Xliputum kilatamatkan kamakamaxkiw Jehová tamakamastan
Xliputum kilatamatkan kamakamaxkiw Jehová tamakamastan
«Xlipaks wa ntu natlawayatit, xlipaks mintapaxuwankan nalitlawayatit, xtachuna mpi wa [Jehová] skujnanipatit.» (COL. 3:23)
KAPUTSA XTAKGALHTIN:
¿La namalankiyaw Jehová chali chali?
¿Tuku tamakamastan tlan namaxkiyaw Jehová akxni skujnaniyaw?
¿Tuku tlan namaxkiyaw Jehová xlakata tuku kgalhiyaw?
1-3. 1) Xlakata Jesús nilh kkgantum kiwi, ¿nialh xlakaskinka namaxkiyaw Jehová tamakamastan? Kawanti tuku xlakata. 2) ¿Tuku nalakapastakaw akxni wi tuku namaxkiyaw Jehová?
KXAPULANA siglo, Jehová kamakatsinilh xkachikin pi xlilakxtlawakanita xtamakamastan Jesús Limapakgsin nema maxkika Moisés (Col. 2:13, 14). Wa xlakata, tamakamastan xla animales chu amakgapitsi tuku na xmakamastakan nema akglhuwa kata xmastakgo judíos nialh xtalakaskin natlawakan chu nialhtu xlitaxtu. La akxni «kinkuentajtlawanakan», uma limapakgsin xmakgantaxtinita wantuku xlakata xkalimaxkikanit judíos xlakata xkalilh kCristo (Gál. 3:24, NM).
2 Pero uma ni wamputun pi kstalaninanin Cristo ni xlakaskinka akxilhkgo tamakamastan. ¡Wata lu xlakaskinka akxilhaw! Apóstol Pedro masiya pi «namakamastayaw tamakamastan xlakata takanajla nema Dios makglhtinan xpalakata Cristo» (1 Ped. 2:5, NM). Chu apóstol Pablo liwana kinkawaniyan pi putum kkilatamatkan, nema makamaxkinitaw Dios, tlan naʼakxilhaw la “tamakamastan” (Rom. 12:1).
3 Akxni wi tuku limakgxtakgaw o wi tuku tlawayaw xpalakata skujnaniyaw Jehová, litaxtu akgtum tamakamastan. Wa xlakata xlakaskinka liwana nakatsiyaw komo tamakamastan xlikana makgapaxuwa Jehová, naʼakxilhaw komo tlawamaw la Jehová xkaskini israelitas.
WANTUKU MAKAMAXKIYAW CHALI CHALI
4. ¿Tuku kililakapastakatkan akxni tlawayaw tuku xala chali chali?
4 Max ni lakpuwanaw komo wa tuku tlawayaw chali chali na kilhchanima tamakamastan nema maxkiyaw Jehová. Max akxni anaw kʼescuela, kintaskujutkan, chu kkinchikkan o akxni anaw tamawananaw chu akxni atanu tuku tlawayaw max lakpuwanaw pi ni talakaskin nalilakapastakaw tuku kanajlayaw. Pero, komo tamakamastaninitawa Jehová o nialh makgas natamakamastaniyaw, xlakaskinka pi tuku tlawayaw naʼakxilhaw chuna la xlilat. Kalakapastakwi pi akinin kstalaninanin tantaku chu tantaskaka chu namakgantaxtiyaw tuku wan Biblia putum tuku tlawayaw kkilatamatkan. Chuna la wa Pablo: «Xlipaks wa ntu natlawayatit, xlipaks mintapaxuwankan nalitlawayatit, xtachuna mpi wa [Jehová] skujnanipatit, wampi ni wa nchixkuwin» (kalikgalhtawakga Colosenses 3:18-24).
5, 6. ¿Tuku kuenta kilitlawatkan putum kilhtamaku xlakata la lhakgananaw chu la likatsiyaw?
