¿Maklakaskinaw kakinkapulalin xʼespíritu Dios?
¿Maklakaskinaw kakinkapulalin xʼespíritu Dios?
«Wix kiDios, [mi espíritu] kakimasini[lh] la naktlawa tu lakgatiya.» (SAL. 143:10)
1. ¿Tuku xlakata akgtum imán tlan lhtankti likan?
¿MILH kilhtamaku akxni malakatsuwi kgantum litsapan kʼimán? Imán tunkun lhtankti litsapan. ¿Tuku xlakata? Xlakata imanes kgalhikgo akgtum litliwakga nema ni tasiya chu lhtankti putum likan. Akglhuwata siglos latamanin limaklakaskinkgo xlakata litekgskgo likan.
2, 3. 1) ¿Tuku wanikan litliwakga nema limaklakaskilh Jehová akxni malakatsukinalh? 2) ¿La katsiyaw pi espíritu santo xlilat nakinkapulalinan?
2 Pero na anan atanu litliwakga nema tlakg xlakaskinka chu tlan nakinkapulalinan kkilatamatkan. ¿Tuku uma litliwakga? Wa nema talichuwinan kxapulana versículos xalak Biblia. Akxni lichuwinan tuku tlawalh Jehová akglhuwata millones kata, libro xla Génesis wan: «Kxapulana, Dios tlawalh akgapun chu katiyatni». Chu alistalh kinkawaniyan tukuya litliwakga limaklakaskilh, anta wan, «xlitliwakga Dios anu anu xʼan» (Gén. 1:1, 2). ¿Tuku kskujma? Espíritu santo, wa litliwakga nema litlawaka tuku anan. Xlikana, akinin lamaw xlakata Jehová limaklakaskilh uma espíritu xlakata tlan xtlawalh putum tuku anan (Job 33:4; Sal. 104:30).
3 Pero ni kaj kilipaxuwatkan pi katsiyaw pi xlitliwakga Dios tlawa najaxananaw chu nalipaxuwayaw latamat. Kilimastatkan talakaskin pi uma litliwakga na nakinkapulalinan. Chuna wa xKgawasa Dios akxni kawanilh kstalaninanin: «Spiritu [...], wa nakamakgatanksayan xlipaks ntu ntalulokgtat» o xaxlikana (Juan 16:13). Pero ¿tuku espíritu santo chu la litamakgtayayaw akxni mastayaw talakaskin nakinkapulalinan?
Tuku espíritu santo
4, 5. 1) ¿Tuku nitlan kanajlakgo xlakata espíritu santo tiku kanajlanikgo Trinidad? 2) ¿La tlan namakgatekgsananaw tuku wamputun espíritu santo?
4 Akxni lichuwinanaw Dios, katatanokglhaw tiku kanajlanikgo Trinidad. Xlakan lakpuwankgo pi espíritu santo xtachuna xaTlat chu xaKgawasa (1 Cor. 8:6). Xlakata uma tamasiy, maklhuwa Biblias mayúsculas litsokgkgo uma tachuwin: Espíritu Santo. Pero chatum makgalhtawakgana xla tachuwin xagriego nema lu lakgapaskan, Joan F. Mira, maxtulh 2006 kʼEspaña tuku matitaxtulh kʼatanu tachuwin Evangelios, Hechos chu Apocalipsis niku minúscula wili: espíritu santo. Chu wan pi chuna tsokgkan, xlakata kBiblia ni tamasiya pi espíritu santo chatum lataman. *
5 Wa xlakata, ¿tuku espíritu santo? Biblia Traducción del Nuevo Mundo de las Santas Escrituras (con referencias) makgatekgsanan kʼakgtum nota nema limin Génesis 1:2: «[Tachuwin xahebreo] rú aj ni kaj tamatitaxti kʼatanu tachuwin la “espíritu”, na kilhchani “un” chu akxni tawi amakgapitsi tachuwin na kilhchani litliwakga nema nila akxilhaw» (katamalakxtumi notas nema limin Génesis 3:8 chu 8:1). Chuna la un, nila akxilhaw pero akxilhaw tuku tlawa, nachuna espíritu santo nila akxilhaw, xlakata kaj akgtum litliwakga, pero tlan akxilhkan tuku tlawa. Uma wa xlitliwakga Dios nema kamaxki latamanin o atanu xlakata namakgantaxti xtalakaskin. ¿Pi tuwa kanajlakan pi uma litliwakga wa xla Dios tiku kgalhi putum litliwakga chu lu xasanto? Ni (kalikgalhtawakga Isaías 40:12, 13).
