Kakamakgtayaw natalan naliskujnanikgo Dios putum tuku kgalhikgo
«Nakwaniyan tu militlawat nawan.» (SAL. 32:8)
1, 2. ¿La kaʼakxilha Dios xlakskujnin?
AKXNI natlatni kaʼakxilhkgo xkamanan pi kgamanamakgo, min kilhtamaku kaks lilakawankgo xlakata tuku katsinikgo tlawakgo. Max na akxilhnita uma. Chatum aktsu kgawasa max katsini kgamanan, chu xtala max lakgati maninan o atanu tuku tlawa. Pero maski kamanan tanu tanu tuku katsinikgo tlawakgo, natlatni lu lakgatikgo kamakgtayakgo xlakata tlakg tlan natlawakgo tuku katsinikgo.
2 Jehová na lu kamakgtayaputun xkamanan. Kaʼakxilha xlakskujnin la «tuku lakglilakgatit xliputum kachikinin» (Ageo 2:7). Tuku «lakglilakgatit» o lu xlakaskinka katlawa, wa xlakata lu kanajlanikgo Dios chu ni makgxtakgkgo. Nachuna, max akxilhnita pi xtatayananin Jehová la uku lhuwa tuku katsinikgo tlawakgo. Makgapitsi lu katsinikgo mastakgo xtaʼakgchuwinkan, chu amakgapitsi lu katsinikgo lakkaxwilikgo tuku natatlawa. Lhuwa natalan lakpuskatin lakapala katsinikgo atanu tachuwin chu maklakaskinkgo akxni lichuwinankgo Dios chu amakgapitsin lu tlan kalikatsinikgo chu putum kilhtamaku katawilakgolh tiku taxlajwanikgonit o tiku tatatlakgo (Rom. 16:1, 12). ¿Ni xlikana pi paxtikatsiniyaw Dios xlakata katawilaw kcongregación uma natalan?
3. ¿Tukuya takgalhskinin nakamaxkiyaw takgalhtin kʼuma artículo?
3 Pero, makgapitsi natalan la lakgkgawasan chu laktsuman o tiku aku tamunukgonit, makgkatsikgo pi nina makgtapakgsikgo kcongregación. ¿La tlan nakamakgtayayaw xlakata tlakg tlan natlawakgo tuku katsinikgo tlawakgo? ¿Tuku xlakata wa naputsayaw tuku tlan tlawakgo chu chuna nakaʼakxilhaw la kaʼakxilha Jehová?
JEHOVÁ AKXILHA TUKU TLAN TLAWAKGO KSKUJNIN
4, 5. Chuna la masiya tuku wan Jueces 6:11-16, 1) ¿tuku akxilhli Jehová pi xkatsini xtlawa Gedeón? 2) ¿tuku akxilha Jehová akxni kalakputsanani kskujnin?
4 Lhuwa tuku wan Biblia limasiyakgo pi Jehová ni kajwatiya akxilha tuku tlan tlawakgo xlakskujnin, na akxilha tuku tlakgku tlan natlawakgo. Akgtum liʼakxilhtit wa Gedeón. Akxni Dios laksakli xlakata nalakgmaxtu Israel, xlakata madianitas xkamapatinimakgolh, max kaks lilakawa akxni ángel wanilh: «Jehová tawilan wix tiku ni pekuan chu tliwakga». Ama kilhtamaku Gedeón ni xmakgkatsi pi «tliwakga» xwanit. Wata wa pi ni xkatsi la nalakgmaxtu xkachikin Dios chu xlakpuwan pi nitu xlitaxtu. Pero tuku wanilh ángel alistalh, limasiyalh pi Jehová xlipawan (kalikgalhtawakga Jueces 6:11-16).
