Tlakg stlan katlawaw kimparaisojkan xaʼespiritual
«Nakmalanki [...] niku kmajaxa kintantun.» (IS. 60:13)
TAKILHTLIN: 25, 28
1, 2. ¿La limaklakaskinkan tachuwin litantujaxni chu niku majaxakan tantun, kTatsokgni xaHebreo?
LITANTUJAXNI kilhchanima taxtikat niku majaxakan tantun. Anta kʼIsaías 66:1, Jehová wa pi akgapun wa xlaktawilh chu Katiyatni xtachuna xlitantujaxni. Chu anta kʼIsaías 60:13, wa: «Nakmalanki anta niku kmajaxa kintantun». ¿La malanki o tlakg lilakgatit tlawa Jehová niku wili xtantun? ¿Chu tuku kilhchanima uma xlakata tiku lamaw kKatiyatni?
2 Anta kTatsokgni xaHebreo, tachuwin litantujaxni chu niku majaxakan tantun na limaklakaskinkan akxni lichuwinankan xamakgan templo xalak Israel (1 Crón. 28:2; Sal. 132:7). Jehová lu lilakgatit xakxilha templo, xlakata xmakgtayanan pi kskujnin xalak Katiyatni xkakninanikgolh chu xmalankikgolh.
3. 1) ¿Tuku tlawa pi tlan nakakninaniyaw Dios la uku? 2) ¿Tukuya kilhtamaku tsukulh templo xaʼespiritual?
3 ¿Tuku tlawa pi tlan nakakninaniyaw Dios la uku? Uma ni akgtum templo. Uma tlakg maxki kakni Jehová nixawa Heb. 9:11, 12).
akgtum templo nema tlawakanit chu litapakuwi «templo xaʼespiritual». ¿Tuku kilhchanima «templo xaʼespiritual»? Wa tuku Dios lakkaxwilinit xlakata latamanin tlan xʼamigo nalitaxtukgo chu nakakninanikgo. Xlakata Jesús nilh kimpalakatakan, tlan natalalinaw Dios chu nakakninaniyaw. ¿Tukuya kilhtamaku tsukulh templo xaʼespiritual? Tsukulh kata 29, akxni Jesús tamunulh chu laksakka xlakata xapuxku sacerdote nalitaxtu kxtemplo Jehová xaʼespiritual (Kilimalankitkan Jehová la uku
4, 5. 1) Chuna la wan Salmo 99, ¿tuku xlitlawatkan kskujnin Jehová? 2) ¿Tukuya takgalhskinin akstu kilitlawatkan?
4 Lu paxtikatsiniyaw Jehová xlakata lakkaxwililh tuku tlawa pi tlan nakakninaniyaw. ¿La limasiyayaw pi paxtikatsiniyaw? Akxni kalitachuwinanaw latamanin pi xtukuwani Dios wa Jehová chu wa tiku malakgachacha Jesús xlakata nani kimpalakatakan. Lu lipaxuwayaw pi liwaka akgtsayan millón xtatayananin Jehová chali chali malankikgo. Lhuwa tiku lakpuwankgo pi akxni nanikgo naʼankgo kʼakgapun chu anta namalankikgo Dios. Pero akinin katsiyaw pi ni chuna. Katsiyaw pi la uku kilikakninanitkan.
5 Akxni malankiyaw Jehová, tlawamaw la tlawakgolh kskujnin xala makgasa, tiku ni makgatsankgananikgolh (kalikgalhtawakga Salmo 99:1-3, 5-7). Lhuwa kskujnin la Moisés, Aarón chu Samuel, makgtayanankgolh chuna la Dios xlakkaxwilinit xlakata la xkakninanika. La uku anan pulaktiy tiku makxtum kakninanikgo Jehová. Xapulana, wa tiku kalaksakkanit naʼankgo kʼakgapun xlakata sacerdotes nawankgo chuna la Jesús, xlakan skujnanimakgo Dios kxtemplo xaʼespiritual kKatiyatni xlakata nina ankgo kʼakgapun. Chu xlipulaktiy, lhuwa millón tiku kawani: «makgapitsin tanu kiborrego», tiku makgtayamakgo tiku kalaksakkanit (Juan 10:16, Hua Xasasti Talaccaxlan, 1999). Pero chatunu akinin kakinkakgalhskinkan: «¿Ktlawama chuna la Dios lakkaxwilinit xlakata nakakninanikan?».