5 Tuku tlawayaw chali chali ni makgtanu kxasanto taskujut nema mastayaw kstalaninanin Cristo. Pero Pablo kinkawaniyan pi “xlipaks kintapaxuwankan nalitlawayaw, xtachuna mpi wa Jehová skujnanimaw”, wa xlakata kililakapastakatkan putum tuku tlawayaw kkilatamatkan. Tlan xtlawaw uma takgalhskinin: «¿Putum kilhtamaku tlan klin kilatamat chu tlan klhakganan? ¿O min kilhtamaku klimaxanan nakwan pi xtatayana Jehová akit, xlakata la klikatsi o la ktasiya?» ¡Lu nitlan komo chuna xwa! Xlakskujnin Dios ni lakaskinaw pi nitlan nalichuwinankan xtukuwani (Isa. 43:10; 2 Cor. 6:3, 4, 9).
6 Kaʼakxilhwi pi akxni “xlipaks kintapaxuwankan nalitlawayaw, xtachuna mpi wa Jehová skujnanimaw” kinkamakgtayayan xlakata putum tuku tlawayaw. Akxni nalilakapastakaw uma, kalakapastakwi pi Jehová xkaskini israelitas xmakamaxkikgolh tuku tlakg tlan xkgalhikgo (Éxo. 23:19).
CHUNA LA LINAW KILATAMATKAN
7. ¿Tuku wamputun tamakamastanikan Jehová?
7 Akxni makamastaniw Jehová kilatamatkan, putum makamaxkiw. Waniw pi pulana xʼamaw wiliyaw tuku lakaskin, akxni wi tuku xtitaxtuw (kalikgalhtawakga Hebreos 10:7). Xlikana wa uma tuku tlakg tlan laksakwi natlawayaw. Max akxilhnitaw pi komo naliskujaw xlakata natlawayaw tuku Dios lakaskin akxni wi tuku titaxtuyaw chu alistalh makgantaxtiyaw, lu tlan kitaxtu (Isa. 48:17, 18). Akinin akgtum kachikin xasanto chu paxuwayaw xlakata limasiyayaw xtayat Dios tiku kinkamasiyaniyan (Lev. 11:44; 1 Tim. 1:11).
8. ¿Tuku kinkamasiyaniyan pi Jehová xasanto xakxilha tamakamastan nema xtlawakgo israelitas?
8 Jehová xasanto xakxilha tamakamastan nema xmakikgo israelitas (Lev. 6:25; 7:1). Tachuwin xahebreo nema kilhchani «santo» wamputun putum tuku tanu wilikan nema xla Dios. Chuna la akxilhwi, komo lakaskinaw pi kintamakamastankan namakgamakglhtinan Dios, ni tsinu xlitatalakgxtumit tuku xtapuwan o xtatlaw kakilhtamaku. Nila napaxkiyaw tuku kinTlatikan Jehová ni akxilhputun (kalikgalhtawakga 1 Juan 2:15-17). Akgtum liʼakxilhtit, ni makgtanuputunaw tuku natlawa pi xalixkajni natawilayaw kxlakatin Dios (Isa. 2:4; Apo. 18:4). Na ni naʼakxilhaw tuku xalixkajni o nitlan latamat, nipara namastayaw talakaskin pi nalakapastakaw tuku xalixkajni (Col. 3:5, 6).
9. ¿Tuku xlakata lu xlakaskinka tlan nakalikatsiniyaw amakgapitsin?
9 Pablo kawanilh natalan: «Niʼukxni tipatsankgayatit natlawayatit wantu lakwan tatlaw, chu akxtum kalimakgtayakgotit akatsunin wantu [...] kgalhiyatit [...] xampi xlikana Dios lu wa lakgatiy» (Heb. 13:16, Hua Xasasti Talaccaxlan, 1999). Xlikana pi Jehová akxilha la akgtum tamakamastan putum tuku tlawayaw xlakata kgalhakgaxmatniyaw chu kalimakgtayayaw amakgapitsin. Akxni kapaxkiyaw amakgapitsin limasiyayaw pi akinin xaxlikana kstalaninanin Jesús (Juan 13:34, 35; Col. 1:10).
