Minkamanan napaxkikgo Dios komo nakatsikgo pi wi Dios chu kapaxki. Nachuna talakaskin nalakgapaskgo (1 Juan 4:8). Akgtum liʼakxilhtit, xlikatsitkan tuku xlakata katlawaka latamanin, tuku xlakata masta talakaskin kapatinankgolh latamanin chu tuku natlawa kilhtamaku nema aku mima kimpalakatakan. (Kalikgalhtawakga Filipenses 1:9.)

Xlakata minkamanan napaxkikgo Dios, talakaskin naʼakxilhkgo pi wix na paxkiya, uma natlawa pi na natlawakgo tuku tlawaya. (Kalikgalhtawakga Deuteronomio 6:5-7 chu Proverbios 22:6.)

Wa xTachuwin Dios lhuwa litliwakga kgalhi (Hebreos 4:12). Wa xlakata kakamakgtaya minkamanan liwana naʼakgatekgskgo tuku masiya Biblia. Xlakata nalakgchan kxnakujkan minkamanan, katlawa la tlawalh Jesús akxni kamakgtayalh kstalaninanin: kakatlawani takgalhskinin, kakgaxpatti xtakgalhtinkan chu kakawani tuku ni akgatekgskgo. (Kalikgalhtawakga Lucas 24:15-19, 27, 32.)

Na tlan nakatalikgalhtawakgaya tuku lichuwinan Biblia niku masiya xtapaxkit Dios nema kalimasiyaninit latamanin. Chuna tlakg nalakgapaskgo Malakatsukina chu napaxkikgo. Kʼwww.pr418.com/jw-tot natekgsa tuku tlakg namakgtayayan. (Kalikgalhtawakga 2 Timoteo 3:16.)