¿TIKU SKUJMAKGO KTEMPLO XAʼESPIRITUAL?
6, 7. 1) ¿Tuku lalh akxni nina makgas xlakatsukunit congregación xla kstalaninanin Cristo? 2) ¿Tuku lalh kkata 1919?
6 Apóstol Pablo wa pi makgapitsi xʼamakgo lakatayakgo xaxlikana takanajla chu xʼamakgo masiyakgo tuku ni xaxlikana kcongregación (Hech. 20:28-30; 2 Tes. 2:3, 4). Uma tsukulh akxni nina xtitaxtu 100 kata lata xlakatsukunit congregación xla kstalaninanin Cristo. Wa xlakata lu tuwa kitaxtulh natakatsi tiku xaxlikana kskujnin Dios xwankgonit. Pero lhuwa ciento kata titaxtulh, Jehová limaklakaskilh Jesús xlakata liwana namakatsininan tiku kskujnanimakgo kxtemplo xaʼespiritual.
7 Kkata 1919, liwana takatsilh tiku kskujnanikgo Dios kxtemplo xaʼespiritual. Xlakan tsukukgolh kakninanikgo Jehová chuna la xlakaskin (Is. 4:2, 3; Mal. 3:1-4). Ama kata tsukulh kgantaxtu tuku xmakxilhnikanit apóstol Pablo. Kalichuwinaw tuku akxilhli apóstol.
8, 9. ¿Tuku kilhchanima paraíso nema akxilhli Pablo?
2 Corintios 12:1-4). Pablo akxilhli tuku limapakuwilh paraíso. ¿Tuku uma paraíso? Max pulaktutu tuku kilhchanima. Pulana, wa paraíso nema nialh makgas natawila kKatiyatni (Luc. 23:43). Xlipulaktiy, wa paraíso xaʼespiritual nema nalipaxuwayaw kxasasti kakilhtamaku. Chu xlipulaktutu, wa xparaíso Dios, uma wamputun, wa lanka talakgalhaman xlakata akxtum natatawilakan Jehová kʼakgapun (Apocalipsis [Revelación] 2:7).
8 Jehová limaklakaskilh xlitliwakga xlakata xʼakxilhli Pablo, tuku xʼama la (kalikgalhtawakga9 ¿Tuku xlakata Pablo wa, pi nila xlichuwinan tuku xkgaxmatnit? Xlakata nina xchan kilhtamaku nalichuwinan putum tuku lu stlan xʼakxilhnit. Pero la uku, kskujnin Jehová tlan lichuwinanaw putum tuku lu tlan nema lipaxuwayaw kxkachikin.
10. Paraíso xaʼespiritual, ¿watiya kilhchanima templo xaʼespiritual?
10 Likgalhtawakga nema kgalhiyaw makglhuwa lichuwinankgo paraíso xaʼespiritual. Pero paraíso xaʼespiritual, ¿watiya kilhchanima templo xaʼespiritual? Ni. Chuna la katsiw, templo xaʼespiritual wa tuku Dios lakkaxwilinit xlakata tlan nakakninaniyaw. Pero paraíso xaʼespiritual wa kihchanima tlan latalalin chu makxtum wilakgo xkachikin Jehová. Uma paraíso kinkamakgtayayan nakatsiyaw tiku skujmakgo kxtemplo Jehová xaʼespiritual (Mal. 3:18).
11. ¿Tukuya talakgalhaman kgalhiyaw la uku?
11 Lu kinkamakgapaxuwayan akxni akxilhaw pi lata kata 1919, Jehová mastanit talakaskin pi latamanin maski lakgalhinanin, kakuentajtlawakgolh paraíso xaʼespiritual chu tlakg kamastakakgolh chu kamatliwakglhkgolh. ¿Makgtayanampat xlakata chuna nala? ¿Xlakaskinka akxilha talakgalhaman pi taskujpat Jehová chu malankipat kKatiyatni?
