¿Limasiyaya wix xlilanka Jehová?
¿Limasiyaya wix xlilanka Jehová?
«Limasiyayaw xtachuna la espejos xlilanka Jehová.» (2 COR. 3:18, NM)
¿TUKU XKGALHTINANTI?
¿Tuku xlakata tlan malankiyaw Jehová maski lakgalhinanin akinin?
¿La kinkamakgtayayan oración chu tamakxtumit xlakata nalimasiyayaw xlilanka Dios?
¿Tuku nakinkamakgtayayan xlakata putum kilhtamaku namalankiyaw Jehová?
1, 2. ¿Tuku xlakata tlan limasiyayaw xlilanka Jehová?
PUTUM akinin tasiyayaw la kinatlatnikan. Makglhuwa kgaxmataw akxni wi tiku wani chatum aktsu kgawasa: «¡Wix xtachuna la mintlat!». O max wi tiku nawani chatum aktsu tsumat: «Kimalakapastakniya mintse». Nachuna kamanan tlawakgo tuku akxilhkgo pi xnatlatni tlawakgo. Chu akinin, ¿tlan natlawayaw tuku tlawa kinTlatkan xalak akgapun? Maski nila akxilhaw Dios, tlan katsiyaw la likatsi xlakata tuku tlawanit, nachuna akxni kgalhtawakgayaw xTachuwin chu akxni lilakapastakaw tuku kgalhtawakgayaw, liwaka akxni likgalhtawakgayaw tuku masiyalh chu xliʼakxilhtit xKgawasa Dios, Jesucristo (Juan 1:18; Rom. 1:20). Wa xlakata tlan nalimasiyayaw xlilanka Jehová.
2 Akxni nina xtlawa Adán chu Eva, Dios xkatsi pi latamanin tlan xmakgantaxtikgolh xtalakaskin chu xlikatsikgolh la likatsi xlakata xlimalankikgolh (kalikgalhtawakga Génesis 1:26, 27). Akxni kstalaninanin Cristo kgalhiyaw xtayat kiMalakatsukinakan, lanka talakgalhaman nalimasiyayaw xlilanka Dios. Chu uma tlan natlawayaw maski tanu tanu kincolorkan, tanu tanu kachikin niku lamaw chu maski lhuwa o ni lhuwa kgalhtawakganitaw. ¿Tuku xlakata? Xlakata «Dios, ni [laksakpaxkinan] kxlakgstipan chixkuwin; wampi kaxani kawa xala, wanti mpikuaniy Dios, chu na wa ntu xlilat ntu ntlaway, tlan tlaway» (Hech. 10:34, 35).
3. ¿Tuku tlan namakgkatsiyaw xlakata la skujniyaw Jehová?
3 Kstalaninanin Cristo limasiyakgo xlilanka Jehová. Apóstol Pablo tsokgli: «Chu putum akinin, kilakankan limasiyayaw xtachuna la espejos xlilanka Jehová, kinkalakgpalimakan xlakata tlan nalimasiyayaw xlilanka» (2 Cor. 3:18, NM). Akxni palakachuwina Moisés taktalh ksipi Sinaí chu xlimin Akgkaw Limapakgsin, xlakan xmaxkgakgenan xlakata Jehová xtachuwinanit (Éxo. 34:29, 30). Xlikana pi kstalaninanin Cristo ni tachuwinankgonit Jehová, chu xlakankan ni limasiyakgo uma taxkgakget. Pero xlakan limasiyakgo tapaxuwan akxni talichuwinankgo amakgapitsi xlakata Jehová, xtayat chu tuku lu tlan lakapastaknit natlawa xpalakata latamanin. Xtachuna la espejos xala makgasa nema xlitlawakgonit likan, tiku xatalaksakni chu amakgapitsi kstalaninanin Cristo limasiyayaw xlilanka Dios kkilatamatkan chu akxni anaw lichuwinanaw (2 Cor. 4:1). Wa xlakata kinchatunukan tlan tlawayaw uma takgalhskinin: «¿Klimasiyama xlilanka Jehová xlakata la klin kintayat chu la xlilhuwa klichuwinan Dios?».
