Kaskujnani Jehová akxni nina min xatuwa kilhtamaku
«Kalakapastakti lu xaTlan miMalakatsukina.» (ECL. 12:1)
1, 2. 1) ¿Tukuya tastakyaw kamaxkilh Salomón kamanan? 2) ¿Tuku xlakata na kamakgtaya xtastakyaw Salomón natalan tiku lakatsalakgonita 50 kata?
JEHOVÁ mapuwanilh Salomón nakawani kamanan: «Kalakapastakti lu xaTlan miMalakatsukina [...] akxni kgawasaku wix, akxni nina min xatuwa kilhtamaku». ¿Tuku kilhchani uma «xatuwa kilhtamaku»? Kilhchanima kgolonkan. Salomón maklakaskilh atanu tachuwin nema limasiya tuku tuwa titaxtukan ama kilhtamaku: makalhpipikan, lakglhpipikan, kgalhyujkan, nialh liwana lakawanankan, nialh kgaxmatkan, aktsasakan chu nialhla tsaj tsaj tlawankan. Niti xlikgalhkgalhit nachan ama kilhtamaku xlakata natsuku skujnani Jehová (kalikgalhtawakga Eclesiastés 12:1-5).
2 Lhuwa kstalaninanin Cristo tiku kgalhikgo 50 kata o liwaka lakgtliwakgaku. Maski kajku tsinu aktsasakgo, max ni titaxtumakgo tuku tuwa nema lichuwinalh Salomón. ¿Tlan na nalitamakgtayakgo tastakyaw nema kamaxkikan kamanan: «Kalakapastakti lu xaTlan miMalakatsukina»? ¿Tuku wamputun uma tastakyaw?
3. ¿Tuku kilhchani nalakapastakaw lu xaTlan kiMalakatsukinakan?
Sal. 143:5). Pero nalakapastakaw lu xaTlan kiMalakatsukinakan na kilhchani nalakpuwanaw tuku lakaskin katlawaw. Akxni lilakpuwanaw uma, xlikana pi nalimaklakaskimputunaw kilatamatkan nema kgalhiyawku xlakata naskujniyaw xliputum kinakujkan (Ecl. 12:13).
3 Maski lhuwata kata lata skujnimaw Jehová, min kilhtamaku tlan nawan komo nalakpuwanaw la lu xatlan kiMalakatsukinakan. ¿Ni kaks kinkamalakawaniyan tuku lamakgolh? Xlakata la lu stlan katlawakanit nila liwana akgatekgsaw. Jehová lhuwa chu tipakgatsi tuku kinkamaxkiyan xlakata nalipaxuwayaw latamat. Akxni akxilhaw tuku tlawanit, kinkamalakapastakayan xtapaxkit, xliskgalala chu xlitliwakga (TUKU TLAN TLAWAYAW AKXNI LINAWA KATA
4. ¿Tuku tlan kakgalhskinkan natalan tiku linkgoya kata, chu tuku xlakata?
4 Komo lhuwa tuku katsininita xlakata lhuwa kata kgalhiya, tlan nakgalhskinkana: «Xlakata tliwakgaku akit ¿la naklimaklakaskin kilatamat?». Xlakata wix kstalanina Cristo tiku lipinata kata tlan lhuwa tuku natlawaya nixawa amakgapitsin. Akgtum liʼakxilhtit, tlan nakamasiyaniya kamanan tuku katsininita xlakata Jehová, nachuna tlan nakamatliwakglha natalan akxni nakawaniya tuku titaxtunita lata skujninita Jehová. Mapakgsina David skinilh Jehová xmaxkilh talakaskin chuna xtlawalh. Tsokgnalh: «KiDios, wix lhuwa tu kimasininita, lata kilikgawasa, [...]. KiDios, maski akit kgoluta y kkgalhiya aktsasat, ni kakiakgxtakgmakganti; pues klikgalhchiwinamputun lhuwa militliwekge nak ixlakatinkan ti [lamakgo] chi y ti [aku nalatamakgo]» (Sal. 71:17, 18).
5. ¿La tlan nakamasiyanikgo amakgapitsin tuku katsinikgonit natalan tiku linkgoya kata?