TAMAKAMASTAN AKXNI KAKNINANIYAW DIOS
10, 11. ¿La akxilha Jehová kintaskujutkan chu takaknin nema maxkiyaw, chu tuku kinkamalakpuwaniyan?
10 Pulaktu la tlan nakalikatsiniyaw wa «nakalitachuwinanaw amakgapitsin tuku kgalhkgalhimaw». ¿Putum niku anaw tlan nalichuwinanaw tuku kanajlayaw? Pablo limasiyalh pi uma tuku tlawayaw nema lu xlakaskinka limaxkiyaw «tamakamastan xlakata nalimalankiyaw, uma wamputun wantuku taxtu kkinkilhnikan nema lichuwinanaw kalakatin xtukuwani» (Heb. 10:23; 13:15, NM; Ose. 14:2). Tlan lhuwa xlichuwinaw la tlawayaw chu la xlilhuwa kilhtamaku lichuwinanaw xTamapakgsin Dios, xlakata makglhuwa kinkawanikan kTamakxtumit xlakata xTaskujut Dios la tlakg tlan natlawayaw. Pero, la nalichuwinanaw Dios, la akxni akgatunu chiki lichuwinanaw o alakatanu niku anaw uma akgtum «tamakamastan xlakata nalimalankiyaw» Jehová, chu wa xlakata lu naliskujaw xlakata lu tlan natlawayaw. Maski ni lakxtum la tlan nalichuwinanaw Dios uma litasiya komo lu xlakaskinka akxilhaw tuku xla Dios.
11 Kstalaninanin Cristo limaxtuyaw kilhtamaku xlakata kakninaniyaw Dios kaj kiʼakstukan o kcongregación akgatunu semana. Dios lakkaxwilinit chuna natlawayaw. Xlikana pi ni kinkawanikan najaxaw sábado chu naʼanaw kJerusalén xlakata natlawayaw paskua nema xtlawakan kata kata. Pero, wi tuku xtalakxtum nema xtlawakgo israelitas xalamakgasa chu tuku tlawakgo kstalaninanin Cristo. Dios lakaskin pi kalimaxtuw kilhtamaku xlakata tlan namakgxtakgaw tuku tlawamaw chu nalikgalhtawakgayaw Biblia, natlawayaw oración chu natatamakxtumiyaw congregación. Na lakaskin pi tiku pulalinkgo familia natakakninanikgo Dios xfamilia (1 Tes. 5:17; Heb. 10:24, 25). Putum tlan natlawayaw uma takgalhskinin: «¿Tlan tlakg liwana nakskujnani Jehová?».
12. 1) ¿Tuku tlan namakamaxkiyaw Jehová nema tlan natamalakxtumiyaw incienso nema klhkuyakan kpumakamastan? 2) ¿La liwana natlawayaw kiʼoracioneskan xlakata Biblia tamalakxtumi incienso?
12 Mapakgsina David wanilh Jehová: «Kalakgtakxtuchan jee kiʼoración la xajin incienso nima klilakgachixkuwiyan» (Sal. 141:2). Kalakpuwaw tsinu: ¿La xlilhuwa ktachuwinan Dios? ¿La xlimakglhuwa? ¿Kaj lakapara o liwana ktachuwinan? Libro xla Apocalipsis masiya pi Jehová makgamakglhtinan «xʼoracionkan ksantujlanin» la incienso, xlakata chan klakatin la tuku lu muksun (Apo. 5:8). Kalakapastakwi pi Jehová xkawaninit israelitas pi incienso nema klhkuyukgo chali chali anta kpumakamastan lu liwana xtlawaka, chu chuna xkaxtlawaka la xwankanit. Komo ni chuna xtlawakan la xwanit, ni xmakgamakglhtinan (Éxo. 30:34-37; Lev. 10:1, 2). ¿Tuku kinkamasiyaniyan uma? Komo lakaskinaw pi Jehová kakinkamakgamakglhtin kiʼoracionkan, chuna natlawayaw la lakaskin.