LIMASIYAPUTUNAW XLILANKA JEHOVÁ
4, 5. 1) ¿Tuku taʼakglhuwit kgalhiyaw kimputumkan xtachuna la Pablo? 2) ¿Tuku kinkamatlawiyan talakgalhin?
4 Xlikana, kxlakskujni Jehová klakaskinaw pi putum tuku natlawayaw namaxki kakni chu namalanki kiMalakatsukinakan. Pero ni putum kilhtamaku tlawayaw tuku lakpuwanaw. Pablo na kgalhilh uma taʼakglhuwit (kalikgalhtawakga Romanos 7:21-25). Xla wa tuku xlakata putum latamanin kgalhiyaw uma taʼakglhuwit: «Xpalakata mpi paks lakgalhinankgolh, na lu [...] makgat lamanikgo [...] Dios» (Rom. 3:23). Xlikana, putum kinkamapakgsiyan talakgalhin nema kinkamatitaxtinin Adán (Rom. 5:12; 6:12).
5 Pero ¿tuku wamputun talakgalhin? Putum tuku lakataya xtayat, xlimapakgsin chu tuku lakaskin Jehová. Talakgalhin tlawa pi ni tlan natalalinaw Dios. Wa tuku tlawa pi nila nalimasiyayaw xlilanka Dios xtachuna la chatum chixku tiku maklakaskin flecha nila makan xflecha niku lakaskin. Maski max ni chuna lakaskin (Núm. 15:27-31). Xlakata putum latamanin kgalhikgo talakgalhin uma tlawa pi natamakgatlinikgo xMalakatsukinakan (Sal. 51:5; Isa. 59:2; Col. 1:21). Tlakg lhuwa latamanin tiku tamakgatlinikgonit Jehová chu nila limasiyakgo xlilanka Dios. Liwana tasiya pi talakgalhin wa tuku tlakg nitlan katlawani latamanin.
6. Tuku xlakata tlan malankiyaw Dios maski lakgalhinanin akinin?
6 Maski lakgalhinanin akinin, Jehová wa «Dios nti mastay ntakgalhkgalhitin» (Rom. 15:13). Mastanit tuku maklakaskinaw xlakata nakinkalakgmaxtuyan ktalakgalhin: makamastalh Jesucristo. Akxni kanajlayaw uma tamakamastan nialh “tastanitaw ntalakgalhin” chu tlan limasiyayaw xlilanka Jehová (Rom. 5:19; 6:6; Juan 3:16). Komo tlan talalinaw Dios, xla tlan nakinkaʼakxilhan la uku, nialh nakgalhiyaw talakgalhin nema kgalhiyaw chu nialh makgas nalatamayaw putum kilhtamaku. Kalakpuwaw: maski lakgalhinanin akinin, Dios lakpuwan pi tlan limasiyayaw xlilanka. ¿Ni xlikana pi uma lu tlan?
LA NALIMASIYAYAW XLILANKA DIOS
7. ¿Tuku kilikatsitkan komo masiyaputunaw xlilanka Dios?
7 Xlakata tlan nalimasiyayaw xlilanka Dios, talakaskin liwana nakatsiyaw pi akinin makglakgalhinanin (2 Cró. 6:36). Chu akxni katsiyawa uma, naliskujaw xlakata ni natlawayaw. Chuna tlan namalankiyaw Dios. Kalakpuwaw pi lismaninitaw akxilhaw tiku nitu lhakganankgonit. ¿Tuku kilitlawatkan? Kilikatsitkan pi maklakaskinaw tamakgtay xlakata kintakanajlakan chu naputsayaw tamakgtay (Sant. 5:14, 15). Wa uma tuku kilitlawatkan xlakata tlan nalimalankiyaw Dios kilatamatkan. Wa xlakata talakaskin pi xlakskujnin Jehová naʼakxilhaw komo limaw kilatamatkan chuna la Dios lakaskin (Pro. 28:18; 1 Cor. 10:12). Komo limasiyaputunaw xlilanka Dios, talakaskin naliskujaw xlakata ni natlawayaw tuku nitlan.
