¿Lismaninita tlawaya oración? Lhuwa latamanin tlawakgo, asta tiku wankgo pi ni kanajlanikgo Dios. ¿Tuku xlakata tlawakgo oración? Akxni kFrancia kakgalhskinka latamanin, itat wankgolh pi min kilhtamaku tlawakgo oración o lilakapastakkgo «kaj xlakata tlan kamamakgkatsini». Lhuwa europeos nachuna tlawakgo, ni tlawakgo oración xlakata natachuwinankgo Dios, wata kaj lakaskinkgo pi «kaj tlan kakamamakgkatsinilh». Nachuna, makgapitsi tiku kanajlanikgo Dios kajwatiya akxni kgalhikgo taʼakglhuwit chu lakaskinkgo pi tunkun kakakgalhtika (Isaías 26:16).

Chu wix, ¿la lakpuwana? ¿Lakpuwana pi oración kajwatiya makgtayayan xlakata tlakg liwana nalakapastaknana? Komo wix kanajlaniya Dios, ¿akxilha pi kgalhtikana o ni kgalhtikana mioración? Biblia tlan namakgtayayan xlakata ni kajwatiya nalakpuwana pi oración tlan namamakgkatsiniyan, wata tlan nalilakgtalakatsuwiya Dios.