1. ¿Tuku lu tlan titaxtumakgo lhuwa lakgkgawasan chu laktsuman tiku kstalaninanin Cristo?

LAMAW kkilhtamaku nema lu xlakaskinka. Lhuwa millón latamanin xla putum kachikinin talakatsuwimakgo kxaxlikana takanajla (Apoc. 7:9, 10). Lhuwa lakgkgawasan chu laktsuman titaxtumakgo tuku lu tlan kxlatamatkan xlakata kamasiyanimakgo latamanin tuku xalak Biblia xlakata nalakgtaxtukgo (Apoc. 22:17). Makgapitsi lipaxuwakgo akxni kalimakgalhtawakgekgo Biblia latamanin chu akxilhkgo la kalakgpalini xlatamatkan; amakgapitsi lichuwinankgo xalakwan xalaksasti kʼatanu tachuwin (Sal. 110:3; Is. 52:7). Taskujut nema tlawama xkachikin Dios masta tapaxuwan. Lakgkgawasan chu laktsuman ¿la tlakg namakgtayananatit?

2. ¿La limasiya xliʼakxilhtit Timoteo pi Jehová kalakgayawaputun taskujut tiku lakgkgawasanku? (Kaʼakxilhti xapulana dibujo.)

² La uku tlan nalaksaka tuku alistalh namakgtayayan pulaklhuwa la tlan naskujnaniya Dios. Kalakapastakti Timoteo, tiku xalak Listra xwanit, xla laksakli tuku tlan nema makgtayakgolh alistalh kxlatamat: Akxni max xkgalhi 20 kata, misionero litaxtulh (Hech. 16:1-3). Max nilhuwa papaʼ alistalh akxni apóstol Pablo xputsasatalanikanit, chu wa xlakata xmakgxtakgnit congregación xalak Tesalónica nema aku xlakkaxwilikanit, apóstol malakgachalh anta Timoteo xlakata xkamatliwakglhli natalan (Hech. 17:5-15;  1 Tes. 3:1, 2, 6). Kalakpuwanti la makgkatsilh Timoteo akxni maxkika uma taskujut.

3. 1) ¿Tuku tlakg xlakaskinka nalaksaka kmilatamat? 2) ¿Tukuya kilhtamaku tlan natlawaya?

³ Akxni nina kgalhiyaw lhuwa kata nalaksakaw tuku lu xlakaskinka. Pero wi pulaktum nema tlakg xlakaskinka nixawa amakgapitsin: naskujniya Jehová. ¿Tukuya kilhtamaku nalaksaka? Jehová waniyan: «Kalakapastakti [...] mi Malakatsukina la uku akxni kgawasaku wix» (Ecl. 12:1). ¿Chu la tlan “nalakapastaka” Jehová? Kajwatiya komo naskujnaniya xliputum minaku (Deut. 10:12). Wa uma tuku tlakg xlakaskinka nalaksaka kmilatamat, xlakata wa uma tuku namakgtayayan alistalh (Sal. 71:5).

4. ¿Tuku lu xlakaskinka nalaksaka kmilatamat nema nalakgpali la naskujnaniya Dios?

⁴ Xlikana, nalaksaka naskujnaniya Jehová ni kajwatiya nema nalakgpali milatamat. Akgtum liʼakxilhtit, nalakpuwana komo tamakgaxtokgputuna chu tiku natatamakgaxtokgputuna, o tuku naliskuja. Pero maski uma lu xlakaskinka, tlan nawan komo miʼakstu nakgalhskinkana komo skujniputuna Jehová xliputum milatamat (Deut. 30:19, 20). ¿Tuku xlakata? Xlakata umakgolh tuku nalaksaka nalakgpali atanu tuku natlawaya. Tuku nalaksaka xlakata tamakgaxtokgat chu taskujut tlan lakgpali la naskujnaniya Jehová (katamalakxtupi Lucas 14:16-20). Pero komo skujnaniputuna Dios nalakgpaliya tuku natlawaya xlakata tamakgaxtokgat o taskujut. Wa xlakata pulana kalaksakti tuku tlakg xlakaskinka nawan kmilatamat (Filip. 1:10).