8. Maski kgalhiyaw talakgalhin, ¿tuku kilitlawatkan?
1 Ped. 2:21). Jehová akxilha tuku tlawayaw chu sikulunatlawa xlakata tlan namalankiyaw.
8 Kajwatiya Jesús putum kilhtamaku liwana makgapaxuwalh chu limasiyalh xlilanka Dios. Xlikana pi akinin kgalhiyaw talakgalhin pero tlan liskujaw xlakata natlawayaw la Jesús (9. ¿La xlilakaskinka Biblia kxlatamatkan kstalaninanin Cristo tiku makgapaxuwaputunkgo Dios?
9 Biblia kinkamasiyaniyan tiji chu kinkamakgtayayan xlakata natlawayaw tuku tlan. Wa xlakata lu xlakaskinka nakgalhtawakgayaw Biblia, nalakpuwanaw tuku kgalhtawakgayaw chu nalakputsananiyaw (Sal. 1:1-3). Komo likgalhtawakgayaw chali chali, nalakgpaliyaw kintayatkan (kalikgalhtawakga Santiago 1:22-25). Akxni tlakg lakgapasaw Biblia, tlakg tatliwakglha kintakanajlakan chu tuku lakapastaknitaw natlawayaw xlakata namakgapaxuwayaw Jehová (Sal. 119:11, 47, 48).
10. ¿La kinkamakgtayayan oración tlakg tlan naskujniyaw Jehová?
10 Xlakata tlan nalimasiyayaw xlilanka Dios, na talakaskin natlawayaw uma tastakyaw xalak Biblia: «Ni anan xtajaxni nkatlawatit mioracionkan» (Rom. 12:12). Xlikana tlan skiniyaw Jehová kakinkamakgtayan xlakata natlawayaw tuku lakaskin. Lu tlan komo naskiniyaw kinkamaxkin espíritu santo, akgtum tliwakga takanajla, litliwakga xlakata natayaniyaw tuku nitlan chu kakinkamasiyanin «aktanks malakatanksaya[w] ntachuwin xla talulokgtat [o tuku xaxlikana]» (2 Tim. 2:15; Mat. 6:13; Luc. 11:13; 17:5). Talakaskin nalipawanaw Jehová xtachuna la chatum aktsu kgawasa lipawan xtlat. Akxni naskiniyaw kakinkamakgtayan xlakata tlakg tlan naskujnaniyaw, kakanajlaw pi xla nakinkamakgtayayan. Chu ni kalakpuwaw pi namakgasitsikgo kioracioneskan. ¡Xla nikxni chuna katitlawalh! Tlan tlawaniyaw oración xlakata namalankiyaw, wi tuku napaxtikatsiniyaw chu xlakata naskiniyaw xtamakgtay xlakata tlan nalakkaxtlawayaw kintaʼakglhuwitkan. Nachuna tlan skiniyaw tamakgtay xlakata namalankiyaw xtukuwani akxni lichuwinanaw (Sal. 86:12; Sant. 1:5-7).
11. ¿La kinkamakgtayayan tamakxtumit xlakata tlan nalimasiyayaw xlilanka Jehová?
11 Dios lakgayawanit «skujni xalipaw chu xaskgalala» xlakata nakuentatlawakgo xlakskujnin (Mat. 24:45-47, NM; Sal. 100:3). Uma «skujni» lakaskin pi akinin namasiyayaw xlilanka Jehová. Xtachuna la tiku tlawa lhakgat tlan kaxtlawa kilhakgatkan, kintamakxtumitkan makgtayanankgo xlakata «nalakgpaliyaw» akgtum nitlan tayat nema nakgalhiyaw (Heb. 10:24, 25). Wa xlakata lu xlakaskinka sokg nachanaw. Komo xlismaniw ni sokg nachanaw, ni xmakgamakglhtinaw putum tamakgtay nema maklakaskinaw xlakata tlakg tlan naskujniyaw Jehová.
KATLAWAW LA DIOS
12. ¿La natlawayaw chuna la Dios?
