Xlakata lakastakwanalh Jesús kamatliwakglhnilh xtakanajlakan kstalaninanin chu xtapaxuwankan. Akgtum liʼakxilhtit, apóstol Pablo putum kilalh kʼAsia Menor chu kMediterráneo lakkaxwililh congregaciones chu kamatliwakglhli kstalaninanin Cristo xlakata ni xlitaxtlajwanikgolh taputsastalani chu talakgxtumit xalimaxana. Uma tlan kitaxtulh xlakata chuntiya talhuwilh kstalaninanin Cristo.

Pablo na xtanuma kpulachin. Maski anta xtanuma, tsokgli cartas xlakata nakamatliwakglha chu nakastakyawa congregaciones, kawanilh pi xtalakatsuwima tuku nitlan: tiku xʼamakgolh makgxtakgkgo xaxlikana takanajla. Xʼespíritu santo Dios malakpuwanilh pi xʼama tawilakgo, «xawananin lapanit» chu takgsanin tuku xwankgolh xlakata «namalakgaspityawakgoy limakgalhtawakgat nastalanikgoy» (Hechos 20:29, 30).

Akxni ksputmaja xapulana siglo, xwilakgolha tiku xmakgxtakgkgonit xaxlikana takanajla. Max ama kilhtamaku, Jesús limaklakaskilh liʼakxilhtit xlakata nawani apóstol Juan tuku aku xʼama min. Chuna la tsokgli Juan, tiku ni xakxilhputunkgo Dios chu tiku ni xaxlikana makgalhtawakgenanin, nila xlakxtlawakgolh xtalakaskin Dios kKatiyatni. «Nkaniwa xalanin nkakgatunu tiyat, [...] chu lantla ni ntipalit tachuwin anan lantla xlikatlanka nkatuxawat» nakgaxmatkgo xalakwan xalaksasti xlakata xTamapakgsin Dios (Apocalipsis [Revelación] 14:6). Katiyatni akgtum paraíso nawan, chu putum tiku natlawa xtalakaskin Dios anta nalatama.

¿Ni xlikana pi uma akgtum lu tlan tamakatsin? Komo chuna lakpuwana, tlakg kakatsini xlakata uma tamakatsin kBiblia chu la namakgtayayan la uku chu kilhtamaku nema aku mima.

Tlan nalikgalhtawakgaya Biblia kʼwww.pr418.com/es. Nachuna natekgsa folletos Biblia chu tuku lichuwinan chu Lakwan tamakatsin masta Dios, libro ¿Tuku xlikana masiyay Biblia? chu na wilakgolh atanu likgalhtawakga nema kinkawaniyan tuku xlakata tlan nalipawanaw Biblia chu la natlawayaw kkilatamatkan chu kkifamiliajkan. Komo tlakg katsiputuna, ¿tlan xtachuwinanti chatum xtatayana Jehová?

(Takilhtinit kHechos, Efesios, Filipenses, Colosenses, Filemón, 1 Juan chu Apocalipsis [Revelación].)