Xapulana chixku, Adán, akglhuwa ciento kata latamalh: pero, kgololh chu nilh. Wa xlakata latamanin putsakgo la natlawakgo xlakata ni nakgolonkgo, pero niti kgalhinit latamat nema ni kgalhi xlisputni. ¿Tuku xlakata? Xlakata talakgalhin. Adán nilh xlakata ni kgalhakgaxmatli Dios, Adán kinkamatitaxtinin talakgalhin chu wa xlakata niyaw. (Kalikgalhtawakga Génesis 5:5 chu Romanos 5:12.)

Xlakata nakgalhiyaw latamat nema ni kgalhi xlisputni talakaskin wi tiku naxokgo kintalakgalhinkan (Job 33:24, 25). Talakgmaxtut kilhchani xakgoxtukan chatum lataman, nachuna akinin xtalakaskin pi wi tiku xkinkaxokgoxtun klinin (Éxodo 21:29, 30). Jesús mastalh xlatamat kimpalakatakan. (Kalikgalhtawakga Juan 3:16.)

Ni putum latamanin katilakgtaxtukgolh xlakata linin o tajatat. Tiku ni kgalhakgaxmatnikgo Dios, chuna la Adán nakamasputukan. Kaj watiya nakamaxkikan latamat tiku nakatapati Dios. (Kalikgalhtawakga Isaías 33:24 chu 35:3-6.)

Xlakata nakinkatapatikanan kintalakgalhinkan wi tuku kilitlawatkan. Talakaskin nalakgapasaw Dios chu nalikgalhtawakgayaw xTachuwin. Biblia kinkamakgtayayan nakgalhiyaw xatapaxuwan latamat, la tlan nakinkaʼakxilhan Dios, chu la nakgalhiyaw latamat nema ni kgalhi xlisputni. (Kalikgalhtawakga Juan 17:3 chu Hechos 3:19.)