12 Xlakata nalimasiyayaw xlilanka Jehová talakaskin nalikatsiyaw la xla (Efe. 5:1). Pulaktum la tlan chuna natlawayaw wa nalakpuwanaw la Dios. Komo ni kuenta xtlawaw tuku xla lakaskin, ni xmalankiw chu nitlan tuku xkinkakitaxtunin. Kakilhtamaku niku lamaw Akgskgawini mapakgsi, wa xlakata kilixkajnitkan putum tuku Jehová xkajni chu napaxkiyaw tuku xla paxki (Sal. 97:10; 1 Juan 5:19). Kilikatsitkan pi kajwatiya tlan naskujniyaw Dios komo tlawayaw tuku malanki (kalikgalhtawakga 1 Corintios 10:31).
13. ¿Tuku xlakata naxkajniyaw talakgalhin, chu tuku kilitlawatkan?
13 Jehová xkajni talakgalhin, chu akinin nachuna kilitlawatkan. Wa xlakata nipara tsinu natalakatsuwiniyaw talakgalhin. Akgtum liʼakxilhtit, akgtum Deu. 13:6-9). Wa xlakata ni para tsinu natalakatsuwiniyaw tiku makgxtakgkgonit xaxlikana takanajla, chu tiku wankgo pi kstalaninanin Cristo pero kxlatamatkan ni malankikgo, maski wa tiku xalak kifamiliajkan (1 Cor. 5:11). Nitu nakitaxtu komo masiyaputunaw pi ni xlikana tuku wankgo tiku makgxtakgkgonit xaxlikana takanajla chu tiku lixkajni lichuwinankgo xkachikin Jehová. Chu ni para tsinu kiliʼakxilhatkan tuku wankgo, kxlikgalhtawakgakan, kʼInternet o atanu tuku maklakaskinkgo, xlakata uma natlawa pi naxlajwanan kintakanajlakan (kalikgalhtawakga Isaías 5:20 chu Mateo 7:6).
talakgalhin nema nipara tsinu natalakatsuwiniyaw wa tiku makgxtakgkgonit xaxlikana takanajla, xlakata nialhla xmalankiw Dios (14. ¿Tukuya tayat nema kgalhi Jehová kilimasiyatkan, chu tuku xlakata?
14 Pulaktum la tlan natlawayaw la kinTlatikan xalak akgapun wa akxni limasiyayaw tapaxkit (1 Juan 4:16-19). Tapaxkit nema limasiyayaw, tlawa pi nakinkalakgapaskanan la kstalaninanin Jesús chu xlakskujnin Jehová akinin (Juan 13:34, 35). Chu maski naʼanan tuku nitlan tlawaputunaw talakaskin naliskujaw xlakata ni natlawayaw chu talakaskin nalimasiyayaw pi tapaxkit tlakg tliwakga. Komo kgalhiyaw uma chu amakgapitsi tayat xla kstalaninanin Cristo, nikxni natlawayaw tuku nitlan chu ni tlawayaw laklanka talakgalhin (2 Ped. 1:5-7).
15. ¿La nakalikatsiniyaw amakgapitsin komo kgalhiyaw tapaxkit?
15 Tapaxkit tlawa pi tlan nakalikatsiniyaw Rom. 13:8-10). Komo paxkiyaw tiku tatamakgaxtokgnitaw nikxni katiʼakgskgawiw. Komo kapaxkiyaw lakgkgolotsin xalak congregación chu xlakaskinka akxilhaw xtaskujutkan, nakgalhakgaxmataw tuku nakinkawanikgoyan. Komo lakgkgawasan paxkikgo xnatlatnikan, namaxkikgo kakni chu nakgalhakgaxmatkgo chu ni lixkajni nakalichuwinankgo. Komo paxkiyaw amakgapitsin nakamaxkiyaw kakni chu nikxni tlakg lanka nakinkamakgkatsikanan (Sant. 3:9). Komo lakgkgolotsin napaxkikgo xborregos Dios tlan nakalikatsinikgo (Hech. 20:28, 29).
amakgapitsin (16. ¿Tuku xlakata xlilakaskinka tapaxkit akxni lichuwinanaw Dios?