5 ¿La tlan xkamasiyani amakgapitsin liskgalala nema mamakgstokgnita kkata nema latapanita? ¿Tlan xkawani kamanan kaʼankgolh kminchik xlakata xlichuwinantit tuku matliwakglha takanajla? ¿Tlan xkawani xtaʼankgon nalichuwinanatit Dios xlakata naʼakxilhkgo la makgapaxuwayan naskujnaniya Jehová? Makgasa, Elihú wa: «Kilhtamaku xlichuwinat chu lhuwa kata xlimasiyat liskgalala» (Job 32:7). Nachuna, apóstol Pablo kawanilh natalan lakpuskatin tiku xlinkgoya kata pi xkalimakgtayakgolh xtachuwinkan chu xliʼakxilhtitkan amakgapitsin natalan lakpuskatin. Tsokgnalh: «Laktsikan [...] xmasiyunanin wa ntu xatlan» kawankgolh (Tito 2:3).
WIX TLAN LU NAMAKGTAYANANA
6. ¿Tuku xlakata tlan makgtayanankgo natalan tiku linkgoya lhuwa kata?
6 Komo wix chatum kstalanina Cristo tiku lipinata kata, tlan lu nakamakgtayaya amakgapitsin. Kalakpuwanti tuku la uku katsiya nema ni xkatsiya puxamakaw o tipuxam kata nema titaxtulh. La uku tlan liwana pulaklhuwa la limaklakaskina tastakyaw xalak Biblia kmilatamat. La uku lu katsiniya la nakatachuwinana latamanin xlakata nakalakgchan kxnakujkan xaxlikana xalak Biblia. Komo wix kgolotsin kcongregación, katsiya la nakamakgtayaya natalan tiku tlawakgonit tuku nitlan (Gál. 6:1). Max katsininita nakuentajtlawaya taskujut xalak kcongregación, nema tatlawa klanka tamakxtumit, o akxni tlawakan Pukgalhtawakga xla xTatayananin Jehová. O max katsiniya la nakalitachuwinana xlakata kgalhni makuchinanin. Chu maski nina makgas lata lakgapasa xaxlikana, tuku katsininita kmilatamat lu xtapalh. Liʼakxilhtit, komo kamakgastaknita kamanan, lhuwa tuku katsininita. Chuna la akxilhaw, natalan tiku linkgoya kata tlan matliwakglhkgo xkachikin Jehová: tlan kamasiyanikgo, kapulalinkgo chu kamatliwakglhkgo xnatalan (kalikgalhtawakga Job 12:12).
7. Tiku linkgoya kata ¿tuku tlan nakamasiyanikgo kamanan?
7 ¿La tlan namaklakaskina tuku katsininita Prov. 20:29).
xlakata tlakg namakgtayanana? Max tlan nakamasiyaniya kamanan la natsukukgo limakgalhtawakgenankgo Biblia chu la napulalinkgo. Komo wix chatum tala puskat, ¿tlan xkawani laktse tiku kajku laktsuman, la tlan xtlawakgolh xlakata tlan nakuentajtlawakgo xkamanan pero nachuna chuntiya naskujnanikgo Dios? Komo tala chixku wix, ¿tlan xkamasiyani lakgkgawasan la namastakgo taʼakgchuwin nema tlan mamakgkatsininan, chu tlakg tlan nalichuwinankgo Dios, o tlan xkamasiyani tuku tlawaya akxni kalakgpina natalan tiku linkgoya kata xlakata nakamatliwakglhniya xtakanajlakan? Maski nialh tliwakga wix la pulana, pulaklhuwa la tlan nakamasiyaniya tiku lakgkgawasanku. Anta kxTachuwin Dios wan: «Tuku stlan litasiyakgo kamanan wa xlitliwakgakan, chu tuku lu tlan litasiyakgo lakgkgolotsin wa xaktsasatkan» (¿TLAN XMAKGTAYANANTI NIKU TLAKG TALAKASKIN?
8. ¿Tuku tlawalh Pablo akxni xlina kata?
