Katsisni akxni nina xmakgnikan, Jesús kawanilh kstalaninanin pi putum kilhtamaku xlakapastakkgolh tuku xʼama tlawa. Kawanilh: «Ankgalhin natlawayatit nakililakapastakatit» (Lucas 22:19).

Uma kata, natalakapastaka akxni tinilh Cristo viernes 3 xla abril akxni tsankganita nawan Chichini. Xtatayananin Jehová kawaniyan wix chu mifamilia pi kakilataʼaw ktaʼakgchuwin niku natalichuwinan tuku xlakata xlakaskinka nilh Jesús chu la tlan litamakgtayaya.