JEHOVÁ TLAWA PI TLAKG LILAKGATIT NAWAN XKACHIKIN
12. ¿Tuku xlakata katsiyaw pi kgantaxtuma tuku wan Isaías 60:17? (Kaʼakxilhti xapulana dibujo.)
12 Chuna la titaxtunit kata, lhuwa tuku talakgpalinit chu lhuwa tuku tlakg tlan wi kxkachikin Dios kKatiyatni. Wa uma tuku lichuwinalh palakachuwina Isaías (kalikgalhtawakga Isaías 60:17). Xtatayananin Jehová tiku kajku lakgkgawasan o tiku nina makgas makgtapakgsikgo kxkachikin, max katsikgo tuku talakgpalinit xlakata wi tiku kalitachuwinalh o likgalhtawakgakgolh tuku min klikgalhtawakga. Pero wilakgo natalan tiku lhuwa kata lata skujnanimakgo Dios chu akxilhkgolh tuku talakgpalinit. Xlakan liwana katsikgo pi Dios limaklakaskima mapakgsina Jesús xlakata napulalin xkachikin. Komo kgaxmataw tuku kinkawanikgoyan umakgolh natalan, tlakg nalipawanaw Jehová.
Paraíso xaʼespiritual wa kilhchanima la tlan latalalin chu makxtum wilakgo xkachikin Jehová
13. Chuna la wan Salmo 48:12-14, ¿tuku kilitlawatkan?
13 Talakaskin pi putum akinin nakalitachuwinanaw Salmo 48:12-14).
amakgapitsin xlakata xkachikin Jehová. Kʼuma xalixkajni kakilhtamaku, nila tamakanajla pi lhuwa natalan xlikalanka katiyatni lipaxuwayaw paraíso xaʼespiritual niku tlan latalalinaw chu makxtum wilaw. Wa xlakata talakaskin nakalitachuwinanaw xlakata xkachikin Dios chu paraíso xaʼespiritual tiku kajku kamanan, uma wamputun, tiku kajku lakgkgawasan o tiku aku makgtapakgsikgolh kxkachikin Dios (kalikgalhtawakga14, 15. 1) ¿Tuku talakgpalilh akxni xtitaxtuma kata 70? 2) ¿Tuku xlakata lu tlan kitaxtunit tuku talakgpalinit?
14 Lhuwa xtatayananin Jehová tiku lhuwata kata skujnimakgo akxilhkgonit tuku talakgpalinit chu tlawanit pi tlakg lilakgatit nawan xkachikin Dios xalak Katiyatni. Akgtum liʼakxilhtit, makgasa akgatunu congregación xkgalhi chatum siervo de congregación, akgatunu sucursal xkgalhi chatum siervo de sucursal chu niku pulalinkan taskujut xliputum katiyatni xla xtatayananin Jehová, wa xpulalin presidente de la Sociedad Watch Tower. Maski chatunu natalan tiku xlakgayakgo uma taskujut xkgalhikgo xmakgtayanakan, kaj chatum tiku xwan tuku natatlawa kcongregación, ksucursal chu niku pulalinkan taskujut xliputum katiyatni xla xtatayananin Jehová. Pero akxni xtitaxtunitta kata 1970, talakgpalilh uma chu lakgkgolotsin xalak congregación wa tiku wankgo tuku natatlawa. La uku, kʼakgatunu congregaciones wilakgo
lakgkgolotsin tiku pulalinkgo, kʼakgatunu sucursal anan akgtum Comité de Sucursal chu putum xtatayananin Jehová kapulalinkgo lakgkgolotsin tiku kalimapakuwikan Lakgkgolotsin tiku Pulalinkgo xTatayananin Jehová.15 Uma tuku talakgpalilh lu tlan kitaxtuninit xkachikin Dios. ¿Tuku xlakata? Xlakata la uku tlakg liwana akgatekgsaw tuku wan Biblia. Xlakata nialh kaj chatum tiku laksaka tuku natatlawa, xkachikin Dios litamakgtayanit lakwan xtayatkan putum lakgkgolotsin xalak congregación nema Jehová kinkamaxkinitan (Prov. 24:6; Efes. 4:8).
