¿Wi tuku namastayaw xpalakata Tamapakgsin?
«Dios, paxkiy wa nti xlipaks xtapaxuwan limastay.» (2 COR. 9:7)
1. ¿Tuku limakgxtakgkgo lhuwa latamanin, chu tuku xlakata?
LATAMANIN mastakgo tuku kgalhikgo xpalakata tuku xlakaskinka akxilhkgo. Natlatni limaxtukgo kilhtamaku, tumin chu litliwakga xlakata nakakuentajtlawakgo xkamanankan. Lhuwa lakgkgawasan chu laktsuman tiku kgamanankgo kJuegos Olímpicos ni katapaxuwakgo xʼamigos chu limaxtukgo lhuwa hora xlakata nalakgtawakgakgo akgatunu kilhtamaku. Asta Jesús wi tuku mastalh xpalakata tuku xlakaskinka xakxilha. Tlan xtikgalhilh lhuwa tumin o xtikgalhilh familia, pero liskujli xlakata Tamapakgsin (Mat. 4:17; Luc. 9:58). Kstalaninanin na lhuwa tuku limakgxtakgkgolh xlakata Tamapakgsin. Xlakata xlakan tlakg xlakaskinka xʼakxilhkgo, xatapaxuwan lhuwa tuku limakgxtakgkgolh chu makgtayanankgolh (Mat. 4:18-22; 19:27). ¿Tuku tlan wanaw kimpalakatakan? Tlan kiakstukan kinkakgalhskinkanan: «¿Tuku tlakg xlakaskinka kakxilha?».
2. 1) ¿Tuku talakaskin namakgxtakgkgo xaxlikana kstalaninanin Cristo? 2) ¿Tuku atanu tlan namakgxtakgkgo makgapitsin?
2 Wi lhuwa tuku namakgxtakga xaxlikana kstalanina Cristo komo talalimputun Jehová. Akgtum liʼakxilhtit, talakaskin nalimaxtu kilhtamaku chu litliwakga xlakata natlawa oración, nalikgalhtawakga Biblia, nakakninani Dios kfamilia, naʼan ktamakxtumit chu nalichuwinan Dios (Jos. 1:8; Mat. 28:19, 20; Heb. 10:24, 25). * Xlakata tuku tlawayaw chu xtamakgtay Dios, tlakg talichuwinama xalakwan xalaksasti chu lhuwa tiku mimakgo «ksipi niku wi xchik Jehová» (Is. 2:2). Nachuna, makgapitsi atanu tuku limakgxtakgkgo akxni skujkgo kBetel, makgtayanan natatlawa Pukgalhtawakga xla xTatayananin Jehová chu Salones de Asambleas, lakkaxwilikgo laklanka tamakxtumit o makgtayanankgo akxni wi tuku masputunan. Uma ni talakaskin natlawayaw xlakata nakgalhiyaw latamat nema ni sputa pero lu xlakaskinka xpalakata Tamapakgsin.
3. 1) ¿La kinkamakgtayayan namastayaw tamakamastan xpalakata Tamapakgsin? 2) ¿Tuku takgalhskinin nakinkatlawanikanan?
3 La uku tlakg xlakaskinka namakgtayayaw Tamapakgsin. Lu paxuwayaw akxni akxilhaw la lhuwa wi tuku limakgxtakgkgo xlakata naskujnanikgo Jehová (kalikgalhtawakga Salmo 54:6). Komo nachuna lakapastakaw natlawayaw, tlakg napaxuwayaw kkilatamatkan liwan kgalhkgalhimaw kamilh xTamapakgsin Dios (Deut. 16:15; Hech. 20:35). Pero kinchatunukan nakinkakgalhskinkanan: «¿Tlan tlakg xakmastalh tuku kkgalhi xpalakata Tamapakgsin? ¿La kmaklakaskima kinkilhtamaku, kintumin, kilitliwakga chu tuku tlan ktlawa? ¿Tuku nema kilitlawat ni kilimakgxtakgat?». Kaʼakxilhwi tuku kinkamasiyaniyan tamakamastan nema xtatlawa makgasa. Uma takgalhtawakga nakinkamakgtayayan xatapaxuwan naskujnaniyaw Jehová.
