TUKU WI KXMAKNI | ¿MAKGTAYANAN ORACIÓN?
¿Wi tiku kgaxmatma?
Lhuwa lakpuwankgo pi tlawakan oración kaj limakgatsankgakan kilhtamaku, xlakata niti kgaxmata. Makgapitsi tlawakgonit oración pero makgkatsikgo pi niti kakgalhti. Chatum tiku ni kanajla pi Dios lama lakpuwa la xtasiya Dios chu tlawanilh oración: «Maski kaj pistsu tuku kakiwani». Pero wa pi Dios ni «para akgtum tachuwin wa».
Pero, Biblia liwana wan pi Dios kgaxmata oraciones. Biblia lichuwinan tuku kawanika akgtum kachikin xalamakgasa: «[Dios] nalakgkatsanan chu nakgaxmata xlakata patinampat; nina kgaxmatnikgoyan; nakgalhtiyan» (Isaías 30:19, El libro del Pueblo de Dios). Atanu versículo wan: «Xʼoraciones tiku xaʼakgstitum lu tlan limakgkatsi» (Proverbios 15:8).
Jesús skinilh xTlat tamakgtay, wa xlakata «na titakgaxmatnicha xpalakata mpi xmakpuwaniy Dios» (Hebreos 5:7).
Biblia nalichuwinan makgapitsi liʼakxilhtit xla oración nema Dios kgaxmatli. Akgtum versículo wan pi Jesús «titlawalh xʼoración, tiskilh litlan, [...], na titakgaxmatnicha xpalakata mpi xmakpuwaniy Dios», wa xlakata Dios malakastakwanilh (Hebreos 5:7). Na tekgsaw atanu liʼakxilhtit kDaniel 9:20, 21 chu 2 Crónicas 7:1.
Pero, ¿tuku xlakata makgapitsi makgkatsikgo pi niti kakgaxmatni xʼoracioneskan? Komo lakaskinaw pi Jehová, * Dios xalak Biblia, kakinkakgaxmatnin, talakaskin kajwatiya xla natlawaniyaw oración. Ni natlawaniyaw oración atanu dios chu ni para tiku nikgonita. Nachuna, Malakatsukina lakaskin pi tuku naskinaw «lantlata xtalakaskin», uma wamputun, chuna la xla lakaskin. Komo chuna natlawayaw, kinkawaniyan pi «nakinkakgaxmatniyan» (1 Juan 5:14). Wa xlakata, komo lakaskinaw pi Dios nakinkakgaxmatniyan, talakaskin pi nalakgapasaw chu nakgalhakgaxmatniyaw.
Lhuwa latamanin liwana katsikgo pi tlawakan oración ni kaj akgtum talismanin nema tatlawa ktakanajla, Dios xlikana kgaxmata chu kgalhti oraciones. Isaac, xalak Kenia, wan: «Ktlawalh oración xlakata naʼakgatekgsa Biblia. Ni makgas kilhtamaku, wi tiku kilakgtalakatsuwilh chu kimalaknunilh pi xʼama kimakgtaya». Hilda, xalak Filipinas, nialh kxkuliputun. Makglhuwa litsakgsalh, pero nila chuna tlawalh. Wa xlakata xchixku wanilh pi skinilh Dios xmakgtayalh. Akxni tlawakgolh oración, xla wan: «Kaks lilakawa xlakata la kimakgtayalh. Nialh kxkuliputulh. Tlan kmakgxtakgli lixkuli».
Komo tuku lilakgaputsaya xtalakaskin Dios, ¿tlan namakgtayayan?
^ párr. 6 Biblia wan pi Jehová wa xtukuwani Dios.