6. ¿Tuku kilhchanima tuku David skinilh Dios?
6 Xlikana, Jehová tlan nalimaklakaskin xʼespíritu xlakata nakinkapulalinan kkilatamatkan. Wa uma tuku wanilh David: «Nakmamakgachakgxiniyan [o nakmaʼakgatekgsniyan] laktlan talakapastakni, y nakmasiniyan tijia latani natlawana» (Sal. 32:8). Pero ¿xlakaskin salmista napulalin Jehová? Chuna, xlakata skinilh: «Wix kiDios, [mi espíritu] kakimasini[lh] la naktlawa tu lakgatiya. Kakilakgalhamanti, kakilipi nak xatlan tijia latani lipaxaw naklatamay» (Sal. 143:10). Akinin nachuna kililakapastakatkan chu nalakaskinaw pi espíritu santo nakinkapulalinan. ¿Tuku xlakata? Kaʼakxilhwi pulaktati tuku xlakata chuna kilitlawatkan.
Nila tlan pulalinaw kilatamatkan
7, 8. 1) ¿Tuku xlakata nila kiakstukan pulalinaw kintijikan? 2) ¿Tukuya liʼakxilhtit limasiya pi nitlan kiakstukan napulalinaw kilatamatkan kxalixkajni kakilhtamaku?
7 Xapulana tuku xlakata lakaskinaw pi xʼespíritu santo Jehová nakinkapulalinan xlakata nila pulalinaw kilatamatkan. Verbo pulalinankan wamputun, «masiyakan tiji» chu nachuna «stakyawanankan» (Diccionario Anaya de la Lengua). Xlikana, latamanin ni katlawaka xlakata xakstukan napulalinkgo xlatamatkan, chu tlakg lakaskinkgolh nakapulalinkan akxni lakgalhinankgolh. Chuna la tsokgli Jeremías: «Lu xlikana kkatsiy, wix Jehová pi chatum chixku ni lakgchan xtiji. Ni lakgchan chatum chixku xakstu napulalin xtatukit» (Jer. 10:23). Nachuna Jehová wanilh palakachuwina pi pulaktum tuku xlakata nila pulalinaw kilatamatkan wa pi lhuwa tuku nila tlawayaw: «Kinakujkan tlakg akgskgawinan nixawa atanu, chu tatlakgaja. ¿Tiku nalakgapasa?» (Jer. 17:9; Mat. 15:19).
8 Kalilakapastakwi chatum tiku an paxialhnan niku ni liwana lakgapasnan chu nitu anan chu ni kgalhi akgtum mapa. Komo xakstu naʼan chu ni taʼan tiku lakgapasnan, lu nitlan tuku tlawama. Chu komo ni katsi tuku natlawa akxni tuwa tuku natitaxtu max asta nani. Nachuna akgspula tiku xakstu lakkaxwili la nalin xlatamat kʼuma xakalixkajni kakilhtamaku chu ni skini kapulalilh Dios. Xlakata tlan nalatamayaw unu kkakilhtamaku chu ni namakgatsankgayaw kilatamatkan talakaskin naskiniyaw Jehová chuna la David skilh: «Kakimakgtaya, xlakata kintujun [o tantun] ni nama[kgxtakga] xatlan mintijia latani kiyawanita; xlakata ni naklhtuja nak kilatamat» (Sal. 17:5; 23:3). ¿La tlawayaw xlakata nalatamayaw ktiji niku Dios kinkalimputunan?