5 Jehová xʼakxilhnit laktlan xtayat Gedeón, wa xlakata lipawa pi xʼama lakgmaxtu Israel. Xʼángel Jehová xʼakxilhnit la xlakgsnokga trigo xliputum xlitliwakga xlakata xmapitsilh talhtsi chu xapalhma. Pero xwilapa atanu tuku tlakg xlakaskinka akxilhli ángel. Makgasa, anta xlakgsnokgkan trigo niku kalakgwan xwanit xlakata xmapitsinika talhtsi chu un xlilh xapalhma. Pero Gedeón ni kalakgwan xlakgsnokgma trigo, wata anta niku xlakgchitkan uva, xlakata madianitas ni xʼakxilhkgolh tuku ni lhuwa xmakgalanit chu xmakglhtikgolh. ¡Lu tlan tuku lakpuwa natlawa! Wa xlakata Jehová ni kajwatiya akxilhli la chatum chanana tiku skulujwa xwanit, wata akxilhli la chixku tiku skgalala xwanit, tiku xkatsini tuku natlawa xlakata nitu xakgspulalh. Chuna, xlakata xkatsi tuku tlan xtlawa, lakgayawalh ama taskujut.
6, 7. 1) ¿La xakxilha Jehová Amós chu la xʼakxilhkgo amakgapitsin? 2) ¿Tuku limasiya pi Amós skgalala xwanit?
6 Na chuna, Jehová akxilhli pi Amós wi tuku tlan xmakgantaxtilh. Lhuwa latamanin max xlakpuwankgolh pi Amós nila xtlawalh tuku xlakaskinka, xlakata nitu xlitaxtu xlakpuwankgo. Amós tiwa pi xmaklhtukuna higos xla sicómoro xlitaxtu, uma higos wa xwakgo tiku pobres xwankgonit chu pi xkuentajtlawana borrego xwanit. Akxni Jehová liyawalh Amós pi xkamakatsinilh akgkaw laklanka familias xalak Israel pi Jehová xʼama kamalakgaxokge, max wi tiku xlakpuwan pi ni xminini wa natlawa ama taskujut (kalikgalhtawakga Amós 7:14, 15).
7 Amós kaj aktsu kachikin xwilacha, pero tuku xkatsi xlakata talismanin chu xlakata mapakgsinanin nema xlamakgolh akxni xlama, limasiya pi skgalala xwanit. Max xlakata xkatachuwinan stananin tiku xtalakatsu xla amakgapitsi kachikinin wa xlakata xkatsi tuku xlama kʼIsrael chu kkachikinin (Amós 1:6, 9, 11, 13; 2:8; 6:4-6). Makgapitsi tiku liskujkgo talakputsan xlakata Biblia wankgo, pi lu xkatsini xtsokgnan. Ni kajwatiya maklakaskilh tachuwin nema lu ni tuwa takgatekgsa chu lu xlakaskinka tuku xwamputun, wata akxni wi tuku xwan wi tuku xtamalakxtumi, chu lhuwa tuku xwamputun. Chuna la kgalhtilh Amasías sacerdote tiku lixkajnit xlikatsi, limasiya pi Jehová wa xlaksaknit tiku tlan xlichuwinalh xtamakatsin. Maski ni xlitasiya tuku tlan xtlawa, pero Jehová akxilhli tuku tlan xmakgantaxtilh (Amós 7:12, 13, 16, 17).
8. 1) ¿Tuku wanilh Jehová David? 2) ¿Tuku xlakata lu kamakgpuwantini tuku wan Salmo 32:8 tiku lakpuwankgo pi nitu litaxtukgo?
8 Chuna, Jehová wa akxilha tuku tlan tlawakgo xlakskujnin. Mapakgsina David wanilh Salmo 32:8). ¿La kinkamakgpuwantiniyan uma? Max min kilhtamaku lakpuwanaw pi nitu katsiniyaw, pero Jehová tlan nakinkamakgtayayan namakgantaxtiyaw tuku nipara tsinu xlakpuwanaw pi tlan natlawayaw. Chuna la chatum makgalhtawakgana, masiyani tiku nina katsini, pulakatunu pulakatunu la natlawa akgtum taskujut, Jehová na kinkapulalinan xlakata nastaka kintakanajlakan. Pulaktum la tlawa, wa akxni kalimaklakaskin natalan tiku kinkamakgtayakgoyan, xlakata naliskujnaniyaw Jehová putum tuku tlan makgantaxtiyaw. ¿La tlan natlawayaw?
pi putum kilhtamaku xpulalilh chu xwanilh tu xlitlawat xwanit (kalikgalhtawakgaKAPUTSAW TUKU TLAN TLAWAKGO AMAKGAPITSI
9. ¿La tlan namakgantaxtiyaw tastakyaw nema tiwa Pablo pi nakamakgtayaputunaw amakgapitsin?
