Kakamakgtayaw tiku xaputum kilhtamaku skujnanimakgo Jehová
«Kkalakapastakan [...] xpalakata ntu limalakastukatit mintakanajlakan, chu xpalakata ntu litlawayatit mintapaxkitkan.» (1 TES. 1:3)
1. ¿La xkaʼakxilha Pablo tiku lu xliskujkgo xlakata xlichuwinankgolh xalakwan xalaksasti tamakatsin?
APÓSTOL Pablo lu xlakaskinka xkaʼakxilha tiku lu xliskujkgo xlakata xlichuwinankgolh xalakwan xalaksasti tamakatsin. Tsokgli: «Ni anan xtamaktat kkalakapastakan [...] xpalakata ntu limalakastukatit mintakanajlakan, chu xpalakata ntu litlawayatit mintapaxkitkan chu lantla ntliwakglh kgalhiyatit ntakgalhkgalhitin xpalakata nkimPuchinakan Jesucristo [kxlakatin Dios, chu na kinTlatkan]» (1 Tes. 1:3). Jehová na xlakaskinka akxilha tuku tlawakgo tiku xliputum xnakujkan skujnanikgo, maski lhuwa o ni lhuwa naskujnikgo chuna la tlan makgantaxtikgo (Heb. 6:10).
2. ¿Tuku naʼakxilhaw kʼuma artículo?
2 Chuna la makgasa chu la uku, lhuwa kinatalankan lhuwa tuku limakgxtakgkgonit xlakata naskujnanikgo Jehová xaputum kilhtamaku. Pulana kaʼakxilhwi makgapitsi liʼakxilhtit xla kxapulana siglo chu alistalh kaʼakxilhwi la skujnanikgo Dios xaputum kilhtamaku makgapitsi natalan la uku chu la nakamakgtayayaw.
TIKU KSKUJNANIKGO DIOS XAPUTUM KILHTAMAKU KXAPULANA SIGLO
3, 4. 1) ¿La skujnanikgolh Jehová makgapitsi kstalaninanin Cristo kxapulana siglo? 2) ¿La xtlawakgo tiku kskujnanikgo Dios xaputum kilhtamaku kxapulana siglo, xlakata xkgalhikgolh tuku xmaklakaskinkgo?
3 Akxni aku xtamununit, Jesús tsukulh lichuwinan Dios, chu xʼama litalakgatumi Luc. 3:21-23; 4:14, 15, 43). Akxni Jesús nilh, xʼapóstoles lakgatayakgolh uma taskujut (Hech. 5:42; 6:7). Makgapitsi makgxtakgkgolh xchikkan xlakata naʼankgo lichuwinankgo xTamapakgsin Dios chu makgapitsi misioneros litaxtukgolh. Felipe lakalhuwa lichuwinalh kPalestina (Hech. 8:5, 40; 21:8). Pablo na lakalhuwa lichuwinalh xalakwan xalaksasti tamakatsin niku tlakg lakgamakgat (Hech. 13:2-4; 14:26; 2 Cor. 1:19). Makgapitsi, la Silvano (Silas), Marcos chu Lucas na tsokgkgolh libros xalak Biblia o xsecretarios xwankgonit tiku xtsokgkgo Biblia (1 Ped. 5:12). Chu lhuwa natalan lakpuskatin kamakgtayakgolh uma lakchixkuwin (Hech. 18:26; Rom. 16:1, 2). Anta kTatsokgni xaGriego lhuwa tuku tatsokgnit xlakata tuku tlawakgolh umakgolh kstalaninanin Cristo tiku ni xpekuankgo, chu uma limasiya pi Jehová xlakaskinka akxilha tuku tlawakgo putum kskujnanin chu kakuentajtlawa.
putum katiyatni tuku xlichuwinan (4 Pero ¿la xtlawakgo tiku kskujnanikgo Dios xaputum kilhtamaku kxapulana siglo, xlakata xkgalhikgolh tuku xmaklakaskinkgo? Katsiyaw pi makgapitsi la Pablo chu xcompañeros, kaj ni lhuwa kilhtamaku kskujkgo. Ni xkgalhkgalhikgo pi natalan wi tuku xkamaxkilh, pero xmin kilhtamaku umakgolh natalan xkamakgtayakgo (1 Cor. 9:11-15). Pulaklhuwa la xkamakgtayakgo, pulaktum wa pi xkatawayankgo chu xkawanikgo pi xtamakgxtakgkgolh kxchikkan. Xchatunukan chu putuminika congregación xatapaxuwan xkamakgtayakgo (kalikgalhtawakga Hechos 16:14, 15 chu Filipenses 4:15-18).
