6. Lichuwinamaka Dios xlikalanka Katiyatni
6. Lichuwinamaka Dios xlikalanka Katiyatni
«Na xapulh taliʼakgchuwinanit nawan xlikatlanka nkatuxawat yuma xatlan tamakatsinin xla tapakgsin.» (MATEO 24:14)
● Vaiatea lamacha kʼakgtum isla lu makgat xalak Pacífico, anta karchipiélago xla Tuamotú. Atsinu ni takgatsi 80 kʼislas chu 803, 000 kilómetros xlikalanka chu kaj 16,000 lamakgolh anta. Maski chuna xtatayananin Jehová, kilakgapaxialhnankgonit kVaiatea chu kachikin nema lakatsu wilakgolh. ¿Tuku xlakata ankgo maski makgat? Xlakata kalixakgatliputun xalakwan xalaksasti tamakatsin putum latamanin, maski makgat niku wilakgolh.
¿TUKU KINKAMASIYANIYAN UMA? Tamakatsin xlakata xtamapakgsin Dios chan maski lu lakgamakgat kxlikalaka Katiyatni. Kaj kata 2010, xtatayananin Jehová lichuwinankgolh Dios 1,600 millones horas k236 países chu kachikinin, wamputun pi akgatunu kilhtamaku chatum xtatayana Jehová wi tiku litachiwinan 30 minutos xlakata Dios. Akgkaw kata nema titaxtulh tamakgpitsilh liwaka 20,000 millones likgalhtawakga xalak Biblia nema limasiyakgo.
TUKU WANKGOKAN. Akglhuwata mil kata talichuwinama Dios.
¿XLIKANA TUKU WANKGO? Xlikana pi lhuwa tiku litsakgsakgonit nalichuwinankgo xtamasiy Biblia. Pero ni makgas kilhtamaku lichuwinankgonit chu ni makgat. Pero xtatayananin Jehová lichuwinankgo Dios xlikalanka Katiyatni chu lhuwa millón tiku kalitachuwinankgonit. Chu chuna tlawakgonit maski tiku kgalhikgo limapakgsin kaputsastalaninit chu lu lixkajni likatsikgo (Marcos 13:13). * Nachuna, xtatayananin Jehová limaxtukgo kilhtamaku xlakata nalichuwinankgo Dios, makgpitsikgo likgalhtawakga chu ni matajinankgo. Tumin nema limaklakaskinkgo wa nema xatapaxuwan tamaskiwinama.
¿TUKU LAKPUWANA WIX? ¿Talichuwinama xalaksasti «xatlan tamakatsinin xla tapakgsin» xliputum katiyatni? ¿Xlakata kgantaxtuma uma tuku tasokgnit kBiblia wamputun pi wi tuku tlakg tlan kgalhkgalhimaw?
[Notas nema wilakgo kpágina]
^ párr. 6 Komo tlakg katsiputuna, kaʼakxilhti videos Fieles ante las pruebas, Los triángulos púrpuras chu Los testigos de Jehová se mantienen firmes ante el ataque nazi, tlawakgonit xtatayananin Jehová.
[Epígrafe xla página 9]
«Komo Jehová, chuntiya namasta talakaskin chuntiya lipaxuw nalichuwinanaw xalakwan xalaksasti, chu nalimaklakaskinaw putum tuku natalakaskin xlakata nakatekgsaw tiku nakgaxmatputunkgo.» (ANUARIO DE LOS TESTIGOS DE JEHOVÁ 2010)