5, 6. Kalichuwinanti akgtum liʼakxilhtit nema masiya pi akxni tlan tuku laksakaw natlawayaw pulaklhuwa tuku tlan tlawakan alistalh. (Na kaʼakxilhti kʼuma revista artículo «Wantuku klaksakli naktlawa akxni aktsujku xakwanit».)

⁵ Akxni lakpuwanitata pi naskujnaniya Dios, kakgalhskinkanti tuku lakaskin natlawaya chu kalaksakti la naskujnaniya. Chatum tala xalak Japón tsokgli: «Akxni xakkgalhi 14 kata, ktaʼalh klichuwinan Dios chatum kgolotsin xalak congregación, chu xla akxilhli pi akit nialh xaklipaxuwa akxni xaklichuwinan Dios. Kiwanilh: “Kapit kminchik, Yuichiro. Anta kalakpuwanti tuku Jehová tlawanit mimpalakata”. Chu chuna ktlawalh. Lhuwa kilhtamaku xaklakapastaka uma chu ktlawalh oración. Tsinu tsinu klakgpalilh kintapuwan chu lu klakgatilh nakskujnani Jehová. Xlakata lu xaklakgati likgalhtawakga tuku titaxtukgo misioneros, ktsukulh klakpuwan pi tlakg xakskujnanilh Dios».

⁶ Yuichiro wampara: «Klaksakli tuku xkimaxkilh talakaskin xakskujnanilh Jehová kʼatanu país. Akgtum liʼakxilhtit, kkgalhtawakgalh inglés. Akxni kmasputulh kinpreparatoria, ktsukulh kmasta clases xla inglés kaj ni lhuwa kilhtamaku xlakata tlan precursor xakwa. Akxni xakkgalhi 20 kata ktsukulh kkatsini mongol, chu tlan kkalakgapaxialhnalh tiku xlichuwinankgo Dios kʼuma tachuwin. Akgtiy kata alistalh kata 2007 kkataʼalh kMongolia. Akxni akit chu amakgapitsi precursores kaw klichuwinanaw Dios kakxilhli pi lhuwa latamanin xkatsiputunkgo xaxlikana, anta kamputulh latama chu ktaspitli kʼJapón xlakata xlakkaxwililh putum tuku xakmaklakaskin. Lata kata 2008 anta kskujma la precursor kʼMongolia. Unu latamat tuwa, pero lhuwa katsinimakgo xaxlikana, chu kkamakgtayama natalakatsuwinikgo Jehová. Liwana kkatsi pi klaksakli tlakg xatlan latamat».

7. 1) ¿Tuku nalaksakaw chatunu chatunu? 2) ¿Tuku liʼakxilhtit kinkawilinin Moisés?

⁷ Chatunu xtatayana Jehová nalaksaka tuku natlawa kxlatamat (Jos. 24:15). Akinin nila kkawaniyan pi katamakgaxtokgti o ni, o tiku natatamakgaxtokga, o tuku taskujut naputsaya. ¿Naputsaya akgtum taskujut nema ni lhuwa takgalhtawakga talakaskin? Makgapitsi wixin, natalan lakgkgawasan chu laktsuman, lapatit kachikinin niku ni anan  lhuwa tumin; makgapitsi, kkachikinin niku anan tumin. Putum wixin ni xtachuna lakpuwanatit, tuku tlawayatit, tuku titaxtunitantit kmilatamatkan, tuku lakgatiyatit chu tuku tlawaputunatit xlakata mintakanajlakan. Max nachuna kaʼakgspulayan la lakgkgawasan hebreos kxamakgan Egipto: Moisés xmakgamakglhtinan putum tuku tlakg xatlan xʼanan kʼEgipto, chu makgapitsi kaj skujnin xwankgonit (Éx. 1:13, 14; Hech. 7:21, 22). Chuna la wixin xlakan latamakgolh kkilhtamaku nema lu xlakaskinka (Éx. 19:4-6). Chatunu chatunu laksakli komo putum xnaku xʼama skujnani Jehová. Chu Moisés laksakli tuku tlakg tlan (kalikgalhtawakga Hebreos 11:24-27).

