Jer. 10:23). Kxlitliwakga Akgskgawini wilakgo, xlipaks ntachixkuwitat. Wa xlakata lakchixkuwin ni la tlawakgo kaʼanalh takaksni (1 Juan 5:19) (1/6, página 16).
