Biblia lu lakgapaskan xlikalanka kKatiyatni. ¿Tuku xlakata? Xlakata kalichuwinan latamanin tiku la akinin, chu la xtalalinkgo Dios chu amakgapitsin. Uma lu tlan liʼakxilhtit kinkamasiyaniyan. Lu ni tuwa akgatekgskan la tsokgkanit, uma tlawa pi ni tuwa namatitaxtikan kʼakglhuwa ciento tachuwin, masta talakaskin pi latamanin xalak alakatanu kachikin o maski atanu kata latamakgonit tlan naʼakgatekgskgo. Nachuna putum kilhtamaku kinkamakgtayayan tuku tatsokgnit.

Maski Biblia wan pi lichuwinan xlakata Dios tlakg xlakaskinka nakatsiyaw pi wa xtachuwin Dios. Wan xtukuwani, xtayat chu tuku lakpuwanit natlawa xlakata katiyatni chu chixku. Nachuna lichuwinan pi makgasata latalatlawamakgolh kskujnin Dios chu kskujnin Akgskgawini, na lichuwinan pi xatapaxuwan kgalhsputa. Likgalhtawakgakan Biblia makgtayanan xlakata tlakg nakgalhiyaw takanajla chu takgalhkgalhin.

Biblia lichuwinan tuku ni limin atanu libro. Akgtum liʼakxilhtit, kinkawaniyan xaxlikana xlakata uma:

• Niku minitanchaw chu tuku xlakata patinanaw

• Tuku tlawalh Dios xlakata nakalakgmaxtu latamanin

• Tuku tlawalh Jesús kimpalakatakan

• Tuku nalani Katiyatni chu chixku, kilhtamaku nema aku mima

¿Tlan xlikgalhtawakga uma artículos xlakata nakatsiya tuku lichuwinan Biblia?