9 Pablo kawanilh putum natalan pi xmakgtayakgolh xnatalankan (kalikgalhtawakga Filipenses 2:3, 4). Uma tastakyaw na kilhchanima pi naputsayaw tuku lu tlan tlawakgo o xtayatkan kinatalankan chu nakawaniyaw pi lu tlan tlawamakgo ¿La makgkatsiyaw akxni wi tiku akxilha tuku tlan tlawaw chu kinkawaniyan? Uma tlawa pi tlakg tlan natlawayaw. Nachuna, akxni waniyaw lakwan tachuwin chatum tala xlakata tuku tlan tlawa tlakg mastakaputun xtakanajla.
10. ¿Tiku max lu lakaskinkgo pi nakamakgtayakan?
10 ¿Tiku lu maklakaskinkgo pi nakamakgtayaputunaw? Xlikana, min kilhtamaku putum maklakaskinaw xtamakgtaykan amakgapitsin. Pero kamanan chu tiku aku tamunukgolh lu maklakaskinkgo pi nakamamakgkatsiniyaw pi lu tlan komo nakinkatatlawakgoyan taskujut kcongregación. Chuna nakatsikgo pi na anta makgtapakgsikgo. Pero komo nakamamakgkatsiniyaw pi nitu litaxtukgo, max nialh natlawaputunkgo tuku xTachuwin Dios wan pi xlitlawatkan (1 Tim. 3:1).
11. 1) ¿La makgtayalh chatum tala chatum kgawasa xlakata nastaka xtakanajla? 2) ¿Tuku katsiniyaw xlakata Julien?
11 Ludovic chatum kgolotsin xalak congregación lu tlan kitaxtuninit xlakata amakgapitsi makgtayakgolh akxni kgawasaku xwanit. Ludovic wan: «Akxni kmakgtaya chatum tala, tlakg lakapala staka xtakanajla». Uma tuku wan xlakata Julien, chatum kgawasa tiku lu xamaxana xwanit: «Xlakata ni lu xkatsini la tlan wi tuku natlawakan, xmin kilhtamaku wi tuku xtlawa xlakata xakxilhputunka maski ni xlikana chuna xtayat xwanit. Pero akit xakakxilha pi lu xpaxkinan chu xlikana xmakgtayaputun congregación, wa xlakata ni klakpuwa pi nitlan kgawasa wata wa xakakxilha tuku tlan tlawa chu xakwani laktlan tachuwin». Chalh kilhtamaku siervo ministerial litaxtulh, chu la uku precursor regular.
KAKAMAKGTAYAW PUTUM NALISKUJNANIKGO DIOS TUKU TLAN TLAWAKGO
12. ¿Tuku kilitlawatkan xlakata tlan nakamakgtayayaw amakgapitsin naliskujnanikgo Dios tuku tlan tlawakgo? Kawili akgtum liʼakxilhtit.
12 Xlikana, xlakata nakamakgtayayaw amakgapitsin putum naliskujnanikgo Dios tuku tlan tlawakgo, talakaskin naputsayaw tuku tlakg tlan natlawakgo. Chuna la akxilhwi xlakata Julien, tlakg tlan wa naʼakxilhaw tuku tlan xtayatkan chu tuku tlan tlawakgo, nixawa tuku nitlan tlawakgo. Wa uma tuku akxilhli Jesús xpalakata apóstol Pedro. Maski xmin kilhtamaku xtasiya pi ni lu xkatsi tuku xlitlawat xwanit Jesús wilinilh xtukuwani Cefas, wamputun «chiwix». Chuna limasiyalh pi tlan xʼama tawila xtakanajla la akgtum «chiwix» (Juan 1:42).
13, 14. 1) ¿Tuku akxilhli Bernabé xpalakata Marcos? 2) ¿La makglhtinalh tamakgtay chatum kgawasa chuna la Marcos? (Kaʼakxilhti xapulana dibujo.)
