Tiku nikgonita xtachuna la komo lhtatakgonit, uma wamputun pi nialhtu katsikgo chu nila wi tuku natlawakgo. Pero xMalakatsukina latamat tlan nakamalakastakwanipara. Limasiyalh akxni maxkilh xlitliwakga Jesús xlakata nakamalakastakwani lhuwa latamanin. (Kalikgalhtawakga Eclesiastés 9:5; chu Juan 11:11, 43, 44.)

Dios wanit pi akxni nachan kilhtamaku, tiku nikgonita chu kalakapastaka nakamalastakwaniparakgo kxasasti kakilhtamaku. Dios tiku kgalhi putum litliwakga maklakaskimputuna xlitliwakga xlakata nakamalakastakwani tiku nikgonita. (Kalikgalhtawakga Job 14:14, 15.)

Tiku nalakastakwanankgo nakatsikgo tiku xwankgonit chu nakalakgapaskgo xfamiliajkan chu xʼamigos. Chu maski makni nema xkgalhi xapulana lakxlanita nawan, Dios nakamaxki xasasti xmaknikan, pero chuna nawamparakgo la xwankgonit la xapulana. (Kalikgalhtawakga 1 Corintios 15:35, 38.)

Ni lhuwa tiku naʼankgo kʼakgapun (Apocalipsis [Revelación] 20:6). Pero, lhuwa tiku nalakastakwanankgo chu nalatamakgo kʼakgtum stlan paraíso. Nakgalhikgo xasasti latamat chu nikxni katinikgolh. (Kalikgalhtawakga Salmo 37:29 chu Hechos 24:15.)