TAMAKAMASTAN KXAMAKGAN ISRAEL
4. ¿Tuku xlakata tlan xkakitaxtuni israelitas xlakata xmastakgo tamakamastan?
4 Kxamakgan Israel, xlakata xtapatika xtalakgalhinkan tiku xlakgalhinanit chu Jehová tlan xakxilhli xtalakaskin xtlawalh tamakamastan. Makgapitsi xtalakaskin fuerza xmastakgolh chu atanu xatapaxuwan xlakapastakkgo namastakgo (Lev. 23:37, 38). Tamakamastan nema xatalhkun xla tantum animal nema xmaxkikan Dios, xlitaxtu la akgtum tamaskiwin o tuku xatapaxuwana xmaxkikan Jehová. Akgtum kilhtamaku akxni israelitas tlawakgolh lhuwa tamakamastan wa akxni makamastanika Dios templo kxkilhtamaku Salomón (2 Crón. 7:4-6).
5. ¿Tuku tlawalh Jehová xlakata tiku nitu xkgalhikgo tlan xtlawalh tamakamastan?
5 Jehová xkatsi pi nila akxtum tuku xmastakgo, wa xlakata xkgalhkgalhi pi chatunu chatunu xmaxkilh tuku tlan xmastalh. Anta kxLimapakgsin xtaskin tamakamastan xla animales chu kstajtamakgalh xkgalhni, xlakata uma xwanit tuku “masiyulh wa ntu xama min xatlan” xlakata Jesús (Heb. 10:1-4). Pero Jehová ni xa fuerza xkaskini komo ni xkgalhikgo. Akgtum liʼakxilhtit, komo israelita nila xmakamasta tantum borrego o wakax, tlan xmastalh palomas. Asta tiku nitu xkgalhi tlan xtlawa tamakamastan (Lev. 1:3, 10, 14; 5:7). Pero maski tlan xmastakgo tanu tanu animales, xwi pulaktiy tuku Jehová xkaskini tiku xlakapastakkgo wi tuku namakamastakgo.
6. ¿Tuku pulaktiy xkaskini Jehová tiku xatapaxuwan xmastakgo tamakamastan, chu la xlilakaskinka xwanit uma tuku xkaskinikan?
6 Pulana, xtalakaskin xmastalh tuku tlakg tlan xkgalhi. Jehová kajwatiya xmakglhtinan tamakamastan xla animales nema ni xtatatlakgo (Lev. 22:18-20). Wa xlakata komo animal xtatatla ni xmakglhtinan uma tamakamastan. Xliʼakgtiy, tiku xmasta ni xlikgalhit xwanit tuku xlixkajwanalh kxlatamat la xwan Limapakgsin. Komo wi tuku xlixkajwananit, xlakata Dios tlan xʼakxilhpa xtalakaskin pulana xmastalh tamakamastan xlakata talakgalhin nema ni xtatlawaputun o tamakamastan xlakata wi tuku nitlan xtlawakanit (Lev. 5:5, 6, 15). Uma lu xlakaskinka xwanit, xlakata Limapakgsin xwan pi xmakgnika tiku xkajwananit chu xwalh tamakamastan nema xmastakanit xlakata tlakg tlan xtalalinkgolh Dios chu max xatapaxuwan xmastakanit (Lev. 7:20, 21). Pero, komo Dios tlan xakxilha chu xtamakamastan xatlan xwanit, tlan xlipaxuwa chu tlan xkgalhi tlan talakapastakni (kalikgalhtawakga 1 Crónicas 29:9).
TAMAKAMASTAN LA UKU
7, 8. 1) ¿La makgkatsikgo lhuwa natalanin akxni tlawakgo tamakamastan xpalakata Tamapakgsin? 2) ¿Tuku tlan maxki Jehová putum tiku kstalanina Cristo?