13 Bernabé na xakxilha tuku tlan xtlawa Juan, tiku na xwanikan Marcos (Hech. 12:25). Akxni kxapulana kilichuwinantapulikgolh Dios Pablo chu Bernabé, ama kilhtamaku Marcos “xmakgtayanakan” xwanit. Pero akxni chankgolh kPanfilia Marcos kaʼakgxtawilicha chu ni xkawaninit pi xʼama an, uma lalh akxni xliʼanatkan xwanit knorte chu xtitaxtukgolh niku lhuwa anan kgalhananin (Hech. 13:5, 13). ¿Tuku tlawalh Bernabé? Max ni wa akxilhli tuku nitlan tlawalh wata wa tuku tlan xtayat xkgalhi, alistalh makgtayalh xlakata wi tuku tlakg xlakgayawaka (Hech. 15:37-39). Lu tlan kitaxtulh xlakata Marcos lu tlan makakchalh tuku xlitlawat kskujni Dios. Akxni Pablo katsokgnanilh tiku xalak Colosas, Marcos xmakgtayamacha Pablo, akxni xtamaknukanit kpulachin kRoma. Kʼuma carta Pablo wa pi Marcos na xmalakgachama tamakgachipat (Col. 4:10). Kalakpuwaw la max lu tlan makgkatsilh Bernabé akxni atanu kilhtamaku Pablo skilh xtamakgtay Marcos (2 Tim. 4:11).
14 Kalichuwinaw tuku nina makgas lalh. Alexandre, tiku nina makgas kgolotsin xalak congregación litaxtulh, lakapastaka pi lu tlan kitaxtunilh xlakata chatum tala tiku skgalala lu makgtayalh, wan: «Akxni kajku kgawasa xakwanit lu tuwa xakmakgkatsi naktlawa oración kxlakatin amakgapitsin. Chatum kgolotsin kimakgtayalh la naktlawa chu ni nakpekuan, ni kilakgmakgalh wata tlakg tsukulh kimatlawi oración ktamakxtumit akxni xakanaw lichuwinanaw Dios, chuna nialh kpekualh».
15. ¿La masiyalh Pablo pi xkapaxki xnatalan?
15 ¿Tuku tlawayaw akxni akxilhaw tlan xtayat chatum tala? Kawaniw pi lu tlan tayat kgalhi. Anta kcapítulo 16 kxcarta nema Pablo kamalakgachanilh Romanos, liwaka makgpuxam kawanilh tuku xlakata lu xkapaxki (Rom. 16:3-7, 13). Akgtum liʼakxilhtit, Pablo wa pi Andrónico chu Junias tlakg lhuwata kata kskujnanimakgolh Cristo nixawa Pablo chuna limasiyalh pi lu xtayanimakgo nastalanikgo Cristo. Na wa pi xtse Rufo lu tlan xlikatsi xlakata xmakgtayanit.
Jérôme (pakgkana) makgtayalh Ryan misionero nawan (Kaʼakxilhti párrafo 17)
16. ¿La max nakakitaxtuni akxni kawanikan lakwan tachuwin lakgkgawasan chu laktsuman?
16 Akxni wi tiku kinkawaniyan lu lakwan tachuwin lu tlan tuku kitaxtu. Kalilakpuwaw aktsu kgawasa Rico xalak Francia, lixlajwanalh xtakanajla akxni xtlat wa pi ni xtamunulh xlakata xtlat atanu xtakanajla xkgalhi. Rico lakpuwa pi xkgalhilh asta akxni xmakgatsilh akgkutsayan kata xlakata tlakg xatakgatsin kskujnanilh Jehová. Chu na nitlan xlimakgkatsi xlakata xlikgalhkgamanankgo xcompañeros xalak escuela. Frédéric, chatum kgolotsin xalak congregación tiku wanika pi xlimakgalhtawakgelh Biblia, wan: «Kwanilh Rico lakwan tachuwin, xlakata lichuwinalh xtakanajla chu limasiyalh pi ni xpekuan». Umakgolh tachuwin lu makgtayalh xlakata chuntiya kstakli xtakanajla chu tlakg tlan xtalalilh xtlat. Alistalh tamunulh akxni xkgalhi akgkutiy kata.
