Lhuwa latamanin lakpuwankgo pi Dios wa mapakgsinama kkakilhtamaku. Komo xlikana, ¿xʼanalh lhuwa tapatin? (Deuteronomio 32:4, 5.) Biblia masiya pi tiku xlikana mapakgsinama kkakilhtamaku lixkajni likatsi. (Kalikgalhtawakga 1 Juan 5:19.)

¿La tlawalh xlakata wa namapakgsinan kkakilhtamaku? Akxni katlawaka xapulana latamanin, chatum ángel, Satanás, lakatakilh Dios chu kawanilh xapulana chixku chu xapulana puskat pi xtatayakgolh (Génesis 3:1-6). Xapulana latamanin ni kgalhakgaxmatkgolh, xmalanakan tlawakgolh. Tiku xlikana minini namapakgsinan wa Dios tiku kgalhi putum litliwakga, pero lakaskin pi latamanin xatapaxuwan kakgalhakgaxmatkgolh (Deuteronomio 6:6; 30:16, 19). Lu nitlan xlakata atsinu ni putum latamanin nachuna tlawakgonit la Adán chu Eva. (Kalikgalhtawakga Apocalipsis [Revelación] 12:9.)

¿Namasta talakaskin Dios pi putum kilhtamaku namapakgsinan Satanás? Ni. Wata Dios nalimaklakaskin Jesús xlakata nalakkaxtlawa putum tuku nitlan tlawanit Akgskgawini. (Kalikgalhtawakga 1 Juan 3:8.)

Dios maxkinit limapakgsin Jesús xlakata namalakgsputu Satanás (Romanos 16:20). Wa xlakata Dios nakamapakgsi latamanin chu natlawa pi latamanin nalatamakgo la xlakaskin xapulana. (Kalikgalhtawakga Apocalipsis [Revelación] 21:3-5.)