MASTAYAW CHU MAKGLHTINANAW
13, 14. 1) ¿La makgtayakgolh apóstol Pablo, xalak Filipos chu Epafrodito, chu la akxilhli? 2) ¿La tlan nachuna natlawayaw la Epafrodito chu tiku xalak Filipo?
13 Maski lhuwa o ni lhuwa namastayaw tumin xlakata nalitatlawa xtaskujut Dios xlikalanka kakilhtamaku, tlan natamalakxtumiyaw tamakamastan (Mar. 12:41-44). Kxapulana siglo, natalan xalak Filipos malakgachakgolh Epafrodito kRoma xlakata xmakgtayalh Pablo, tlan xlinilh tsinu tumin. Chu ni kajku xlimakgtum chuna lu tlan xlikatsinikan Pablo. Uma tumin xatapaxuwan malakgachanikgolh apóstol xlakata nitu xlilakgaputsalh chu tlakg lhuwa kilhtamaku xlichuwinalh Dios. ¿La akxilhli tamaskiwin? La «tuku lu muksun takgankgawanan, akgtum tamakamastan nema makglhtinan chu makgapaxuwa Dios» (kalikgalhtawakga Filipenses 4:15-19, NM). Lu kapaxtikatsinilh tuku malakgachanikgolh chu Jehová na makgapaxuwalh.
14 La uku, Jehová na paxtikatsini tumin nema mastayaw xlakata nalitatlawa taskujut xlikalanka kakilhtamaku. Chu xla kinkawaniyan pi komo pulana nawiliyaw kkilatamatkan xTamapakgsin, nakinkamaxkiyan putum tuku lakaskinaw, xlakata kintakanajlakan chu kkilatamatkan (Mat. 6:33; Luc. 6:38).
MASTAYAW TAPAXTIKATSINI
15. ¿Tuku lu paxtikatsiniyaw Jehová?
15 Ni xkinkaʼakchanin kilhtamaku komo xputlakgaw putum tuku kilipaxtikatsinitkan Jehová. ¿Nixlikana pi chali chali kilimaxkitkan tapaxtikatsini xlakata latamat? Xla kinkamaxkiyan putum tuku lakaskinaw: liwat, lhakgat, chiki chu asta un nema lijaxananaw. Na, kinkamaxkiyan xatakgatsin takatsin nema tlawa pi nakanajlaniyaw Dios chu kinkamaxkiyan takgalhkgalhin. Xlikana, akxni lakpuwanaw la xlilanka Jehová chu xlakata lhuwa tuku tlawanit kimpalakatakan, wantuku lu tlan kilitlawatkan wa pi nakakninaniyaw chu lu nalimalankiyaw kintamakamastankan (kalikgalhtawakga Apocalipsisis 4:11).
16. ¿Tuku kililakpuwanatkan natlawayaw xlakata xtamakamastan Cristo?
16 Chuna la akxilhwi kʼartículo nema titaxtulh, tamakamastan nema kinkalilakgmaxtun Cristo, wa Dios kinkamaskiwin xlikana pi lu lhuwa xtapalh. ¡Lu xalilakgatit tuku Jehová kinkalimasiyaniyan pi kinkapaxkiyan! (1 Juan 4:10.) ¿Tuku kilitlawatkan xlakata lu kinkapaxkiyan? Pablo wan: «Xampi wa xtapaxkit nCristo, fuerzaj kinkamatlawiyan; wa yuma ntu lu wa kakgatakgsnitaw: mpi lapi chatum nilh xpuxokgo lilhuwa [...]. Liputum mpalakanikgolh lakimpi wanti lamakgo, nialh wa akstu latamanikgokaj, wampi wa nkalatamanikgolh yama nti mpalakanikgolh, chu mpalakastakwanankgolh» (2 Cor. 5:14, 15). Wa umakgolh tachuwin kinkalimasiyaniyan apóstol pi komo paxtikatsiniyaw Jehová pi lu tlan likatsi, xlilat nalimaklakaskinaw kilatamatkan xlakata nalimalankiyaw chu nachuna xKgawasa. ¿La limasiyaniyaw Jehová chu Cristo pi lu paxtikatsiniyaw? Nakgalhakgaxmataw, nalichuwinanaw Dios chu nakamakgalhtawakgayaw amakgapitsin (1 Tim. 2:3, 4; 1 Juan 5:3).