Frédéric (pakgxwiki) makgtayalh Rico chuntiya naskujnani Jehová (Kaʼakxilhti párrafo 16)
17. 1) ¿La tlan nakamakgtayayaw kinatalankan xlakata tlakg naskujnanikgo Dios? 2) ¿Tuku tlawa chatum misionero xlakata nakamakgtaya lakgkgawasan chu la kitaxtuninit?
17 Makgatunu kawaniyaw kinatalankan pi lu xtapalh akxilhaw tuku tlan tlawakgonit, kamakgtayayaw xlakata tlakg * tiku lhuwata kata skujma kBetel xalak Francia, wan pi natalan lakpuskatin na tlan nakawanikgo amakgapitsi tuku lu tlan tlawamakgolh, xlakata lakpuskatin akxilhkgo tuku lakchixkuwin min kilhtamaku ni akxilhkgo. Chuna, «xalaktlan xtachuwinkan tatakgatsi tuku natalan lakchixkuwin tlawakgo». Na wampara: «Klakpuwan pi kiliwanit amakgapitsin tuku lu tlan tlawamakgo» (Prov. 3:27). Jérôme, tiku skujma la misionero kʼGuayana Francesa, kamakgtayanit chalhuwa lakgkgawasan misioneros nawankgo. Xla wan: «Kakxilhnit pi akxni kkawani pi lu tlan tlawamakgolh chuna la lichuwinankgo Dios, o xlakata lu tlan mastakgo xtakgalhtinkan, nialh lu pekuankgo chu tlakg tlan tlawakgo».
naskujnaniputunkgo Jehová. Sylvie,18. ¿Tuku xlakata tlan kitaxtu kataskujkan natalan tiku kajku kamanan?
18 Nachuna tlan nakamakgtayayaw kinatalankan tlakg nastaka xtakanajlakan komo nakawaniyaw akxtum nakinkataskujkgoyan. Komo chatum kgawasa lu katsini maklakaskin tuku xasasti taxtu tlan nawanikan pi kaʼimprimirlilh tuku xalak jw.org, nema nakamakgtaya natalan tiku linkgoya kata chu ni kgalhikgo computadora. O komo tlawamaw taskujut xlakata tlan natasiya pukgalhtawakga o tuku kaxtlawamaka anta, ¿tlan xwaniw chatum kgawasa pi xkinkamakgtayan? Chuna, tlan naʼakxilhaw tuku tlawa, tlan nawaniyaw lakwan tachuwin chu naʼakxilhaw la makgtaya tuku nawaniyaw (Prov. 15:23).
KASKUJWI XLAKATA KILHTAMAKU NEMA AKU MIMA
19, 20. ¿Tuku xlakata nakamakgtayayaw amakgapitsin xlakata tlakg tlan naskujnanikgo Dios?
19 Akxni Jehová liyawalh Josué pi xkapulalilh israelitas, limapakgsilh Moisés: «Kamakgpuwantini chu kamatliwakglhti» (kalikgalhtawakga Deuteronomio 3:28). Tlakg lhuwa tiku makgtapakgsimakgolh kxkachikin Dios xliputum katiyatni, chu putum akinin, ni kajwatiya lakgkgolotsin xalak congregación tlan nakamakgtayayaw lakgkgawasan chu laktsuman chu tiku aku tamunukgonit, xlakata putum naliskujnanikgo Dios tuku tlan natlawakgo. Chuna, tlakg naʼanankgo natalan tiku naskujnanikgo Dios putum kilhtamaku chu tlan «namasiyunikgoy amakgapitsin» (2 Tim. 2:2).
20 Maski tapakgsiyawa kʼakgtum congregación o kʼakgtum grupo nema lu liskujma xlakata congregación nawan, kalakpuwaw la nakitaxtu alistalh. Chu kalakapastakwi: tuku tlakg makgtayanan wa pi naʼakxilhaw tuku tlan tlawakgo kinatalankan, chuna la tlawa Jehová.
^ párr. 17 Lakgpalikanit xtukuwani.