Niti lakgati lichuwinan linin; lu makgalipuwanan. Pero maski chuna, putum akinin kinkalakgchinan.

Ni anan tuku nakinkamakgtayayan akxni niy chatum tlat, tiku tamakgaxtokgaw, o kinkamankan. Kaj lakapala chuna la o lakatsuku. Akxni chuna titaxtuyaw lhuwa takatsanajwat makgkatsiyaw.

Antonio tiku nilh carretera xtlat. Wan: «Xtachuna la xmalakchuwaka minchik chu xmakglhtikanti mi llave. Nikxni katitanupara. Kajwatiya nalakapastaka. Nila kanajlaya pero wa uma tuku xlikana kitaxtuma, ni la tuku tlawakan».

Dorothy, tiku anglicana chu makgalhtawakgena xla escuela dominical, xkgalhi 47 kata akxni nilh xchixku. Maski nikxni kanajlalh pi akxni nikan anta sputa latamat, chu katsiputulh xtakgalhtin, xtakgalhskinin. Kgalhskilh xpastor: «¿Tuku kinkaʼakgspulayan akxni niyaw?». Chu xla kgalhtinalh: «Niti katsi. Talakaskin nakgalhkgalhiyaw xlakata naʼakxilhaw».

¿Xlikana uma? ¿Talakaskin nakgalhkgalhiyaw, o la nakatsiyaw komo xlikana anta sputa latamat akxni nikan?