«Latamat wantu xaliʼankgalhin»

«Wa cha yuma liwi latamat wa ntu xaliʼankgalhin, mpi nalakgapaskgoyan wix [...] Dios, talulokgtat, chu Jesucristo, wa nti wix malakgachanita.» (JUAN 17:3)

AKXNI wi tuku lakgapasaw min kilhtamaku kinkalakgmaxtuyan klinin. Akxni Nouhou kajku akgkaw papaʼ xkgalhi tatatlalh chu xtse tiku kskuja kpumakuchin xla Níger—xkatsiya tuku natlawa. Lakgkaxtlawanilh chuchut makanilh azucar chu matsat. Chuna la wa UNICEF «lakapara tsukulh lipaksa xlakata tunkun maxkilh xlikuchun».

Akxni katsikan tuku wi kBiblia na lakgmaxtunan. Chuna la wan Moisés tiku pulana tsokgli Biblia, «uma tachuwin lu xlakaskinka, xlakata kamaxkiyan latamat, chu tlawa pi tlakg makgas nalatapayatit» (Deuteronomio 32:47). ¿Xlikana tlan namamakgasli mi latamat komo nakatsiya tuku wan Biblia? ¿Tuku xlakata wankan pi “masta latamat”

Akgkitsis artículos nema akxilhwi limasiyakgolh pi Biblia nitu xtachuna: xlakata kgantaxtu tuku wan, ni akgtsankga chu nachuna lichuwinan tuku wankgo makuchinanin, ni lakgpali tuku wan chu makgtayanan. Xlakata Biblia nitu atanu libro xtachuna chu wan pi tlan nakgalhiyaw latamat nema ni kgalhi xlisputni, ¿xlilat nalikgalhtawakgayaw?

Komo la uku tlan makgkatsiputuna chu lu paxuwaputuna kilhtamaku nema aku mima, kakatsini tuku wan Biblia. Xtatayananin Jehová xatapaxuwan namakgtayakgoyan la nakatsiya tuku wan Biblia.

[Recuadro/Dibujo xla página 9]

Kajwatiya Biblia kakgalhti umakgo lu xlakaskinka takgalhskinin:

• ¿Tuku xlakata lamaw?

• ¿Tuku xlakata lhuwa anan tapatin?

• ¿Tlan nakaʼakxilhparayaw tiku xkapaxkiyaw nema nikgonita?

Xtakgalhtin umakgolh takgalhskinin wi kʼuma libro, ¿Tuku xlikana masiyay Biblia?, nema tlawakgonit xtatayananin Jehová.