8. ¿Tuku nakamakgtaya lakgkgawasan chu laktsuman nalaksakkgo tuku tlan kxlatamatkan?

⁸ Jehová makgtayayan nalaksaka tuku tlan la uku. Maxkiyan tastakyaw nema tlan namaklakaskina kmilatamat (Sal. 32:8). Nachuna minatlatni chu lakgkgolotsin xalak congregación tlan namakgtayakgoyan namaklakaskina umakgolh tastakyaw kmilatamat (Prov. 1:8, 9). Kaʼakxilhwi akgtutu tastakyaw xalak Biblia nema tlan namakgtayakgoyan nalaksaka tuku namakgtayayan kilhtamaku nema aku mima.

9. 1) ¿Tuku kinkamaxkiyan talakaskin Jehová? 2) ¿La tlan pulana naputsaya xTamapakgsin Dios?

⁹ Pulana kaputsatit xTamapakgsin Dios, chu xtalakaskin (kalikgalhtawakga Mateo 6:19-21, 24-26, 31-34, TNM). Jehová kinkamaxkiyan talakaskin nalaksakaw tuku natlawayaw. Xla ni waniyan la xlilhuwa kata lata kgawasaku wix nalichuwinana xTamapakgsin. Pero Jesús kinkawanin pi pulana kaputsaw xTamapakgsin Dios. Komo chuna natlawaya tlan pulaklhuwa la nalimasiyaya tapaxkit nema kgalhiniya Dios, la kapaxkiya amakgapitsin chu pi paxtikatsiniya takgalhkgalhin xla latamat nema nikxni nasputa. Xlakata tamakgaxtokgat chu taskujut, ¿nalimasiya tuku nalaksaka pi xTamapakgsin chu xtalakaskin Dios wa tuku tlakg xlakaskinka akxilha nixawa tumin o tuku nakgalhiya?

10. ¿Tuku tlawalh Jesús, chu tuku natlawa pi wix napaxuwaya?

¹⁰ Kalipaxuwa xlakata skujnaniya amakgapitsin (kalikgalhtawakga Hechos 20:20, 21, 24, 35). Jesús xapaxuwana kinkamasiyanin uma tastakyaw. Xla lu lipaxuwalh xlakata tlawalh xtalakaskin Jehová chu ni wa tuku xlakaskin. Xlipaxuwa akxni xakxilha pi latamanin xmakgamakglhtinankgo xalakwan xalaksasti (Luc. 10:21; Juan 4:34). Max wix makgkatsinitata tapaxuwan nema tamakgkatsi akxni wi tiku makgtayakan. Komo akxni nalaksaka tuku lu xlakaskinka xlakata milatamat kuenta natlawaya tastakyaw nema masiyalh Jesús, napaxuwaya chu namakgapaxuwaya Jehová (Prov. 27:11).

11. ¿Tuku xlakata nialh xpaxuwa Baruc, chu tuku tastakyaw maxkilh Jehová?

¹¹ Tuku xlikana kinkaliminiyan tapaxuwan wa naskujnaniyaw Jehová (Prov. 16:20). Max Baruc, xsecretario Jeremías, nialh xlakapastaka uma. Milh kilhtamaku nialh xlipaxuwa taskujut nema xmaxki Dios wa xlakata Jehová wanilh: «Wix lhuwa tuku putsapat kaj mimpalakata. Nialh kaputsa uma. Xlakata naklimin tuku nitlan xpalakata latamanin [...], chu xlikana naklakgmaxtu milatamat kaniwa niku napina» (Jer. 45:3, 5). ¿Tuku lakpuwana wix? ¿Tuku tlakg xmakgapaxuwalh Baruc? ¿Naputsa tuku xlakaskin, o nalakgtaxtu akxni xmasputuka Jerusalén xlakata chuntiya skujnanilh Dios? (Sant. 1:12.)

