¿Tlan lipawankan takanajla? Guerra
Alberto, tiku atsinu akgkaw kata skujli kEjército wa: «Cura kinkasikulunatlawan chu wa: “Dios katawilan”. Pero akit xaklakpuwan: “¿Tuku xlakata kan makgninan komo Biblia wan: «Ni namakgnina»?”».
Ray skujli kMarina akxni lalh xliAkgtiy Guerra nema Tatlawalh xLikalanka Katiyatni. Milh kilhtamaku kgalhskilh cura: «Wix kilalakgminaw kbarco chu tlawaya oración xlakata kaktlajanaw guerra chu kimpalakatakan. Pero, tiku kamaw katalachipayaw soldados nachuna tlawakgo xʼoracioneskan». Cura kgalhtilh pi xtiji Dios ni la akgatekgskan.
¿Kanajlaniya uma takgalhtin? Komo ni kanajlaya, ni kaj miʼakstu.
¿TUKU MASIYA BIBLIA?
Jesús wa pi akgtum limapakgsin nema lu xlakaskinka wa uma: «Napaxkiya wanti lakatsunin tawilakgo, lantlata wix akstu paxkikana» (Marcos 12:31). ¿Wa Jesús pi kaj watiya nakapaxkiyaw latamanin xla akgtum país? Ni. Kstalaninanin kawanilh: «Wa yuma nakalilakapaskgoyan xlipaks amakgapitsin mpi wixin, nkilimakgalhtawakgat, lapi xlakgalhinitit ntapaxkit» (Juan 13:34, 35). Lu xkalilakgapaska xtapaxkitkan. Ni kaj watiya ni xmakgtanukgolh kʼguerra, wata xʼama mastakgo xlatamatkan xpalakatakan amakgapitsin.
Chu chuna tlawakgolh. Maktum enciclopedia wan pi: «Xapulana tiku malakatsukikgolh takanajla xla católicos, makgapitsi wa Tertuliano chu Orígenes wankgolh pi kstalaninanin Cristo ni xlimakgninatkan, uma tastakyaw kamakgtayalh ni namakgtanukgo lisoldado kRoma» (The Encyclopedia of Religion).
¿NA MAKGTANUKGO KʼGUERRA XTATAYANANIN JEHOVÁ?
Atsinu ni putum kKatiyatni wilakgolh xtatayananin Jehová. Akxni lay guerra kʼakgtum país, xtatayananin Jehová tiku anta wilakgolh, limasiyakgo tapaxkit nema lakgalhinikgo.
¿Masiyakgo takanajla xaxlikana tapaxkit nema masiyalh Jesús?
Akgtum liʼakxilhtit akxni tlawakgolh guerra hutus chu tutsis xalak Ruanda kata 1994, xtatayananin Jehová ni makgtlawakgolh guerra. Xtatayananin Jehová hutus chu tutsis lamatsekgkgolh maski kalipekua wilikgolh xlatamatkan. Akxni minkgolh soldados xla Interahamwe chipakgolh chatiy xtatayananin Jehová hutus tiku xkamatsekgkgonit xnatalan tutsis, soldados kawanikgolh: «Chuna kakitaxtuni tiku kamakgtaya tutsis». Chu alistalh kamakgnika xchatiykan (Juan 15:13).
¿La akxilha uma tuku lalh? ¿Tatalakxtumi tuku masiyalh Jesús xlakata xaxlikana tapaxkit nema kilalikgalhinitkan?