9. Chuna la tasiya kpágina 19, ¿la litasiya kkilatamatkan pi xʼespíritu santo Dios kinkapulalinan?
9 Komo ni tlankajwa akinin chu lipawanaw Juan 14:26). Putum kilhtamaku kiliskinitkan Dios kakinkamaxkin liskgalala chu nalikgalhtawakgayaw Biblia, niku tatsokgtawilanit xtamasiy Cristo. Akxni chuna natlawayaw espíritu nakinkamakgtayayan tlakg liwana naʼakgatekgsaw xliskgalala Jehová chu chuna liwana namakgantaxtiyaw xlimapakgsin (1 Cor. 2:10). Nachuna, akxni kaj lakapala natalakgpali kkilatamatkan, espíritu nakinkamasiyaniyan tuku kilitlawatkan. Nakinkamalakapastakayan xtastakyaw Biblia nema katsinitaw chu nakinkamakgtayan la tlan nalinaw kilatamatkan.
Jehová xla nakinkamaxkiyan xʼespíritu xlakata nakinkapulalinan chu tlan natawilayaw. Pero ¿la kinkamakgtayayan uma litliwakga? Jesús kawanilh kstalaninanin: «Spiritu Santo, wantu namalakgachay xaTlat kkimpuxokgo, wa nakamasiyuniyan xlipaks nkatuwaj, na nakamalakapastakayan xlipaks nkatuwa ntu kkawaninitan» (Jesús pulalilh espíritu
10, 11. ¿Tuku lu xlakaskin xKgawasa Dios chu la makgtayalh espíritu santo?
10 Xlipulaktiy tuku xlakata maklakaskinaw espíritu wa pi Dios lipulalilh espíritu, xapuxku xKgawasa. Chu akxni nina xmin kKatiyatni, Jesús liwana xkatsi uma tuku xwankanit: «Chu nakgalhi xʼespíritu Jehová, xʼespíritu liskgalala chu xʼespíritu takgatekgsnit, xʼespíritu tastakyaw chu litliwakga, xʼespíritu takatsin chu nakgalhini xatlan tapekua Jehová» (Isa. 11:2). ¡Lu xlakaskin pi xmakgtayalh espíritu santo nema tlan xlitayanilh laklanka taʼakglhuwit kKatiyatni!
11 Jesús akxilhli la kgantaxtulh tuku xwaninit Jehová. Evangelios lichuwinankgo tuku lalh akxni aku xtamununit: «Jesús, lu wa xlitaxajnit Spiritu Santo, timincha kJordán; anta ntialh ntani ntsilis kawan; wa ntiliyalh Spiritu ntani naʼan» (Luc. 4:1). Anta kdesierto ni wayalh, tlawalh oración chu max lilakapastakli tuku xʼama tlawa chu max anta Jehová wanilh la xʼama tlawa taskujut nema xlakgayawanit. Xlitliwakga Dios xkgalhi Cristo kxtalakapastakni chu xnaku o xʼanima chu wa xpulalin akxni wi tuku xtlawa. Wa xlakata liwana xkatsi tuku xlitlawat xwanit akxni xkgalhi taʼakglhuwit chu putum tlawalh chuna la xlakaskin xTlat.
12. ¿Tuku xlakata lu xlakaskinka naskiniyaw Dios nakinkapulalinan xʼespíritu?
12 Jesús xkatsi la xlilakaskinka xwanit espíritu santo kxlatamat, chu makglhuwa kawanilh kstalaninanin pi xlakaskinka naskinikgo Dios chu namastakgo talakaskin nakapulalin kxlatamatkan (kalikgalhtawakga Lucas 11:9-13). ¿Tuku xlakata lu xlakaskinka chuna natlawayaw? Xlakata xlitliwakga Dios tlan lakgpali kintalakapastaknikan chu xtachuna nawan la xla Cristo (Rom. 12:2; 1 Cor. 2:16). Komo namastayaw talakaskin nakinkapulalinan kkilatamatkan, nalakpuwanaw chu nalinaw kilatamatkan la Jesús (1 Ped. 2:21).
Xʼespíritu kakilhtamaku tlan nakinkalaktlawayan
13. ¿Tuku xʼespíritu kakilhtamaku chu tuku matlawinan?