7 La uku, lhuwa natalanin xliputum xnakujkan skujnanikgo Jehová. Uma limakgapaxuwakgo chu na lu tlan limakgkatsikgo xlakata kamakgtayakgo amakgapitsin. Chatum tala tiku makgtayanan natlawakan Pukgalhtawakga xla xTatayananin Jehová chu makgtayanan akxni wi tuku masputunan, wan pi tuwa makgkatsi nawan la uma taskujut makgapaxuwa. Xla wan: «Akxni kakxilha pi natalan lu paxuwakgo chu paxtikatsininankgo xlakata kgalhikgo xasasti pukgalhtawakga o xlakata kamakgtayaka akxni wi tuku masputunan, kkatsi pi maski tuwa, lu tlan kitaxtulh».
Lhuwa tamakamastan xatapaxuwan xmakamastakan, xtachuna tamakamastan nema uku katlawayaw (Kaʼakxilhti párrafos 7 asta 13)
8 Xkachikin Jehová xala uku putum kilhtamaku lakputsanit la namakgtayanan kxtaskujut Dios. Kkata 1904, tala Charles T. Russell tsokgli: «[Putum kstalanina Cristo] xlilakapastakat pi Malana laksaknit la mayordomo xla xkilhtamaku, tuku tlan tlawa, xtumin, etc., chu chatunu namaklakaskin tuku kgalhi, xlakata namalanki Malana». Xlikana tuku makamaxkiyaw kiDioskan, Jehová, lhuwa tasikulunalin limin pero min 2 Sam. 24:21-24). Wa xlakata kalakpuwaw: «¿Tlan tlakg liwana xakmaklakaskilh tuku kkgalhi?».
kilhtamaku tuwa makgkatsiyaw (Tiku skujkgo kBetel xalak Australia
9. ¿Tuku kinkamasiyaniyan Jesús kLucas 10:2-4?
9 Kinkilhtamakujkan. Lin lhuwa kilhtamaku namatitaxtikan kʼatanu tachuwin chu naimprimirlikan kilikgalhtawakgakan, natlawakan niku kakninanikan Dios, nalakkaxwilikan laklanka tamakxtumit, nakamakgtayakan tiku titaxtumakgo tuku nitlan xlakata wi tuku masputunan chu natlawakan atanu tuku talakaskin. Pero, akgtum kilhtamaku kajwatiya puxamatati hora kgalhi. ¿Tuku tlan tlawayaw xlakata liwana namaklakaskinaw kilhtamaku? Kaʼakxilhwi tuku kawanilh Jesús kstalaninanin akxni kamalakgachalh nalichuwinankgo xalakwan xalaksasti: «Na tini tixakgatliyatit ktiji» (Luc. 10:2-4). ¿Tuku xwamputun? Chatum tiku lakputsanani Biblia wan: «Tiku orientales akxni xlawanikgo kgalhen ni xtlawakgo la akinin tlawayaw, ni kajwatiya tsinu xlatakilhputanikgo o xlamakgachipakgo, wata lhuwa kilhtamaku xlaʼakgpixtikgo, o xlasnatkgo, chu xlatakilhputanikgo chu asta xlalakgatatsokgostanikgo. Uma xlin lhuwa kilhtamaku». Jesús ni xkawanima kstalaninanin pi nitlan xlikatsikgolh; wata xkamakgtayaputun nakatsikgo pi ni lhuwa kilhtamaku xkgalhikgo chu xtalakaskin xmaklakaskinkgolh xlakata tuku tlakg xlakaskinka xwanit (Efes. 5:16). ¿Tlan namakgantaxtiyaw uma tastakyaw chu tlakg namaxkiyaw kilhtamaku Tamapakgsin?
Tiku lichuwinankgo Dios kPukgalhtawakga xla xTatayananin Jehová kʼKenia (África)
10, 11. 1) ¿La maklakaskinkan tumin nema xatapaxuwan mastakan xpalakata Tamapakgsin? 2) ¿La kinkamakgtayayan xtastakyaw 1 Corintios 16:1, 2?