Jehová kamaxkima tamakgtay nema maklakaskinkgo putum latamanin (Kaʼakxilhti párrafos 16 chu 17)
16, 17. Xliputum tuku lakgpalikanit, ¿tuku tlakg tlan akxilhnita chu tuku xlakata?
16 Kalichuwinaw makgapitsi tuku talakgpalinit xaʼawatiya kata nema titaxtunit. Akgtum liʼakxilhtit, la uku lu likgalhtawakga nema kgalhiyaw lu tlan makgtayanankgo chu li stlan tasiyakgo. Nachuna limaklakaskinaw tuku tlakg xasasti taxtuma xlakata nalichuwinanaw Dios. Xlakata tamaklakaskima sitio jw.org, tlakg lhuwa tiku kamaxkimaka tamakgtay nema maklakaskinkgo. Putum uma tuku talakgpalinit masiya pi Jehová kapaxki latamanin chu kamakgtayaputun.
Paxtikatsiniyaw putum tuku katsiniyaw kʼescuelas bíblicas
17 Na lu paxtikatsiniyaw tuku lakgpalikanit kkintamakxtumitkan xlakata nakgalhiyaw kilhtamaku akxni kiakstukan nakgalhtawakgayaw o nakatakgalhtawakgayaw kifamiliajkan. Nachuna, paxtikatsiniyaw pi wi tuku talakgpalinit kprogramas xla xalanka
tamakxtumit. ¡Akgatunu kata tlakg tlan la masiyakan! Na lu paxtikatsiniyaw putum tuku katsiniyaw kʼescuelas bíblicas. Putum tuku talakgpalinit limasiya pi Jehová pulalima xkachikin chu tlawama pi tlakg lilakgatit nawan paraíso xaʼespiritual.LA TLAKG LILAKGATIT NATLAWAYAW PARAÍSO XAʼESPIRITUAL
18, 19. ¿La namakgtayananaw xlakata tlakg stlan nawan kimparaisojkan xaʼespiritual?
18 Jehová kinkamaxkiyan talakgalhaman pi tlan namakgtayananaw xlakata lilakgatit nawan paraíso xaʼespiritual. ¿La natlawayaw? Pulaktum la tlan natlawayaw wa pi xatapaxuwan nakalitachuwinanaw amakgapitsin tuku wan Biblia. Akxni wi tiku makgtayayaw pi xtatayana Jehová nawan, makgtayananaw pi tlakg nastaka paraíso xaʼespiritual (Is. 26:15; 54:2).
19 Atanu la tlan namakgtayananaw pi tlakg lilakgatit nawan paraíso xaʼespiritual, wa naliskujaw nakgalhiyaw lakwan tayat. Uma natlawa pi paraíso xaʼespiritual tlakg lilakgatit naʼakxilhkgo amakgapitsin. ¿Tuku tlawa pi latamanin nalakgapasputunkgo Jehová chu Jesús chu namimputunkgo kxkachikin? Ni kajwatiya xlakata lhuwa tuku katsiyaw, wata wa akxilhkgo kintayatkan.
Wix tlan namakgtayanana tlakg nastaka paraíso xaʼespiritual (Kaʼakxilhti párrafos 18 chu 19)
20. Chuna la wan Proverbios 14:35, ¿tuku kilitlawatkan?
20 Xlikana pi Jehová chu Jesús lu lipaxuwakgo akxni akxilhkgo pi lu lilakgatit paraíso xaʼespiritual niku tapakgsiyaw. Chu akinin na lu lipaxuwayaw pi makgtayananaw lilakgatit nawan. Pero tlakg napaxuwayaw akxni namakgtayananaw pi Katiyatni akgtum paraíso nawan. Proverbios 14:35 wan pi chatum mapakgsina paxuwa akxni kgalhi chatum xaskgalala skujni. Wa xlakata skgalala kawaw chu kaliskujwi xlakata tlakg lilakgatit natlawayaw paraíso xaʼespiritual.