1 Dios nila lakgapaskan. ¿Pi xlikana?
1 Dios nila lakgapaskan. ¿Pi xlikana?
Makgapitsi wankgo: «Wantuku tlawa Dios nila akgatekgskan».
«Kaj watiya chatum Dios xaxlikana anan, lanka, ni talakgpali, nila akgatekgsniyaw, kgalhi putum litliwakga, xaTlat, xaKgawasa chu Espíritu Santo», chuna wan Catecismo de la Iglesia Católica akxni lichuwinan Trinidad.
Wantuku masiya Biblia: Jesús wa, tiku «nalakgapaskgoyan wix[...] Dios talulokgtat» o xaxlikana lhuwa tasikulunalin nakgalhikgo (Juan 17:3). Pero ¿la nalakgapasaw Dios komo nila naʼakgatekgsniyaw? Dios ni tatsekga, wata lakaskin pi kalakgapaska (Jeremías 31:34).
Xlikana, pi nikxni putum katikatsiw xlakata Dios, putum tuku tlawa chu xtalakapastakni tlakg xatalhman (Eclesiastés 3:11; Isaías 55:8, 9).
La namakgtayayan nakatsiya tuku xaxlikana: Komo nila xʼakgatekgsniw Dios, kaj nitu xlitaxtulh nalakgapasputunaw. Ni kaj lakaskin nalakgapasaw wata lakaskin lu tlan natalalinaw. Dios wanilh Abrahán «kiʼamigo» xlakata nikxni makgxtakgli, chu mapakgsina David tsokgli: «[Jehová] Dios ixamigo katlawa ti [...]kgaxmatnij» (Isaías 41:8; Salmo 25:14).
¿Kaj akgtum tamanaxnat tlan natalalinaw Dios? Max wi tiku chuna nalakpuwan. Pero kaʼakxilhti tuku wan Hechos 17:27, Dios «ni makgat kinkawilanin nchatunu nkinin». ¿Tuku xlakata chuna wanaw? Xlakata kBiblia tatsokgtawilanit chu kinkawaniyan la tlan liwana nalakgapasaw. *
Dios masiya pi xtukuwani Jehová (Isaías 42:8). Chu xlakata nakatsiyaw la likatsi, kBiblia tatsokgtawilanit la katalalin latamanin. Chu kinkawaniyan pi Dios na lipuwan, na sitsi chu na paxuwa. Chu «xalakgalhamana chu tlan likatsiy, ni lakapara sitsiy, lhuwa kgalhiy tapaxkit nema ni makgxtakgnan chu xaxlikana» (Éxodo 34:6). Tuku tlawayaw, tlan nalimakgapaxuwayaw o nalimakgalipuwanaw. Israelitas xala makgasa «nitlan xmamakgkatsinikgo» xlakata ni xkgalhakgaxmatkgo. Pero tiku lakgskgalala chu kgalhakgaxmatkgo lu makgapaxuwakgo (Salmo 78:40, NM; Proverbios 27:11).
[Nota nema wi kpágina]
^ párr. 7 Tlakg natekgsa tuku wan Biblia xlakata Dios kcapítulo 1 xla libro ¿Tuku xlikana masiyay Biblia?, tlawakgonit xtatayananin Jehová.
[Tuku wan página 4]
Komo Dios akgtum Trinidad xwa, ¿la tlan xlakgapaswi?
[Tiku tapakgsini fotografía xla página 4]
The Trinity (c. 1500), escuela flamenca (siglo XVI) / H. Shickman Gallery (Nueva York, EE.UU.) / The Bridgeman Art Library International
