LICHUWINAN TUKU WI KXMAKNI REVISTA | TLAN XʼAMIGO DIOS NAWANA
Nitu nema tlakg tlan
¿Tuku natlawaya xlakata xʼamigo Dios nawana? Lichuwinanitaw makgapitsi tuku tlan natlawayaw xlakata tlan natalalinaw kiMalakatsukinakan:
-
Nalakgapasaw chu namaklakaskinaw xtukuwani, Jehová.
-
Ni lhuwa kilhtamaku natitaxtu natachuwinanaw, wa nalimaklakaskinaw oración chu nalikgalhtawakgayaw Biblia.
-
Putum kilhtamaku natlawayaw tuku kinkaskiniyan.
Xlakata xʼamigo Dios nawanaw kamaklakaskinti xtukuwani, katachuwinanti, kalikgalhtawakga Biblia chu katlawa tuku waniyan
¿Makgantaxtipat umakgolh xlakata natalakatsuwiniya Dios? ¿Lakpuwana pi wi tuku kitsankganiyan xlakata tlan putum namakgantaxtiya? Max natalakaskin naliskuja, pero kalakpuwanti pi lu tlan la nakitaxtuniyan.
«Putum tuku natlawayaw xlakata tlan natalalinaw Dios, tlan nakitaxtu wan Jennifer, xalak Estados Unidos. Komo tlan natalalinaw nakgalhiyaw lhuwa tasikulunalin: tlakg nalipawanaw Dios, tlakg liwana nalakgapasaw, chu tlakg napaxkiyaw. Nitu xtachuna la uma.»
¿Xlakgati chuna xtalalipi Dios? Xtatayananin Jehová xatapaxuwan namakgtayakgoyan. Xlakan namasiyanikgoyan tuku wan Biblia pero ni katimatajikgon. Na tlan napina niku kgalhikgo xtamakxtumitkan nema wanikgo Pukgalhtawakga xla xTatayananin Jehová. Anta nakatatamakxtupiya latamanin tiku paxuwakgo xlakata tlan talalinkgo Dios chu lhuwa xtapalh akxilhkgo. * Tsinu tsinu namakgkatsiya la xmakgkatsi salmista, tiku wa: «Nakputsa la tlakg naktalakatsuwini Dios, wa kimaxki lipaxaw latamat» (Salmo 73:28).
^ párr. 9 Komo lakaskina nalimakgalhtawakgekana Biblia o tekgsputuna Pukgalhtawakga xla xTatayananin Jehová nema tlakg lakatsu wi kminchik, katachuwinanti tiku maxkin uma revista o katanu kkisitiojkan xla Internet wanikan www.pr418.com/jw-tot. Kapit niku wan inicio chu kaputsa niku wan «contáctenos».