TIKU LA UKU SKUJNANIKGO DIOS XAPUTUM KILHTAMAKU
5. ¿Tuku wa akgtum tamakgaxtokgat xlakata la skujnanikgo Dios xaputum kilhtamaku?
5 Nachuna la uku, lhuwa natalan skujnikgo Jehová xaputum kilhtamaku (kaʼakxilhti recuadro « Tanu tanu la skujnanikan Dios xaputum kilhtamaku»). ¿La akxilhkgo tuku laksakkgonit natlawakgo kxlatamatkan? ¿Tlan xkakgalhskinti? Xlikana pi namakgpuwantiniyan tuku nakgalhtikgoyan. Chatum tala tiku skujnaninit Dios la precursor regular, precursor especial chu la misionero, chu la uku skujma kBetel xalak atanu país, wan: «Pulaktum tuku tlakg tlan klaksakli naktlawa kkilatamat wa pi ktsukulh skujnani Dios xaputum kilhtamaku. Akxni xakkgalhi 18 kata, ni xakkatsi komo xakkalh kʼuniversidad, tantaku xakskujli o precursor xaklitaxtulh. Lu tuwa kmakgkatsilh naklaksaka tuku naktlawa. Pero kakxilhnit pi Jehová lakapastaka tuku limakgxtakgaw xlakata naskujnaniyaw xaputum kilhtamaku. Tuku kkatsini ktlawa nema Jehová kimaxkinit, kmaklakaskinit chuna la nipara tsinu xaklakpuwan. Chu nikxni chuna xaktitlawalh komo xlakaskinka xaklitaxtuputulh kʼuma kakilhtamaku». Xpuskat wan: «Pulakatunu tuku kinkalakgayawakan kimakgtayalh tlakg nakkatsini. Makglhuwa kakxilhwi pi Jehová xkinkapulaliman chu xkinkakuentajtlawaman. ¡Lhuwa tuku ni xakmakglhtinaw komo ni xakskujnaniw Jehová xaputum kilhtamaku! Chali chali kpaxtikatsini Jehová xlakata la kskujnanimaw». ¿Nachuna lichuwinamputuna milatamat?
6. ¿Tuku liwana kilikatsitkan kinchatunukan?
6 Xlikana, ni putum natalan tlan skujnanikgo Dios xaputum kilhtamaku. Max xlakata tuku titaxtupat, la uku nila chuna skujnaniya Dios. Pero liwana kakatsi pi Jehová lu xlakaskinka akxilha tuku tlawaya xlakata naskujnaniya. Kaʼakxilhti pi Pablo kamalakgachanilh tapakgachipat putum natalan tiku xwilakgolh kcongregación xalak Colosas, chu makgapitsi asta kamapakuwilh (kalikgalhtawakga Filemón 1-3). Liwana tasiya pi lu xlakaskinka xakxilha xatlan taskujut nema xtlawamakgolh. Chu Jehová nachuna xakxilha. Kintlatikan xalak Akgapun na xlakaskinka akxilha tuku tlawaya. Pero, ¿tuku tlan tlawayaw xlakata nakamakgtayayaw tiku skujnanikgo Dios xaputum kilhtamaku?
LA TLAN NAKAMAKGTAYAYAW PRECURSORES
7, 8. 1) ¿Tuku tlawakgo precursores? 2) ¿La tlan nakamakgtayayaw precursores?
7 Chuna la xtlawakgo tiku xlichuwinankgo Dios kxapulana siglo, la uku precursores kamatliwakglhkgo congregaciones. Lhuwa tiku lichuwinankgo Dios tutupuxamakaw hora akgatunu papaʼ. ¿La tlan nakamakgtayayaw?
8 Uma tuku wa chatum precursora wanikan Rom. 1:11, 12). Atanu tala tiku ni lhuwa kata precursora litaxtulh, uma tuku wa xlakata precursores xalak xcongregación: «Lu skujkgo chu nitu kamalakgachokgo. Lu xlakaskinka akxilhkgo pi wi tiku nakalin kxputlaw xlakata naʼankgo lichuwinankgo Dios, nakatawayankan o nakamaxkikan tsinu tumin xlakata natamawakgo gasolina o atanu tuku maklakaskinkgo. Uma kalimasiyani pi xlikana kamakgtayaputunaw».