12. ¿Tuku laksakli Ramiro nema tlawanit pi lu napaxuwa kxlatamat?

¹² Ramiro chatum tala tiku paxuwa xlakata kamakgtaya amakgapitsin wan: «Kifamilia ni kgalhi tumin chu lama kʼakgtum aktsu kachikin nema wi kʼcordillera de los Andes. Wa xlakata akxni xapuxku kintala kiwanilh pi xkixokgonilh takgalhtawakga kʼuniversidad, tlan xtakgaxmata. Pero akit  xaktamununita chu atanu tuku xkiwanikanit pi tlan xaktlawa: chatum precursor kiwanilh pi xaktaʼalh lichuwinan Dios kʼatanu aktsu kachikin. Anta kalh, kkatsinilh akgsitnan chu kwililh niku akgsitnankan xlakata xakkgalhilh tuku xakmaklakaskin. Lhuwa latamanin xmakgamalhtinankgo takgalhtawakga xalak Biblia chu lu xpaxtikatsininankgo. Alistalh ktatamakxtumilh akgtum congregación nema aku xwilikanit ktachuwin nema akit kchuwinan. Titaxtunita akgkaw kata lata kskujnima Dios putum kilhtamaku, kkatsi pi ni anan atanu taskujut nema lhuwa xkimakgapaxuwalh la akxni kkamakgtaya latamanin nakatsikgo xalakwan xalaksasti kxtachuwin».

13. ¿Tuku xlakata tlan naskujnaniya Jehová akxni nina lhuwa kata kgalhiya?

¹³ Kalipaxuwa naskujnaniya Jehová la uku (kalikgalhtawakga Eclesiastés 12:1). Ni kalakpuwanti pi talakaskin pulana nakgalhiya tlan taskujut chu alistalh tlakg naskujnaniya Jehová. Tlakg xatlan kilhtamaku xlakata natsukuya skujnaniya Jehová wa uku, akxni nina lhuwa tuku lakgatayanita kfamilia chu ni tatatlaya chu kgalhiya litliwakga xlakata natlawaya tlakg xatuwa taskujut. ¿Tuku xtlawaputunti xpalakata Jehová la uku? ¿Precursor wamputuna? ¿Kalitachuwinamputuna Dios latamanin tiku tanu tachuwin kgalhikgo? ¿O tlakg makgtayaputuna congregación niku wila la uku? Maski tanu tanu tuku natlawaputuna kxkachikin Dios, talakaskin nakgalhiya akgtum taskujut. ¿Tuku taskujut nakgalhiya? ¿Tuku takgalhtawakga namaklakaskina?

14. ¿Tuku kuenta xlitlawatkan kamanan xlakata ni nakaʼakgskgawikan akxni lakkaxwilimakgo tuku natlawakgo alistalh?

¹⁴ Akgtutu tastakyaw xalak Biblia nema akxilhnitaw tlan makgtayakgoyan naʼakxilha  tuku taskujut tlakg tlan mimpalakata. Max tiku stakyawanankgo kʼescuela nawanikgoyan tuku taskujut tlakg anan niku wix lapat. O wi tuku lakkaxwilinit mapakgsina nema tlan wanikgoyan tuku taskujut tlakg talakaskin niku wix lapat o niku lakpuwanita nalatapaya. Tuku nawanikana tlan namakgtayayan pero kuenta katlawa ni naʼakgskgawikana. Tiku ni paxkikgo Jehová tlan tlawakgo pi natsukuya paxkiya kakilhtamaku (1 Juan 2:15-17). Chu komo nalakapastaka tuku masta kakilhtamaku, minaku tlan akgskgawiyan (kalikgalhtawakga Proverbios 14:15; Jer. 17:9).

15, 16. ¿Tiku tlan namaxkikgoyan tlakg xatlan tastakyaw xlakata taskujut?