8 Apóstol Pablo chuntiya lu skujnilh Jehová maski xkgolonita. Akxni taxtulh kpulachin nema xwi kRoma, max kkata 61, lhuwata kata xlin la xlichuwinantapulinit Dios chu max tlan anta xtitamakgxtakgli xlakata tlakg tlan xlatamalh (2 Cor. 11:23-27). Natalan xalak ama kachikin lu xtilipaxuwakgolh komo Pablo anta xtitamakgxtakgli chu xtikalitachuwinalh Dios. Pero akxilhli pi alakatanu tlakg xtalakaskin tamakgtay. Lakapastakli xʼankgolh lichuwinantapulikgo Dios. Kataʼalh Timoteo chu Tito, ankgolh kʼÉfeso, kʼCreta chu max kʼMacedonia (1 Tim. 1:3; Tito 1:5). Chu maski ni katsiyaw komo alh kʼEspaña, xlakpuwanit naʼan (Rom. 15:24, 28).
9. ¿Max niku akglit kata xkgalhi Pedro akxni alh niku tlakg xtalakaskin tamakgtay? (Kaʼakxilhti xapulana dibujo.)
9 Nachuna, apóstol Pedro max xlakatsalanita 50 kata akxni alh niku tlakg xtalakaskin tamakgtay. ¿Tuku xlakata chuna wanaw? Komo xkgalhi watiya kata la Jesús o asta liwaka, max xkgalhi 50 kata akxni katatamakxtumilh amakgapitsin apóstoles kJerusalén kkata 49 (Hech. 15:7). Titaxtulh kilhtamaku, alh latama kBabilonia, max xlakata xkalitachuwinalh Dios lhuwa judíos tiku anta xlamakgolh (Gál. 2:9). Anta xlama akxni Dios malakpuwanilh natsokga xapulana carta nema lin xtukuwani, max kkata 62 (1 Ped. 5:13). Tuwa kitaxtu naʼankan niku lu talakaskin tamakgtay, pero Pedro ni mastalh talakaskin pi xlakata xlina kata xtlawalh nialh xatapaxuwan naskujnani Jehová xliputum xlatamat.
10, 11. Kalichuwinanti chatum tiku lina kata chu alh makgtayanan niku tlakg xtalakaskin.
10 La uku, lhuwa kstalaninanin Cristo tiku liwaka 50 kata kgalhikgo akxilhkgonit pi talakgpalinit xlatamatkan chu tlan atanu la naskujnikgo Jehová. Makgapitsi ankgonit latamakgo niku tlakg talakaskin xtamakgtaykan. Akgtum liʼakxilhtit, Robert wan: «Akxni xakkgalhiyaw max 55 kata, kimpuskat chu akit kakxilhwi pi pulaklhuwa la tlan xakskujnaniw Jehová. Kaj chatum kinkgawasakan nema xakkgalhiyaw nialh xkinkatawilan, kinatlatnikan xnikgonita chu xkinkamakgxtakgninitan tsinu tumin. Klakpuwaw pi komo xakstaw kinchikkan tlan putum xakxokgow chu tlan xakkgalhiw tuku xakmaklakaskiw asta akxni xkimaxkika tumin xlakata kijubilación. Kkatsiw pi kBolivia lhuwa tiku makgamakglhtinankgo xtachuwin Dios chu ni lu laktlawakan tumin. Wa xlakata anta kaw latamayaw. Tuwa klismaniw anta naklatamayaw. ¡Ni xtachuna xwanit latamakan kʼEstados Unidos! Pero Jehová kinkasikulunatlawan».
11 Robert wampara: «La uku klimaklakaskinaw putum kilatamatkan xlakata naktlawayaw taskujut xalak congregación. Makgapitsi tiku xakkalimakgalhtawakgeyaw Biblia tamunukgonita, la akgtum familia nema ni lhuwa tuku xkgalhikgo chu lhuwa kilómetro xlimakgat wilakgolh. Akgatunu semana
makgat tlawankgo xlakata nakatatamakxtumikgo natalan. ¿Tlan xlilakpuwantit la klipaxuwayaw xlakata kakxilhaw la staka xtakanajlakan chu la xapuxku xkgawasa precursor wa?».TALAKASKIN TAMAKGTAY KʼAMAKGAPITSI TACHUWIN
12, 13. Akxni Brian tajubilarlilh ¿tuku tlawalh?