Shari: «Xlakata chali chali kkanaw klichuwinanaw xTamapakgsin Dios, max tasiya pi ni ktaxlajwaniyaw. Pero kmaklakaskinaw kakinkawanikan lakwan tachuwin» (9, 10. ¿La kamakgtayakgonit makgapitsi natalan, precursores xalak xcongregación?
9 Atanu la nakamakgtayayaw precursores wa pi nakataʼanaw lichuwinanaw Dios. Chatum precursora tiku wanikan Bobbi, xatalipuwan wa: «Kmaklakaskinaw pi wi tiku nakinkatalichuwinanan Dios, lunes asta viernes». Atanu precursora xalak xcongregación, na wa: «Lu tuwa kinkakitaxtuniyan naktekgsaw tiku nakinkatalichuwinanan Dios kakgotanun». Nachuna chatum tala tiku la uku skujma kBetel xalak Brooklyn lichuwinan kilhtamaku akxni precursora xlitaxtu: «Klakapastaka pi chatum tala puskat tiku xkgalhi xputlaw xkiwani: “Akxni ni nakgalhiya tiku natalichuwinanan Dios, kakixakgatli, akit naktaʼanan”. ¡Xla kimakgtayalh xlakata chuntiya precursora xaklitaxtulh!». Na kaʼakxilhwi uma tuku wan Shari: «Akxni kitaspitkgo la lichuwinankgo Dios, precursores tiku nina tamakgaxtokgkgonit min kilhtamaku xakstukan tamakgxtakgkgo. Min kilhtamaku, ¿tlan xkawaniw pi kaminkgolh kkinchikkan akxni kakninaniyaw Dios kfamilia? Komo kawaniyaw pi kakinkatatlawan atanu tuku akinin tlawayaw, uma natlawa pi tlan namakgkatsikgo».
10 Chatum tala puskat tiku max tipuxamakaw kata skujnaninit Dios xaputum kilhtamaku, lakapastaka akxni xkatalichuwinan Dios amakgapitsi precursoras tiku nina xtamakgaxtokgkgo, xla wan: «Ni lhuwa papaʼ xtitaxtu lakgkgolotsin xalak congregación xkalakgapaxialhnankgo precursores. Xkakgalhskinkgo komo xtatatlakgo chu la xkakitaxtunima kxputaskujutkan, chu xkatsiputunkgo komo xwi atanu tuku xlilipuwankgo. Xliputum xnakujkan xkamakgtayaputunkgo. Xminkgo kchiki niku xakwilaw xlakata xkatsiputunkgo komo wi tuku tlan xkinkalimakgtayakgon». Uma max nakinkamalakapastakayan tuku Pablo tsokgli xlakata paxtikatsinilh chatum kstalanina Cristo xalak Éfeso, tiku maxkilh tuku xmaklakaskin 2 Tim. 1:18).
maski xlikuentajtlawat xwanit xfamilia (11. ¿Tuku tlawakgo precursores especiales?
11 Kmakgapitsi congregaciones wilakgo precursores especiales chu uma akgtum tasikulunalin. Umakgolh natalan lichuwinankgo Dios akgtum ciento puxamakaw hora akgatunu papaʼ, chu atanu la makgtayanankgo kcongregación. Xlakata putum uma tuku tlawakgo, nialh lhuwa kilhtamaku kgalhikgo xlakata naskujkgo o asta nialhla skujkgo. Wa xlakata, sucursal kalimakgtaya kaj ni lhuwa tumin akgatunu papaʼ xlakata kajwatiya nalichuwinankgo Dios.
12. ¿Tuku tlan tlawakgo lakgkgolotsin xalak congregación chu amakgapitsi natalan xlakata nakamakgtayakgo precursores especiales?
12 ¿La nakamakgtayayaw precursores especiales? Chatum kgolotsin xalak congregación tiku skujma kBetel chu lu katachuwinan, wan: «Xlakaskinka pi lakgkgolotsin xalak congregación nakatachuwinankgo precursores especiales, nakatsikgo tuku titaxtumakgolh chu nalakputsakgo la nakamakgtayakgo. Makgapitsi natalan, lakpuwankgo pi komo kamaxkikan tumin, umakgolh natalan nialhtu katsankgani. Pero pulaklhuwa la tlan nakamakgtayakgo». Chuna la precursores regulares, precursores especiales na lu xlakaskinka akxilhkgo nakataʼankan lichuwinankan Dios. ¿Tlan xkamakgtaya?