¹⁵ Akxni katsiyata tuku tlan naliskuja, talakaskin namaxkikana tlan tastakyaw (Prov. 1:5). ¿Tiku tlan namakgtayayan liwana nalaksaka tuku natlawaya chuna la wan Biblia? Kakgaxpatti tiku paxkikgo Jehová, tiku paxkikgoyan chu lakgapaskgo tuku titaxtupat. Xlakan namakgtayakgoyan naʼakxilha tuku tlan tlawaya chu tuku xlakata chuna tlawaputuna. Max natlawakgo pi nalakapastakparaya tuku tlawaputuna. ¡Lu lanka talakgalhaman kgalhiya komo minatlatni paxkikgo Jehová! Lakgkgolotsin xla mincongregación lakchixkuwin tiku tliwakga wi xtakanajlakan namakgtayakgoyan. Nachuna, kakatachuwinanti precursores chu superintendentes viajantes. ¿Tuku kamalakpuwanilh naskujnanikgo Dios putum kilhtamaku? ¿La matsukikgolh xprecursorado, chu tuku xliskujkgo xlakata xkgalhikgolh tuku maklakaskinkgolh? ¿Tuku lu tlan kakitaxtuninit xlakata la lichuwinankgo Dios? (Prov. 15:22.)

¹⁶ Tiku lakgapaskgoyan tlan namaxkikgoyan lu tlan tastakyaw. Akgtum liʼakxilhtit, kalakpuwanti pi lata kajku kgawasa o tsumat wix nialh xpimputu kʼescuela chu xmatsukiputu precursorado kaj xlakata ni liskujputuna nakgalhtawakgaya. Tiku paxkiyan tlan xkatsilh tuku xlakata chuna tlawaputuna chu xmakgtayan nakatsiya pi anta kʼescuela tlan masiyanikana ni lakapala namakgxtakga tuku lakaskina, tuku lu xlakaskinka komo skujnaniputuna Jehová xliputum minaku (Sal. 141:5; Prov. 6:6-10).

17. ¿Tuku talakaskin ni nalaksaka?

¹⁷ Xlikana pi putum tiku skujnaniyaw Dios lhuwa tuku tuwa titaxtuyaw xlakata kintakanajlakan, uma kilhchani tuku tlan xtlawalh pi natamakgatliniyaw Jehová (1 Cor. 15:33; Col. 2:8). Pero makgapitsi taskujut tlakg katuwa wilikgo. ¿Lakgapasa chatum tala tiku «lakgmakgankgonit [...] xtakanajlakan» xlakata makglhtinalh akgtum taskujut? (1 Tim. 1:19.) ¿Tuku kinkamasiyaniyan? Pi talakaskin lu kuenta natlawaya xlakata ni nalaksaka tuku natlawa natamakgatliniya Dios (Prov. 22:3).

18, 19. ¿Tuku tlan tlawa chatum kgawasa o tsumat komo ni skujnaniputun Jehová?

¹⁸ Komo xliputum minaku skujnaniputuna Jehová, kalimaklakaskinti kilhtamaku nema kgalhiya uku. Kalaksakti tuku namakgtayayan tlakg naskujnaniya Jehová kʼuma lu xlakaskinka kilhtamaku (Sal. 148:12, 13).

¹⁹ Pero ¿komo ni skujnaniputuna Dios? Komo chuna, ni kataxlajwani chu kaliskujti xlakata natatliwakglha mintakanajla. Akxni xlichuwinanita tuku xtlawanit xlakata xliskujnit nalin latamat nema Dios tlan sikulunatlawa, apóstol Pablo tsokgli: «Chi lapi wa ntu atipatu nkgalhiyatit ntalakapastakni, na wa yuma nakamasiyuniyan Dios. Wa mpi xman wa yuma mpi makxtum kastalaniw ni namakgaxtakgtayayaw yuma ntu nkinkalakgchanitana, xmana watiya ntipatum wa ntu akxtum kalalikatsiniw» (Filip. 3:15, 16). Putum kilhtamaku kalakapastakti la lhuwa paxkiyan Jehová. Kalakapastakti xtastakyaw. Wa tiku tlakg tlan namakgtayayan nalaksaka tuku tlan uku.