13 Xlipulaktutu tuku xlakata maklakaskinaw Efesios 2:1-3 chu Tito 3:3). Putum tiku namasta talakaskin nalaktanu xʼespíritu kakilhtamaku chu natlawa tuku lakaskin xmakni lu nitlan nakitaxtu alistalh. Ni katimakglhtinankgolh xTamapakgsin Dios (Gál. 5:19-21).
pi xʼespíritu santo Dios nakinkapulalinan wa pi kinkamakgtayayan ni nakinkapasayan xtalakapastakni kakilhtamaku. Latamanin xalak kakilhtamaku kapasanit akgtum lu lanka litliwakga, akgtum litliwakga nema tlawa pi ni nalikatsikgo chuna la lakaskin xʼespíritu Dios. Uma litliwakga ni kamakgtaya nalakapastakkgo la Cristo wata kamatlawi tuku lakaskin Akgskgawini, xmapakgsina uma kakilhtamaku (kalikgalhtawakga14, 15. ¿Tuku kilitlawatkan xlakata ni nakinkapasayan xʼespíritu kakilhtamaku?
14 Jehová lhuwa tuku kinkalimakgtayayan xlakata ni nakinkapasayan xʼespíritu kakilhtamaku. Wa xlakata apóstol Pablo wa: «Xtamakgtay nkimPuchinakan nkalitatliwakglhtit, [...] lakimpi tlan natalayatit nalakgapaxtokgatit ntu ni xatlan» (Efe. 6:10, 13). Jehová kinkalimatliwakglhan xʼespíritu xlakata natayaniyaw tuku nitlan kinkatlawaniyan Satanás (Apo. 12:9). Xlikana pi xʼespíritu kakilhtamaku lu tliwakga chu nila nipara tsinu nakinkapasayan, pero ni namastayaw talakaskin nalaktanu kkintalakapastaknikan, xlakata kgalhiyaw espíritu santo chu tlakg tliwakga.
15 Akxni apóstol Pedro lichuwinalh tiku nialh kstalaninanin Cristo xwankgonit kxapulana siglo wa pi: «Makgaxtakgkgonit xatlan tiji, na akgtsankgakgonit» (2 Ped. 2:15). ¡Lu kilipaxtikatsinitkan pi ni makglhtinanitaw «ntalakapastakna ntu xala katuxawat, wampi wa Spiritu ntu miniyacha Dios»! (1 Cor. 2:12.) Komo mastayaw talakaskin pi xʼespíritu Dios nakinkapulalinan chu nalitamakgtayayaw tuku Jehová kinkamaxkiyan, nalatamayaw kxatlan tiji chu nalakatayayaw xʼespíritu uma xalixkajni kakilhtamaku (Gál. 5:16).
Espíritu santo tlawa tlan nalikatsiyaw
16. ¿Tuku na tlawa espíritu santo kimpalakatakan?
16 Xlipulaktati tuku xlakata lakaskinaw pi xʼespíritu santo Dios nakinkapulalinan, xlakata tlawa pi nakgalhiyaw xatlan tayat (kalikgalhtawakga Gálatas 5:22, 23). ¿Tiku ni xlakgatilh pi tlakg xapaxkina xwa, tlakg xpaxuwalh chu ni lakapala xsitsilh? ¿Ni xlikana pi lakaskinaw tlakg nakgalhkgalhinanaw, tlan nalikatsiyaw chu natlawayaw tuku tlan? Na lakaskinaw pi tlakg katatliwakglhli kintakanajlakan, ni tlankajwa nawanaw chu namachokgoyaw tuku nitlan tlawaputunaw. Akxni espíritu santo kinkapulalinan, kinkamakgtayayan nakgalhiyaw lu tlan tayat, nema kamakgtaya kifamiliajkan chu kinatalankan. Pero putum kilhtamaku chuna kilitlawatkan xlakata talakaskin tlakg tlan nalikatsiyaw.
17. ¿La tlan natlawayaw xlakata nalimasiyayaw tuku tlawa espíritu santo?