16 Na kilimasiyatkan tapaxkit akxni anaw lichuwinanaw Dios. Xlakata lu paxkiyaw Jehová, lichuwinanaw xalakwan xalaksasti chu ni namastayaw talakaskin pi tiku ni kgaxmatputunkgo o tuku nitlan nakinkawanikgoyan natlawa pi nialh nalichuwinanaw Dios. Na liwana lakkaxwiliyaw chu liskujaw xlakata tlakg tlan nalichuwinanaw xTamapakgsin Dios. Komo xlikana paxkiyaw Dios chu amakgapitsin nikxni naʼakxilhaw uma taskujut la tsinka takuka o pi tlawayaw kaj xlakata wi tiku chuna kinkawaniman, wata nalipaxuwayaw akxni natlawayaw (Mat. 10:7).
PUTUM KILHTAMAKU KAMALANKIW JEHOVÁ
17. ¿La kinkamakgtayayan nakatsiyaw pi talakgalhin tlawa pi ni la namalankiyaw Dios?
17 Akinin katsiyaw tuku lu nitlan kinkatlawaniyan talakgalhin ni xtachuna la lhuwa latamanin tiku ni katsikgo. Wa xlakata katsiyaw pi tlan nalimasiyayaw xlilanka Jehová chu talakaskin naliskujaw xlakata ni natlawayaw tuku nitlan. Akxni katsiyaw pi lakgalhinanin tlawa pi namasiyaniyaw kintalakapastaknikan tuku natlawa akxni makgkatsiyaw pi tlawaputunaw (Rom. 7:22, 23). Chu maski xlikana pi akinin ni kgalhiyaw lhuwa litliwakga, Dios nakinkamaxkiyan litliwakga nema maklakaskinaw xlakata nikxni namakgxtakgaw maski katuwa tuku natitaxtuyaw (2 Cor. 12:10).
18, 19. 1) ¿La tlan nakatlajayaw ni xatlan espíritus? 2) ¿Tuku liwana nalakkaxwiliyaw?
18 Atanu tuku kilitlawatkan xlakata tlan namalankiyaw Jehová wa nakatalatlawayaw ni xatlan espíritus, xlakata uma talakaskin «litamakgtay nema kinkamaxkiyan Dios» (Efe. 6:11-13, NM). Satanás lakaskin xla namaxkikan lilanka nema kaj Jehová lakgchan. Na lhuwa tuku maklakaskin xlakata natlawa pi nitlan natalalinaw Jehová. Wa xlakata, xtachuna la tlajamaka Akgskgawini akxni akinin chu lhuwa millón lakchixkuwin, lakpuskatin chu kamanan, nikxni makgxtakgkgo chu malankikgo Dios maski kgalhikgo talakgalhin. Wa xlakata, putum kilhtamaku kamalankiw Jehová chuna la tlawakgo ángeles kʼakgapun tiku wankgo: «NkiDioskan, lhuwa mininiyan namakglhtinana nkakni, nchu xtamapakxan chu litliwakga; xampi wix ntimalakatsuku xlipaks nkatuwa ntu anan, na wix mintalakaskin lilamakgo chu litatlawakgolh» (Apo. 4:11).
19 Liwana kalakkaxwiliw pi namalankiyaw Jehová putum kilhtamaku maski katuwa tuku namin. Dios lu paxuwa akxni akxilha la lhuwa latamanin skujmakgo xlakata natlawakgo la xla tlawa chu namalankikgo (Pro. 27:11). Xtachuna la David, wanaw: «Kintiku Dios, [Jehová] xliwakg kinaku naklitli mililan, y kanikxniwa naklikgalhchiwinan mililanka» (Sal. 86:12). Nialh makgas, putum skujni Dios tiku nikxni makgxtakgkgolh nalimasiyakgo xlilanka Jehová chu putum kilhtamaku namalankikgo. ¡Lu tlan nawan! ¿Ni xlakgati putum kilhtamaku xmalanki Jehová? Komo chuna, ¿limasiyapata uku kmilatamat?
[Takgalhskinin]
[Dibujo xla página 31]
¿Limasiyapata xlilanka Jehová chuna la akxilhnitaw?