LA TLAN NAKAMAKGTAYAYAW SUPERINTENDENTES VIAJANTES
13, 14. 1) ¿Tuku xlakata xlakaskinka nakamakgtayayaw superintendentes de circuito chu xlakpuskatin? 2) ¿La tlan nakamakgtayaya umakgolh natalan?
13 Superintendentes de circuito chu xlakpuskatin tliwakga kgalhikgo xtakanajlakan, chu tasiya pi putum tayanikgo. Pero na maklakaskinkgo pi kakamatliwakglhka chu kakataʼanka lichuwinankan Dios. Nachuna, lakgatikgo akxtum nakatapaxuwakgo natalan. Chu min kilhtamaku tatatlakgo o asta talakaskin nakalinkan kʼhospital. ¿Tlan xkalakgapaxialhnaw chu tlan xlakputsaw la nakamakgtayayaw? Kalilakpuwaw la «makuchina» Lucas tiku tsokgli libro xla Hechos, xatapaxuwan kakuentajtlawalh Pablo chu xcompañeros (Col. 4:14; Hech. 20:5–21:18).
14 Nachuna, superintendentes viajantes chu xlakpuskatin maklakaskinkgo amigos tiku nakamakgtayaputunkgo. Chatum superintendente de circuito tsokgli: «Xtachuna la komo kiʼamigos katsikgo akxni kmaklakaskima kakimatliwakglhka. Chu akxni kintlawanikgo takgalhskinin limasiyakgo pi kimakgtayaputunkgo chu tlawa pi tlan nakmakgkatsi. Maski kajwatiya kinkgaxmatnikgo uma tlawa pi tlan nakmakgkatsi». Xlikana pi lu paxtikatsinikgo tamakgtay nema kamaxkiyaw.
LA TLAN NAKAMAKGTAYAYAW BETELITAS
15, 16. 1) ¿Tuku tlawakgo tiku skujkgo kBetel chu kSalones de Asambleas? 2) ¿La tlan nakamakgtayayaw umakgolh natalan?
15 Xliputum katiyatni, tiku skujkgo kBetel o kSalones de Asambleas, tlawakgo taskujut nema makgtayanan xlakata natalichuwinan xTamapakgsin Dios. Komo kcongregación niku wilaw o kcircuito niku tapakgsiyaw wilakgolh betelitas, ¿la tlan nakamakgtayayaw?
16 Akxni chankgo kBetel, max lu nalakapastakkgo xfamiliajkan chu xʼamigos tiku makgat wilakgolh. Wa xlakata lu paxtikatsininankgo pi amakgapitsi betelitas chu natalan xalak congregación niku nakamalakgachakan, xatapaxuwan nakamakgamakglhtinankgo chu nakatalalinkgo (Mar. 10:29, 30). Lakkaxwilikanit xtaskujutkan xlakata tlan naʼankgo ktamakxtumit chu naʼankgo lichuwinankgo Dios akgatunu semana. Pero min kilhtamaku tlakg kgalhikgo taskujut. Xlakaskinka pi natalan xalak congregación naʼakgatekgskgo uma chu nakalimasiyanikgo pi kapaxkikgo chu xlakaskinka akxilhkgo xtaskujutkan (kalikgalhtawakga 1 Tesalonicenses 2:9).
LA TLAN NAKAMAKGTAYAYAW TIKU SKUJNIKGO DIOS KʼATANU PAÍS
17, 18. ¿Tuku tlawakgo makgapitsi natalan tiku xaputum kilhtamaku skujnikgo Dios kʼatanu país?
17 Makgapitsi tiku skujnikgo Dios xaputum kilhtamaku, xatapaxuwan ankgonit kʼatanu país. Max anta chuwinankan atanu tachuwin, tanu talismanin chu tanu liwat, chu max tanu latamakan ni xtachuna la xlismanikgonit. ¿Tuku xlakata ankgo kʼatanu país? ¿Tuku taskujut tlawakgo anta?