12 Congregaciones chu grupos nema atanu tachuwin kgalhikgo na tlan nalitamakgtayakgo xlakata la linkgo xlatamatkan natalan tiku linkgoya kata. Nachuna akxni anta kamakgtayakan lu lipaxuwakan. Akgtum liʼakxilhtit. Brian tsokgli: «Kimpuskat chu akit lu nitlan kmakgkatsiw akxni kmakgatsilh 65 kata, akxni tajubilarlikan kʼGran Bretaña. Nialh kkinchikkan xwilakgolh kinkamanankan, chu niku xaklichuwinanaw Dios ni lu xaktekgsaw tiku xakkalimakgalhtawakgew Biblia. Ama kilhtamaku klakgapasli chatum kgawasa tiku xalak China tiku kskuja kʼuniversidad xala kkachikin niku klamaw. Kintaʼalh ktamakxtumit chu tsukulh klimakgalhtawakge Biblia. Ni lhuwa semana titaxtulh tsukulh limin ktamakxtumit tiku xtaskuja. Titaxtupa akgtiy semana limimpa atanu chu alistalh limimpa atanu.
13 »Akxni xlikgalhkitsis tiku kskuja kʼuniversidad skilh pi kamakgalhtawakgeka, klakpuwa: “Xlakata kgalhi 65 kata uma ni wamputun pi nanaktajubilarlini Jehová”. Wa xlakata kgalhskilh kimpuskat tiku xaklini akgtiy kata, komo xlakgatilh xakkatsiniw Chino. Xaklimaklakaskinaw akgtum curso nema xtagrabarlinit. Uma titaxtunita akgkaw kata. Akxni ktsukuw klichuwinanaw Dios kʼatanu tachuwin, kmakgkatsiw la nina lhuwa kata xakkgalhiyaw. Asta la uku kkamakgalhtawakganitaw 112 tiku xalak China. Lhuwa tiku kkamakgalhtawakganitaw kilakgonitta ktamakxtumit chu chatum precursora.»
Max tlanku tlakg naskujnaniya Dios (Kaʼakxilhti párrafos 12 chu 13)
KALIPAXUWA NATLAWAYA TUKU TLAN TLAWAYA
14. 1) ¿Tuku xlakata tlan paxuwakgo natalan tiku linkgoya kata? 2) ¿La tlan kamatliwakglha tuku tlawalh Pablo?
14 Maski lhuwa kstalaninanin Cristo tiku kgalhikgo 50 kata o liwaka tlan tipalhuwa la skujnanikgo Jehová, wilakgolh tiku Hech. 28:16, 30, 31).
nila chuna tlawakgo. Makgapitsi tatatlakgo, o max xlikuentajtlawatkan xnatlatnikan o xkamanan. Komo chuna titaxtupat, kalipaxuwa nakatsiya pi Jehová lhuwa xtapalh akxilha naskujnaniya chuna la tlan tlawaya. Wa xlakata ni kalilipuwanti, wata kalipaxuwa natlawaya tuku tlan natlawaya. Kalilakpuwanti tuku tlawalh apóstol Pablo. Akglhuwa kata ni maxkika talakaskin nataxtu kxchik, chu nialhla lichuwinantapulilh Dios. Pero putum tiku xlakgapaxialhnan xlitachuwinan xTachuwin Dios chu xkamatliwakglhni xtakanajlakan (15. ¿Tuku xlakata lu xlakaskinka kaʼakxilhkan natalan tiku kgolonkgonita?
15 ¿Tuku tlan nawanaw xlakata tiku tlakg linkgoya kata? Jehová lu xtapalh akxilha tuku tlawakgo xlakata naskujnanikgo. Maski Salomón wa pi xatuwa kilhtamaku lu tuwa natsukukan skujnanikan Jehová, kiMalakatsukinakan lu xlakaskinka akxilha tuku tlawakgo natalan tiku kgolonkgonita xlakata malankikgo (Luc. 21:2-4). Nachuna, tiku xalak congregación lu xlakaskinka akxilhkgo liʼakxilhtit nema wilikgo natalan tiku linkgoya lhuwa kata lata skujnanimakgo Jehová.
