Kalakpuwanti pi kgalhiya akgtum tajatat chu talakaskin pi na chukukana. Max xlikana pi naputsaya chatum makuchina tiku chukunan chu lu katsini, xlakata wix lipawana, pi namapaksayan. Nachuna talakaskin pi nakgalhskininana komo xla tlan makuchina.

Nachuna kilitlawatkan xlakata takanajla: liwana naʼakxilhaw tuku masiya. Komo wix makgtapakgsiya kʼakgtum takanajla, tlan nawanaw pi wa matliwakglha mintakanajla chu xlakata milakgtaxtut.

Jesús mastalh akgtum liʼakxilhtit tuku xlikatsiw nema xaxlikana takanajla: «Lantla ntipatu kiwi, wa litalakgapasa ntu mastay xatawakat» (Lucas 6:44). Akgtum liʼakxilhtit, kalakpuwanti akgtum takanajla chu kakgalhskinka tuku «tawakat» makgala. ¿Tiku pulalinkgo uma takanajla lu xlakaskinka akxilhkgo tumin? ¿Tiku ankgo kʼuma takanajla kgalhakgaxmatkgo tuku wan Biblia pi ni namakgtanukgo kʼguerra chu ni natlawakgo talakgxtumit xalimaxana? Akxni kgalhtinitata uma takgalhskinin, ¿lakpuwana pi wi takanajla nema tlan lipawankan? Kaʼakxilhwi.