¿Likgalhtawakganitata xaʼawatiya artículos xla Makatsinina? Kaʼakxilhti komo tlan nakgalhtiya umakgolh takgalhskinin:

¿Tuku kilhtamaku Jesús «alh kamakatsini espíritus tiku xatachin xwilakgolh»? (1 Ped. 3:19.)

Max akxni xlakastakwananita, Jesús kamakatsinilh xalixkajni ángeles tuku nitlan xʼama kaʼakgspula (15/6, página 23).

¿Tuku natlawaya xlakata tlan nakitaxtu xlimakgtiy mintamakgaxtokgat?

Ni kamasta talakaskin pi xapulana mintamakgaxtokgat natlawa ni napaxuwayatit; kakawani miʼamigos la natalalinkgo tiku aku tatamakgaxtokgti, kalipawanti tiku aku tatamakgaxtokgti maski tiku pulana xtawila akgskgawin (1/7, páginas 9 chu 10).

¿Tukuya kilhtamaku Jesús naʼakxilha tiku nalitaxtu borrego o cabra? (Mat. 25:32.)

Akxni namin chu lamaja nawan lanka takatsanajwat, akxni masputukanita nixaxlikana takanajla (15/7, página 6).

¿Tukuya kilhtamaku natasakgo chu namalakgsanikgo xtatsankan nixaxlikana takanajla nema talichuwinan kpárabola xla trigo chu ni xatlan tuwan? (Mat. 13:36, 41, 42.)

Kilhtamaku xla lanka takatsanajwat akxni nakatsikgo pi nila katilakgtaxtukgolh (15/7, página 13).

¿Tuku kilhtamaku nakgantaxtu tuku wa Jesús xlakata skujni xalipaw chu xaskgalala? (Mat. 24:45-47.)

Ni kgantaxtulh kPentecostés kata 33, tsukulh kgantaxtu akxni xtitaxtunita kata 1914. Kkata 1919, skujni xalipaw chu xaskgalala lakgayawaka amakgapitsin skujnin, tiku kamaxkikgo taway xlakata takanajla (15/7, páginas 21 asta 23).

¿Tukuya kilhtamaku Jesús namakamaxki putum tuku kgalhi skujni xalipaw?

Chuna nala kilhtamaku nema aku mima, akxni lama nawan lanka takatsanajwat akxni skujni xalipaw naʼankgo kʼakgapun chu natamapakgsinankgo Cristo (15/7, página 25).

¿Ni wilikanit xtukuwanikan makgapitsi tiku kalichuwinan Biblia kaj xlakata nitlan xlikatsikgo o ni xlakaskinka xwankgonit?

Ni chuna nalakpuwanaw. Biblia ni putum wili xtukuwini makgapitsi tiku tlan o nitlan xlikatsikgo (Rut 4:1-3; Mat. 26:18). Chu kaj chatiy ángeles wankan xtukuwanikan (1/8, página 10).

Xlitliwakga Dios kamakgtayalh 230 xTatayananin Jehová nalakgtaxtukgo campo xla concentración xla Sachsenhausen ¿chu tuku na kamakgtayalh?

Maski kxlajwanankgonit xlakata ni xwayankgonit chu xtatatlakgo, putum kilhtamaku xlamatliwekglhkgo chatunu chatunu (15/8, página 18).

¿Tuku xlakata kinkamatliwakglhan akxni israelitas patakutkgolh kgalhtuchokgo Jordán akxni tanukgolh kTiyat nema xKawanikanit pi Nakamaxkikan?

Maski sen xtlawanit pi lu kstakli kgalhtuchokgo, Jehová machokgolh chuchut. Lu tatliwakglhli takanajla nema xkgalhinikgo Jehová, chu akinin na lu kinkamatliwakglhan (15/9, página 16).

¿Tuku kinkamasiyaniyan pi kBiblia makglhuwa lichuwinankan color?

Limasiya pi Dios katsi la kinkamamakgkatsiniyan chu kinkamakgtayayan nalakapastakaw tuku tlakg xlakaskinka (1/10, páginas 14 chu 15).

¿La kgantaxtuma uku Miqueas 5:5 xlakata kuentajtlawananin chu pulalinanin?

Akgatekgsaw, o makgachakgxiyaw pi umakgolh «kgalhatujun kuentajtlawananin chu kgalhtsayan latamanin» nema lichuwinan Miqueas 5:5 kilhchanima lakgkgolotsin xalak congregación, tiku matliwakglhmakgo xkachikin Dios, xlakata kilhtamaku akxni nakatlawaniputunkan tuku nitlan (15/11, página 20).

¿Tuku xlakata maklakaskinaw xtamakgtay Dios?

Lakaskinaw tuku nakinkapulalinan chu Dios kinkawaniyan la nalakkaxtlawayaw taʼakglhuwit. Xla lakaskin pi xatapaxuwan kalatamaw, chu kxTachuwin wan pi putum tuku wan Jehová namakgantaxti ( 1/12, páginas 4 asta 7).