10 Kintuminkan. Talakaskin lhuwa tumin xlakata naxokgokan tuku tatlawa xpalakata Tamapakgsin. Akgatunu kata maklakaskinkan lhuwa millón dólar xlakata nalixokgokan tuku maklakaskinkgo superintendentes viajantes, precursores especiales chu misioneros. Nachuna, lata kata 1999 katlawakanit 24,500 Pukgalhtawakga xla xTatayananin Jehová kpaíses niku ni anan lhuwa tumin, chu tamaklakaskimakgolhku 6,400. Nachuna, akgatunu papaʼ kaimprimirlikan max 100 millón revistas Makatsinina chu ¡Despertad! Putum uma lixokgokan tumin nema xatapaxuwan mastayaw.
11 Apóstol Pablo mastalh akgtum tastakyaw nema nakinkamakgtayayan akxni xatapaxuwan namastayaw tumin (kalikgalhtawakga 1 Corintios 16:1, 2). Xlakata Dios malakpuwanilh kawanilh natalan xalak Corinto pi xapulana kilhtamaku xla semana tsinu tumin xmapitsikgolh chuna la xmatlanikgolh, chu ni xtakgalhkgalhilh asta sputli semana xlakata xmastakgolh tuku xakgataxtunikgonit. Nachuna, la uku lakkaxwiliyaw la xlilhuwa tumin namastayaw, chuna la chatunu chatunu tlan mastayaw (Luc. 21:1-4; Hech. 4:32-35). Xlikana pi Jehová xtapalh akxilha pi lakgatiyaw maskiwinanaw.
Tiku makgtayanan kComité Regional de Construcción (Tuxedo, Nueva York)
12, 13. 1) ¿Tuku max natlawa ni nalimaklakaskinaw kilitliwakgakan chu tuku tlan tlawayaw xpalakata Tamapakgsin? 2) ¿La tlan kinkamakgtayayan Jehová?
12 Kilitliwakgakan chu tuku tlan tlawayaw. Jehová kinkamakgtayayan akxni maklakaskinaw kilitliwakgakan chu tuku tlan tlawayaw xpalakata Tamapakgsin. Kinkawaninitan pi nakinkamatliwakglhan komo min kilhtamaku taxlajwaniyaw (Is. 40:29-31). ¿Chu komo lakpuwanaw pi ni katsiniyaw la natlawayaw taskujut, chu pi amakgapitsin tlakg tlan xtlawakgolh? Kalakapastakwi pi Jehová kinkamakgtayayan tlakg tlan natlawayaw taskujut, chuna la kamakgtayalh Bezalel chu Oholiab (Éx. 31:1-6; kaʼakxilhti xapulana dibujo).
13 KiDioskan kinkawaniyan pi kamastaw tuku tlakg tlan kgalhiyaw, chu nitu kamachokgow (Prov. 3:27). Akxni xkaxtlawamaka templo, Jehová kawanilh judíos tiku xwilakgolh kJerusalén pi “xwilikgolh xnakujkan kxtijikan”, uma kilhchanima pi xlilakpuwankgolh putum tuku xtlawamakgo xpalakata ama taskujut (Ageo 1:2-5). Xlakan atanu tuku xlakpuwamakgo chu nialh xʼakxilhmakgo tuku tlakg xlakaskinka xwanit. Na tlan nakinkakgalhskinkanan: «¿Naktlawa xtalakaskin Jehová wa tuku tlakg xlakaskinka kkilatamat? ¿Tlan liwana nakalapastaknan xlakata la tlakg nakmakgtayanan kxtaskujut xla xTamapakgsin Dios kʼuma xaʼawatiya kilhtamaku?».
KAMAKAMASTAW TUKU KGALHIYAW
14, 15. 1) ¿La kinkamakgtayayan xliʼakxilhtit natalan tiku ni lhuwa tuku kgalhikgo? 2) ¿Tuku liwana nalakapastakaw natlawayaw?
14 Lhuwa natalan lamakgo kpaíses niku anan lhuwa taʼakglhuwit chu nitu kgalhikgo, chu xkachikin Jehová niku makgtapakgsiyaw lu liskuja xlakata nakamakgtayakgo (2 Cor. 8:14). Maski chuna, asta umakgolh natalan xtapalh akxilhkgo xatapaxuwan namastakgo xtuminkan. ¡Lu lipaxuwa Jehová akxni xliputum xnakujkan mastakgo tuku kgalhikgo! (2 Cor. 9:7.)
