Kuenta katlawaw kinakujkan
Kuenta katlawaw kinakujkan
Tamakxtumit xaʼakgtutu kilhtamaku xla xtatayananin Jehová
TEXTO NIKU TAKILHTI TAMAKXTUMIT XLA VIERNES
«Pero Jehová, akxilha tuku wi knaku» (1 SAMUEL 16:7)
TEXTO NIKU TAKILHTI TAMAKXTUMIT XLA SÁBADO
«Chatum chixku wa lichuwinan kxkilhni wantu kgalhiy kxnaku» (MATEO 12:34)
TEXTO NIKU TAKILHTI TAMAKXTUMIT XLA DOMINGO
«Kaskujnani [Jehová] xliputum minaku» (1 CRÓNICAS 28:9)
Anta kʼBiblia atsinu ni takgatsi akgtum mil talichuwinan naku. Akxni talichuwinan naku ni wa kilhchanima tuku wi kkinkuxmunkan kaj limasiyakan. Chu ¿tuku uma naku nema lichuwinamaw? Lakgachunin wamputun tuku lakpuwanaw, makgkatsiyaw, chu tuku lakaskinaw.
¿Tuku xlakata nakuentajtlawayaw kinakujkan? Dios tlawalh pi mapakgsina Salomón xtsokgli: «Tuku tlakg milimakit, wa nakuentajtlawaya minaku, xlakata anta lakatsukuy latamat» (Proverbios 4:23). Xlakata tlakg tlan nalatamayaw la uku chu nakgalhiyaw takgalhkgalhin kilikuentajtlawatkan kinakujkan nema lichuwinaw. Kilikatsitkan pi Dios akxilha tuku wi kkinakujkan (1 Samuel 16:7). Wa xlakata, chuna la wi kintapuwankan o «tuku makinitaw kkinakujkan nema ni tasiyay», wa akxilha Dios (1 Pedro 3:4).
Wa xlakata, ¿la nakuentajtlawayaw kinakujkan? Wa uma tuku liwana natalichuwinan akxni nakkgalhiyaw kintamakxtumitkan xaʼakgtutu kilhtamaku xlikalanka katiyatni. Xatapaxuwan kkawaniyan pi kakilatatamakxtumiw akgtutu kilhtamaku nema nakkgalhiyaw. * Nakatsiniya la nalipina milatamat nema namakgapaxuwa Jehová (Proverbios 27:11).
[Nota nema wi kpágina]
^ párr. 11 Xlakata nakatsiya niku natawila tamakxtumit lakatsu kminkachikin kaʼakxilhti ksitio xla Internet www.pr418.com. Na tlan nakatachuwinana xtatayananin Jehová xalak minkachikin o tiku tlawakgo uma revista.
[Tiku tapakgsini fotografía xla página 32]
Foto nema wi kpakgstakat: Aus dem Fundus der MÜNCHNER OLYMPIAPARK GMBH (Múnich)