16. 1) ¿Tuku tasikulunalin max ni makglhtinalh Ana? 2) ¿Tuku tlan tlawalh Ana xlakata naskujni Dios?
16 Biblia lichuwinan chatum nana, o tsiyuna, xwanikan Ana tiku chuntiya xmalanki Jehová maski xlina kata. Akxni lakachilh Jesús, xkgalhi 84 kata chu xninita xchixku. Max nialh lhuwa kilhtamaku latamalh, wa xlakata ni kstalanina Jesús litaxtulh, ni lilaksakka espíritu santo chu ni makglhtinalh talakgalhaman nalichuwinan xalakwan xalaksasti xla xTamapakgsin Dios. Pero, xlipaxuwa natlawa tuku tlan xtlawa. «Ni ukxni xtapanuy ktemplo, tantaku tantaskaka xlakgatakilhputanan.» (Luc. 2:36, 37.) Akxni sacerdote klhkuyu incienso tsisa chu kkatsisni anta ktemplo, Ana max xkatatayakgo anta kkilhtin lhuwa amakgapitsin chu pistsina xtlawamakgo xʼoraciónkan, max itat hora. Akxni akxilhli aktsu kgawasa Jesús, «xlixakgatlikgoy xpalakata [...] xlipakskan wa nti xkgalhkgalhimakgo ntalakgtaxtun kJerusalén» (Luc. 2:38).
17. ¿La tlan nakamakgtayayaw natalan tiku tatatlakgo o kgolonkgonita xlakata akxtum nakinkatakakninaniyan Jehová?
17 La uku kilhtamaku, kuenta kilitlawatkan nakamakgtayayaw kstalaninanin Cristo tiku tatatlakgo o kgolonkgonita. Makgapitsi max amputunkgo putum ktamakxtumit chu klaklanka tamakxtumit, pero max nila ankgo kputum ktamakxtumit. ¿Tuku tlan natlawayaw xlakata nakamakgtayayaw? Makgapitsi congregaciones lakkaxwilikgo pi teléfono nakalimakgaxmatakan tamakxtumit. Klakalhuwa congregaciones max nila chuna natlawakan. Pero asta tiku nila ankgo ktamakxtumit tlan makgtayanankgo kxaxlikana takanajla. Akgtum liʼakxilhtit, xʼoracioneskan tlan makgtayanankgo xlakata congregación tlakg nastaka (kalikgalhtawakga Salmo 92:13, 14).
18, 19. 1) Maski tiku kgolonkgonita nipara tsinu lakpuwankgo, ¿la kamatliwakglhkgo amakgapitsi natalan? 2) ¿Tiku kuenta xlitlawatkan tastakyaw: «Kalakapastakti lu xatlan miMalakatsukina»?
18 Wixin natalan tiku kgolonitantita max nipara lakpuwanatit la kamatliwakglhatit amakgapitsin. Kalakapastaktit tuku tlawalh Ana, pi putum amakgolh kata ni xlimakgxtakga naʼan ktemplo. Xla ni xkatsi pi lhuwa siglo alistalh tuku tlawalh chuntiya xʼama kinkamatliwakglhan. Anta kBiblia tatsokgwilinit la lu xpaxki Jehová. Xlikana, tapaxkit nema kgalhiniyatit Jehová na putum kilhtamaku nalakapastakkgo minatalankan xalak congregación. Wa xlakata xTachuwin Dios wan: «Aktsasat tlan tasiya akxni latapulikanit xaʼakgstitum tiji» (Prov. 16:31).
19 Putum akinin nakgalhiyaw tuku natlawa nila naskujnaniyaw Jehová la lakaskinaw. Pero tiku la uku kgalhiyawku litliwakga lu kuenta katlawaniw uma tachuwin: «Kalakapastakti lu xatlan miMalakatsukina [...] akxni nina min xatuwa kilhtamaku» (Ecl. 12:1).