Antonio: Tlen, Luis. ¡Lu kpaxuwa pi kʼakxilhmaparan!

Luis: Nachuna klakpuwan.

Antonio: Kliminiman xalaksasti revistas Makatsinina chu ¡Despertad! Liwana kkatsi pi nalakgatiya temas tuku lichuwinan.

Luis: Paxtikatsinilh. Lu kpaxuwa pi tanita, ktlawaniputunan akgtum takgalhskinin.

Antonio: Tlan, kakiwani.

Luis: Kilhtamaku nema titaxtulha, xaktachuwinama tiku ktaskuja chu kwanilh pi milikgalhtawakgakan lu lilakgatit tuku lichuwinan. Pero xla kiwanilh pi ni xaklikgalhtawakgalh xlakata xtatayananin Jehová ni kanajlanikgo Jesús. Kwanilh pi xakaman kgalhskinan akxni xaktachuwinamparan. ¿Xlikana pi wixin ni kanajlaniyatit Jesús?

Antonio: Paxtikatsinilh xlakata kinkgalhskinti. Xlakata nakatsiya tuku kanajla chatum lataman talakaskin wa nakgalhskina, ¿ni chuna lakpuwana?

Luis: Xlikana.

Antonio: Xtatayananin Jehová kkanajlaniyaw Jesús. Klakpuwanaw pi nila ktilakgtaxtuw komo ni nakkanajlaniyaw.

Luis: Chuna xaklakpuwan, pero xlakata kincompañero tanu tuku kiwanilh, uma tlawalh pi xakkatsiputulh. Komo nikxni lichuwinanitaw xlakata uma...

Antonio: Akgatekgsa kmasiyaniputunan makgapitsi versículos xalak Biblia niku lichuwinan tuku xlakata lu xlakaskinka kanajlanikan Jesús. Umakgolh versículo lu klimaklakaskinaw akxni kkalitachuwinanaw Dios latamanin.

Luis: Tlan.

Antonio: Pulana kaʼakxilhwi tachuwin nema Jesús wa akxni wanilh chatum xʼapóstol. Anta wi kJuan 14:6: «Kit wa ntiji, chu wa xlikanaj, chu wa latamat; tini katilakgalh xaTlat lapi ni kit nkimpalakata». Chuna la likgalhtawakgaw uma versículo, ¿tiku xpalakata tlan nalakgtalakatsuwiyaw xaTlat?

Luis: Wa Jesús.

Antonio: Chuna. Wa uma tuku kkanajlayaw xtatayananin Jehová. Akgtum takgalhskinin. Xlakata tuku katsiyata xalak Biblia, ¿tiku xtukuwani nawanaw akxni natlawayaw oración.

Luis: Xtukuwani Jesús, ¿ni chuna?

Antonio: Chuna, wa xlakata putum oración nema akit ktlawa, ktlawa kxtukuwani Jesús. Chu putum xtatayananin Jehová chuna ktlawayaw.

Luis: Lu xlakaskinka katsikan uma.

Antonio: Kaʼakxilhwi tuku wan Juan 3:16. Uma versículo lichuwinan xlatamat chu la lichuwinalh Dios Jesús kKatiyatni. Asta wankanit pi uma texto lichuwinan putum xlatamat Jesús. ¡Lu xlakaskinka! ¿Likgalhtawakgaputuna?

 Luis: Tlan. «Sampi luwa chuna mpaxkilh Dios ntachixkuwitat, wantilimastalh nchastum xkam, lakimpi xlipaks wanti nkanajlaniy, ni katitsankgalh, wampi wata nakgalhiy xlatamat wantu xaliankgaIhin».

Antonio: Paxtikatsinilh. ¿Xlikgalhtawakganitata uma texto?

Luis: Kkgaxmatnit kkintakanajla.

Antonio: Lu lhuwa tiku lakgapaskgo uma texto. Liwana kaʼakxilhwi xtachuwin. Jesús wa pi xlakata xtapaxkit Dios nakgalhiyaw latamat nema ni kgalhi xlisputni, pero ¿tuku kilikgalhitkan?

Luis: Takanajla.

Antonio: Chuna, talakaskin nakanajlaniyaw xakgawasa, Jesucristo. Talakaskin nalipawanaw Jesús xlakata nakgalhiyaw latamat nema ni kgalhi xlisputni, chuna lichuwinaw anta wi kpágina 2 xla Makatsinina nema kmaxkin. Anta lichuwinan pi uma revista makgpitsikan xlakata nakgalhinikan takanajla xMapakgsina kxTamapakgsin Dios, Jesucristo, «tiku nilh xlakata akinin tlan xkgalhiw latamat nema ni kgalhi xlisputni».

Luis: Ah, unu wi. ¡Mi likgalhtawakgakan wan pi wixin kanajlaniyatit Jesús!

Antonio: Chuna.

Luis: Pero, ¿tuku xlakata latamanin ni chuna wankgo?

Antonio: Lhuwa tuku chuna kamalakpuwani. Max makgapitsi chuna kanajlakgo kaj xlakata tuku kawanikanit. O max chuna kamasiyaninit tiku pulalin kxtakanajlakan.