15 Kʼakgtum país xalak África niku ni lhuwa anan tumin, makgapitsi natalan mapitsikgo titsu xtiyat niku chananankgo chu maklakaskinkgo tumin nema litlajakgo xpalakata taskujut xla Tamapakgsin. Watiya kʼuma país xtalakaskin xasasti Pukgalhtawakga xla xTatayananin Jehová. Natalan xmakgtayanamputunkgo akxni xtlawaka, pero talakkaxwililh natlawakan kilhtamaku akxni xlakgchan nachananankan. ¿Tlawalh uma ni namakgtayanankgo? Ni chuna. Kakuwani xʼankgo makgtayanankgo kpukgalhtawakga, chu katsisni xchananankgo. ¡Lu xmakgxtakgkgo tuku xkgalhikgo xlakata xmakgtayanankgolh! Kinkamalakapastakayan natalan kxapulana siglo tiku xlamakgo kʼMacedonia. Maski “lu xtalimaxkgakgonit”, tasaskinkgolh pi xkamaxkika talakaskin xkamakgtayakgolh natalan tiku xtamaklakaskimana (2 Cor. 8:1-4). Nachuna, chatunu chatunu kamastaw “chuna la xlilhuwa tasikulunalin Jehová kiDioskan kinkamaxkinitan” (kalikgalhtawakga Deuteronomio 16:17).
16. ¿La tlan katsiyaw komo kintamakamastankan makgapaxuwa Jehová?
16 Pero wi tuku kililakapastakatkan. Xtachuna la israelitas, kiliʼakxilhatkan pi tamakamastan nema xatapaxuwan tlawayaw kamakgapaxuwalh Jehová. Talakaskin kuenta natlawayaw xlakata ni nalimakgxtakgaw tuku tlakg xlakaskinka lakgayaw, uma kilhchanima, namaxkiyaw kifamiliajkan tuku maklakaskin chu takaknin nema maxkiyaw Dios. Ni xlilat pi nialh nakuentajtlawayaw tuku maklakaskin kifamiliajkan chu xtakanajlakan kaj xlakata kamakgtayamaw atanu latamanin. Komo chuna xtlawaw uma kitaxtu pi mastamaw tuku ni kgalhiyaw (kalikgalhtawakga 2 Corintios 8:12, Hua Xasasti Talaccaxlan, 1999). Tuku na kilikuentajtlawatkan wa kintakanajlakan (1 Cor. 9:26, 27). Komo lilatamayaw tastakyaw xalak Biblia, putum tuku namakamastayaw nalipaxuwayaw, tlan nalimakgkatsiyaw chu Jehová “lipaxuw makgamakglhtinan”.
TAMAKAMASTAN NEMA LHUWA XTAPALH
17, 18. 1) ¿La kaʼakxilhaw natalan tiku tlawakgo tamakamastan xpalakata Tamapakgsin? 2) ¿Tuku kililakpuwanatkan natlawayaw?
17 Xliputum kakilhtamaku lhuwa natalan xatapaxuwan skujkgo xpalakata Tamapakgsin; tlan wanaw pi «xtachuna ntu stajtamakgan kxokgspun likaxtlawan» (Filip. 2:17). ¡Lu xlakaskinka kaʼakxilhaw! ¿Chu tuku tlan wanaw xlakata xlakpuskatin chu xkamanan natalan tiku pulalinkgo taskujut xla Tamapakgsin? Kapaxtikatsiniyaw xlakata xatapaxuwan makgtayanankgo.
18 Wi lhuwa taskujut nema kilitlawatkan xpalakata Tamapakgsin. Katlawaniw oración Jehová chu kalakapastakwi la tlakg xmakgtayanaw. Komo chuna tlawayaw namakglhtinanaw lhuwa tasikulunalin chu «namin kilhtamaku» tlakg lhuwa namakglhtinanaw (Mar. 10:28-30).
^ párr. 2 Kaʼakxilhti artículo «Xliputum kilatamatkan kamakamaxkiw Jehová tamakamastan», xla Makatsinina 1 xla enero kata 2012 kpáginas 23 asta 27.