17 Tlan komo xtlawaw uma takgalhskinin: «¿Klimasiya kintachuwin chu tuku ktlawa pi kmasta talakaskin nakinpulalin espíritu santo chu kkgalhi laktlan tayat?» (2 Cor. 13:5a; Gál. 5:25). Max naʼakxilhaw pi kinkatsankganiyan naliskujaw nakgalhiyaw tayat nema matlawinan. ¿Tuku natlawayaw? Kilimastatkan talakaskin pi espíritu santo nakinkamakgtayayan xlakata nakgalhiyaw tlan tayat. ¿La natlawayaw? Nalikgalhtawakgayaw kBiblia chu kʼatanu kilikgalhtawakgakan, naʼakxilhaw la makgantaxtiyaw kkilatamatkan chu naliskujaw tlakg tlan nalimasiyayaw. * Akxni naʼakxilhaw tuku tlawa espíritu santo kkilatamatkan chu kxlatamatkan kinatalankan, liwana nakatsiyaw tuku xlakata lu xlakaskinka nakinkapulalinan.
¿Mastayaw talakaskin pi xʼespíritu santo Dios nakinkapulalinan?
18. ¿Tuku kinkamasiyanin Jesús xlakata mastalh talakaskin napulalin espíritu santo?
18 Biblia wan pi akxni Jesús xlama kKatiyatni lu limaklakaskilh espíritu santo. Putum kilhtamaku mastalh talakaskin napulalin xlatamat, wa xlakata akxni espíritu wi tuku xmatlawiputun, xatapaxuwan xtlawa (Mar. 1:12, 13; Luc. 4:14). ¿Nachuna tlawayaw?
19. ¿Tuku kilitlawatkan xlakata espíritu santo napulalin kilatamatkan?
19 La uku espíritu santo chuntiyaku wi xtalakapastaknikan chu xnakujkan tiku mastakgo talakaskin nakapulalin. ¿Tuku kilitlawatkan xlakata nakinkapulalinan espíritu santo chu nakinkalinan kxatlan tiji? Putum kilhtamaku naskiniyaw Jehová kakinkamaxkin xʼespíritu santo chu kakinkamakgtayan namastayaw talakaskin nakinkapulalinan (kalikgalhtawakga Efesios 3:14-16). Alistalh kilitlawatkan chuna la skinaw kkiʼoracioneskan, naputsayaw tastakyaw kBiblia nema limatsokgninanka espíritu santo (2 Tim. 3:16, 17). Kilimakgantaxtitkan tastakyaw nema wi kxTachuwin Dios chu xatapaxuwan namastayaw talakaskin nakinkapulalinan espíritu santo. Komo limasiyayaw kkilatamatkan pi lu lipawanaw Jehová, tlan nakinkapulalinan kʼuma xalixkajni kakilhtamaku.
[Notas nema wilakgo kpágina]
^ párr. 4 Kprológo wan pi «tiku xkgalhtawakga ksiglo II o ksiglo III nipara tsinu xlakpuwan pi uma [...] espíritu chatum dios xwa chu xakstu xtapakgsilh, nema ni xtachuna la xaTlat chu xaKgawasa, xlakata uma kaj kʼakgtum tamasiy nema taʼakgatekgsa kTrinidad, nema nina xʼanan».
^ párr. 17 Xlakata naʼakxilhaw putum xtlawaw espíritu santo kaʼakxilhti Índice de las publicaciones Watch Tower niku wan, «Fruto del espíritu de Dios» chu apulaktu nema wanikan, «Lista por aspecto».
¿Katsiw tuku tlakg xlakaskinka?
• ¿Tuku tlawa kkilatamatkan espíritu santo?
• Kawanti pulaktati tuku xlakata maklakaskinaw xʼespíritu Dios nakinkapulalinan.
• ¿Tuku kilitlawatkan xlakata tlakg nalitamakgtayayaw espíritu santo?
[Takgalhskinin]
[Dibujo xla página 17]
Putum tuku xtlawa Jesús espíritu santo xpulalin
[Dibujo xla página 19]
Akxni kgalhiyaw espíritu santo pulalin kintalakapastaknikan chu kinakujkan