17, 18. ¿Tuku tlawakgo lhuwa natalan xlakata malankikgo Jehová? Kalichuwinanti pulaktu.
17 ¿Tlan tlakg xatlan tamakamastan namaxkiyaw Dios xlakata nalimalankiyaw? Lhuwa natalan lakpuwankgo tuku tlawa Jehová xpalakatakan chu lakkaxwilikgo xkilhtamakujkan xlakata tlakg naskujnanikgo chu natlawakgo atanu taskujut xlakata xTamapakgsin Dios. Makgapitsi precursores auxiliares wankgo max kaj akgtum o akglhuwa papaʼ akgatunu kata. Makgapitsi tlan precursores regulares wankgo. Amakgapitsi skujkgo niku tlawakan chiki nema limaklakaskinkan xlakata xtaskujut Dios. ¡Lu limasiyakgo pi paxtikatsinikgo Dios! Dios xatapaxuwan makgamakglhtinan umakgolh taskujut akxni mastakgo xlakata limasiyakgo pi paxtikatsininankgo.
18 Lhuwa natalan makgkatsikgo pi lhuwa tuku laklinikgo Jehová wa xlakata fuerza tlawakgo xlakata skujnanikgo. Kalichuwinaw kintalakan tiku wanikan Morena. Maski xputsanit xtakgalhtin xtakgalhskinin anta kSiculan xla católicos, niku xmakgastakkanit chu xmasiyanikanit kxtakatsinkan orientales, ni tlan xlimakgkatsi tuku xmasiyanikan xlakata Dios. Kaj akxni katalikgalhtawakgakgolh Biblia xtatayananin Jehová tlan makgkatsilh. Lu tlan xlimakgkatsi takgalhtin xalak Biblia nema xmaxkikan, wa xlakata lu lhuwa tsukulh skujnani Jehová. Akxni tamunulh tunkun precursora auxiliar wa chu makglhuwa chuna tlawalh chu akxni tlan tsukulh makgantaxti, precursora regular litaxtulh. La uku lina 30 kata chuna skujnanima Jehová.
19. ¿La tlan tlakg lhuwa namakamaxkiyaw Jehová kintamakamastankan?
19 Chuna la katsiyaw, lhuwa natalan nila precursores wankgo xlakata max tuwa titaxtumakgolh. Nila chuna tlawayaw la amakgapitsin pero putum tlan namaxkiyaw Jehová kintamakamastankan nema makgapaxuwa. Tlan nalimalankiyaw Jehová kintayatkan, akxni liwana makgantaxtiyaw xtastakyaw chu lakapastakaw pi putum kilhtamaku xtatayananin Jehová akinin. Nachuna kintakanajlakan, xlakata xlikana kanajlayaw tuku Jehová natlawa. Chu wantuku tlawayaw natlan nalimalankinyaw, tuku tlakg tlan natlawayaw wa nalichuwinanaw Dios. Wantuku wi kkinakujkan o anima taxtu kkinkilhnikan. Chu xlakata lu paxtikatsiniyaw Jehová xlakata lhuwa tuku kinkamaxkiyan chuntiya namakamaxkiyaw tamakamastan xliputum kilatamatkan.
[Takgalhskinin]
[Tuku wan página 27]
¿Xlakata Jehová lu tlan likatsi tlan tlakg namaxkiyaw?
[Dibujo xla página 25]
¿Putum kilhtamaku tlan nalichuwinanaw kintakanajlakan?
