LICHUWINAN TUKU WI KXMAKNI REVISTA | ¿XLIKANA LAMA AKGSKGAWINI?
¿Lama Akgskgawini?
Estatua nema limasiya akgskgawini la chatum ángel nema tamakaktikanit (Madrid, España)
«Akxni aktsujku xakwanit xakkanajla pi lama Dios, pero ni xakkanajla pi xlama Akgskgawini —wan Rogelio, xalak El Salvador—. Akxni xaktlawa tuku nitlan, kintse xkiwani: “¡Na linan Akgskgawini!”, chu xakkgalhti: “¡Kakilinkgelh!”.»
Chu wix, ¿tuku lakpuwana xlakata Akgskgawini? ¿Tuku takgalhtin lakpuwana pi xaxlikana?
-
Ni anan Akgskgawini. Kaj chuna limasiyakan tuku nitlan.
-
Akgskgawini lama, pero ni katlawani tuku nitlan latamanin.
-
Akgskgawini espíritu tiku kgalhi lhuwa litliwakga chu kamatlawi tuku nitlan latamanin.
Putum latamanin tanu tanu lakpuwankgo xlakata uma. ¿Tiku kgalhi xaxlikana takgalhtin? ¿Xlakaskinka nakatsiyaw? Komo Akgskgawini ni lama, latamanin tiku kanajlakgo pi lama xataʼakgskgawin lamakgolh. Lama pero ni kinkatlawaniyan tuku nitlan, tiku pekuanikgo kaj chuna lipatinamakgolh. Xlikana, komo Akgskgawini lama chu kinkamatlawiputunan tuku nitlan, max lu nitlan likatsi ni xtachuna la akinin lakpuwanaw.
¿Kaj limasiyakan Akgskgawini xlakata tuku nitlan, o xlikana lama? Komo xlikana lama, ¿katuwa wi milatamat? Komo chuna, ¿tuku tlan nalitamakgtayaya? Kaʼakxilhwi xtakgalhtin nema masta Biblia.