Luis: ¿Ni xkalilakgapaskantit xtatayananin Jesús chu ni xtatayananin Jehová?

Antonio: Max, tlan xwa.

Luis: Pero, ¿tuku xlakata lhuwa lichuwinanatit Jehová?

Antonio: Xlakata Dios, wanikan Jehová, chu klakpuwanaw pi xlakaskinka namaklakaskinkan. Asta Jesús maklakaskilh. Kmasiyaniputunan tuku wanilh makgtum xTlat akxni tlawanilh oración. ¿Tlan xlikgalhtawakga Juan 17:26?

Luis: Tlan. «Kmasiyunikgolh mintukuwini, na chunaku naktimasiyunikgoy; lakimpi wa ntapaxkit ntu nkilipaxki, kaʼananikgolh; chuj chi nkit kaktawilanikgolh.»

Antonio: Paxtikatsinilh. ¿Akxilhti pi Jesús masiyalh xtukuwani xtlat? ¿Tuku xlakata masiyalh?

Luis: Ni kkatsi.

Antonio: Kalikgalhtawakgaw texto nema liwana kinkakgalhtiyan, Hechos 2:21. Wan: «Xlipaks [tiku] xmapakuwilh xtukuwini nkimPuchinakan [Jehová] naʼakgaputaxtuy». Chuna la akxilhwi, xlakata nakgalhiyaw lakgtaxtut talakaskin namaklakaskinaw xtukuwani Dios. Jesús liwana xkatsi uma.

Luis: Xkatsi.

Antonio: Wa xlakata, xla lu xlakaskinka xakxilha pi kstalaninanin xlakgapaskgolh chu xmaklakaskinkgolh xtukuwani xTlat: xlakata uma tlawa pi nalakgtaxtuyaw. Wa xlakata, xTatayananin Jehová lhuwa klichuwinanaw Jehová. Tuku akinin lu xlakaskinka akxilhaw wa pi latamanin kalakgapaskgolh chu kamaklakaskinkgolh xtukuwani Dios.

Luis: Pero latamanin katsikgo tiku Dios maski ni katsikgo xtukuwani o ni maklakaskinkgo.

Antonio: Max chuna, pero Dios kinkamasiyanin xtukuwani xlakata tlakg ni tuwa nalakgtalakatsuwiyaw.

Luis: Ni kʼakgatekgsniyan.

Antonio: Kawiliw akgtum liʼakxilhtit: atsinu ni putum katsikgoyaw tiku mapitsilh xaSpinini pupunu, chu makglhtinalh Pulakkaw  Limapakgsin, ¿ni xlikana? Nachuna katsiyaw pi xwi chatum chixku tiku tlawalh arca xlakata nakalakgmaxtu xfamilia chu takgalhinin. ¿Tuku xlalh komo ni xkatsiw xtukuwanikan? Xlikana pi nitu xlaniw, ¿ni xlikana? Nachuna ni tu xlaniw komo ni xkatsiw xtukuwani tiku taktalh akgapun chu mastalh xlatamat xlakata kintalakgalhinkan, ¿ni xlikana?

Luis: Xlikana.

Antonio: Pero, Dios lu xlakaskinka tuku tlawalh chu liwana lakkaxwililh pi akinin xkatsiw xtukuwanikan: Moisés, Noé chu Jesús. Akxni katsiyaw xtukuwanikan tlawa pi tlakg nakanajlayaw pi xlamakgolh, maski ni kalakgapaskgow.

Luis: Ni makgtum chuna xaklakpuwanit, pero xlikana tuku wana.

Antonio: Wa xlakata, xtatayananin Jehová lu lhuwa kmaklakaskinaw xtukuwani Jehová: xlakata klakaskinaw pi latamanin kalipawankgolh, chu kaʼakxilhkgolh la tiku xaxlikana chu la chatum amigo. Pero katsiyaw pi lakaskinaw xtamakgtay Jesús xlakata nalakgtaxtuyaw. ¿Kimaxkiya talakaskin nakmasiyaniyan atanu texto niku chuna kinkawaniyan?

Luis: Tlan

Antonio: Likgalhtawakganitawa Juan 14:6, niku Jesús wa «kit wa ntiji, chu wa xlikanaj, chu wa latamat». Kaʼakxilhwi tuku wan Juan 14:1. Kalikgalhtawakga tuku wan xaʼawatiya.

Luis: Wan: «Kakanajlanitit Dios, chu nkit, na kakinkanajlanitit».

Antonio: Paxtikatsinilh. Chuna la likgalhtawakgaw uma versículo, ¿kaj nalaksaka tuki nalipawana? Nawanaw, ¿talakskinan nakanajlaniyaw Jesús o Jehová?

Luis: Ni. Jesús wa pi xchatiykan kilikanajlanitkan.

Antonio: Chuna. Chu max nachuna lakpuwana pi ni kaj watiya talakaskin nawanaw pi kgalhiyaw takanajla. Talakaskin nalimasiyayaw.

Luis: Xlikana tuku wana.

Antonio: ¿Pero la tlan natlawakan? ¿La akxilha komo atanu kilhtamaku nalichuwinanaw uma? *

Luis: Lu tlan.