18 Makgapitsi misioneros litaxtukgo chu lhuwa kilhtamaku lichuwinankgo xalakwan xalaksasti tamakatsin. Umakgolh natalan lu katsinikgo lichuwinankgo Dios chu lu tlan makgalhtawakgenanin, chu natalan xalak congregación lu litamakgtayakgo uma tuku kamasiyanikanit. Sucursal kamaxki chiki niku natawilakgo chu kamaxki tsinu tumin xlakata natamawakgo tuku maklakaskinkgo. Atanu tiku skujnikgo Dios xaputum kilhtamaku ankgo skujkgo kBetel o makgtayanankgo nakatlawakan sucursales, Centros de Traducción, Salones de Asambleas o Pukgalhtawakga xla xTatayananin Jehová. Sucursal xalak país niku chankgo o congregación kamaxki tuku maklakaskinkgo, niku natawilakgo, taway o atanu tuku namaklakaskinkgo. Chuna la betelitas, ankgo ktamakxtumit chu katalichuwinankgo Dios congregación, chu natalan lu paxuwakgo.
19. ¿La tlan nakamakgtayayaw tiku skujnikgo Dios xaputum kilhtamaku chu minkgonit kpaís niku lamaw?
19 ¿La tlan nakamakgtayayaw umakgolh natalan tiku skujnikgo Dios xaputum kilhtamaku? Max pulana ni lismanikgo nawakgo makgapitsi taway. Kalakapastakwi uma akxni nakatawayanaw. ¿Tlan xkakgalhskiw komo wi tuku waputunkgo o komo wi akgtum taway nema ni lakgatikgo? Nachuna, ni kalakpuwaw pi lakapala xlikatsinitkan kintachuwinkan chu ni kalakpuwaw pi lakapala xlismanitkan la latamakan kkinkachikinkan. Lhuwa kilhtamaku natitaxtu xlakata nakinkaʼakgatekgsnikgoyan putum tuku nakawaniyaw, pero tlan nakamakgtayayaw xlakata tlakg tlan nachuwinankgo kintachuwinkan. Kalakapastakwi pi xlakan katsiniputunkgo.
20. ¿La tlan nakamakgtayayaw tiku skujnikgo Dios xaputum kilhtamaku chu xnatlatnikan?
20 Chuna la titaxtutilha kata, makgapitsi tiku skujnikgo Dios xaputum kilhtamaku max natalakaskin nalakpuwankgo la nakakuentajtlawakgo xnatlatnikan. Komo xnatlatnikan na xtatayananin Jehová, max lakaskinkgo pi xkamanan chuntiya kaskujnanikgolh Dios niku kamalakgachakanit (3 Juan 4). Xlikana pi xkamanan natlawakgo putum tuku natalakaskin xlakata nakakuentajtlawakgo chu nakalakgankgo akxni tlan chuna natlawakgo. Nachuna, natalan tiku lakatsu katawilakgolh xnatlatnikan tlan nakamakgtayakgo akxni natalakaskin. Kalakapastakwi pi tiku skujnikgo Dios xaputum kilhtamaku, lhuwa tuku lakgayakgo ktaskujut nema tlakg xlakaskinka tatlawama la uku (Mat. 28:19, 20). Wix chu mincongregación, ¿tlan nakamakgtayayatit tiku xnatlatnikan linkgoya kata o tatatlakgo?
21. ¿La makgkatsikgo tiku skujnanikgo Dios xaputum kilhtamaku akxni natalan kamakgtayakgo chu kamatliwakglhkgo?
21 Tiku skujnanikgo Dios xaputum kilhtamaku chuna tlawakgo xlakata maxkiputunkgo Jehová tuku tlakg tlan kgalhikgo chu makgtayaputunkgo xtalatamankan, ni xlakata natlajakgo tumin. Chu paxtikatsinikgo tamakgtay nema kamaxkiyaw. Chatum tala puskat tiku skujnani Dios kʼatanu país, chuna wan: «Maski kaj akgtum tatsokgni niku nawan pi paxtikatsinikgoyan, limasiya pi lakapastakkgoyan chu xlakaskinka akxilhkgo tuku tlawapat».
22. ¿Tuku lakpuwana wix xlakata skujnanikan Dios xaputum kilhtamaku?
22 Tiku skujnanikgo Dios xaputum kilhtamaku lu tlan tuku laksakkgonit natlawakgo kxlatamatkan. Wa tuku lu makgapaxuwanan, la akgtum escuela nema kamakgtaya nakatsinikgo la nalatamakgo kxasasti katiyatni, akxni kimputumkan chali chali nalipaxuwayaw xlakata naskujnaniyaw Dios. Wa xlakata, kakamakgtayaw tiku skujnanikgo Dios xaputum kilhtamaku chu kalimasiyaw pi “kalakapastakaw [...] xpalakata [...] xtakanajlakan, chu xpalakata ntu litlawakgonit xtapaxkitkan” (1 Tes. 1:3).