¿Tlakg tliwakga Dios nixawa linin? ¡Chuna! ¿La tlan linin o atanu «talatlawana» tlakg tliwakga nawan nixawa Dios tiku kgalhi putum litliwakga? (1 Corintios 15:26; Éxodo 6:3.) Dios nalitlaja linin talakastakwanat chu wa tuku natlawa kxasasti kakilhtamaku. * ¿Tlan nakanajlayaw tuku wan? Tuku wan Jesús, xKgawasa Dios, kinkamaxkiyan takgalhkgalhin. (Kalikgalhtawakga Mateo 22:31, 32.)

Akxni xkatachuwinama saduceos tiku ni xkanajlanikgo talakastakwanat Jesús kawanilh: «Chu wa xpalakata xtalakastakwankan ninin, ¿tu alikgalhtawakgayatit wa ntu nkinkawaniyan Dios lantla wan: “Kit xDios Abraham, chu xDios Isaac, chu xDios Jacob”? Wa Dios, ni wa xDioskan ninin, wampi wa xDioskan wa nti staknankgoy». Kʼuma texto, Jesús xlichuwinama akxni Dios tachuwinalh Moisés kkata 1514 akxni nina xmin Jesús akxni xlakgpasama aktsu kiwi (Éxodo 3:1-6). Chuna la wa Jesús, «Kit xDios Abraham, chu xDios Isaac, chu xDios Jacob», limasiya pi xlikana naʼanan talakastakwanat. ¿La likatsiyaw?

Akxni Jehová tachuwinalh Moisés, pulalina Abrahán liwaka 329 kata xtitaxtunit la xninita, Isaac 224 kata chu Jacob 197 kata. Pero Jehová wa «Kit» xDioskan chu ni wa, xDioskan «xakwanit», xtakgaxmata la komo xlamakgolhku umakgolh pulalinanin. ¿Tuku xlakata?

Jesús wa pi Jehová «ni wa xDioskan ninin, wampi wa xDioskan wa nti staknankgoy». Kalakpuwanti tsinu tuku wamputun umakgolh tachuwin. Komo ni xʼanalh talakastakwanat, Abrahán, Isaac chu Jacob nikxniku xlakastakwanankgolh chu Jehová xDioskan ninin xwa. Uma xwamputulh pi nila xkalakgmaxtulh kskujnin klinin, xlitasiyalh pi linin tlakg tliwakga nixawa Jehová.

Wa xlakata, ¿tuku tlan nawanaw xlakata Abrahán, Isaac chu Jacob chu putum tiku ni makgxtakgkgolh Dios nema nikgonitta? Jesús wa: «Xpalakata Dios, paks lamakgolhku» (Lucas 20:38). Jehová liwana katsi pi nakamalakastakwani kskujnin xlakata xpalakata la tiku lamakgolhku (Romanos 4:16, 17). Jehová kamakinit kxtalakapastakni asta akxni nakamalakastakwanipara.

¿Lakgatiya xlakata naʼakxilhparaya chatum xla mifamilia tiku nikgonitta? Kalakapastakti pi Jehová tlakg tliwakga nixawa linin. Ni anan tuku natlawa pi ni nakamalakastakwani tiku nikgonitta. ¿Tlakg katsiputuna xlakata uma tamalaknun chu xlakata tiku wanit natlawa? Naʼakxilha pi tlakg lakatsu wilani nawan Jehová «xDioskan [...] wa nti staknankgoy».