TUKU WI KXMAKNI | ¿MAKGTAYANAN ORACIÓN?
Oración, ¿la kinkamakgtayayan?
Akxni wi tuku aku natlawayaw max nakgalhskinkana: «¿La nakimakgtaya?». ¿Kaj kiakstukan kinkapaxkikanan komo chuna nalakpuwanaw xlakata oración? Ni putum kilhtamaku. Xlikana pi katsiputunaw tuku tlan nakinkakitaxtuniyan akxni tlawaniyaw oración Dios. Asta Job kgalhskininalh: «Komo xakxakgatlilh, ¿xkinkgalhtilh?» (Job 9:16).
Artículo nema titaxtulh katsiw pi oración ni kajwatiya akgtum talismanin xla takanajla o tuku kaj tlan namamakgkatsiniyan. Xaxlikana Dios kgaxmata oraciones. Komo natlawayaw oración chuna la xlilat chu naskinaw tuku tlan akxilha, nakinkakgaxmatniyan. Na kinkawaniyan pi kalakgtalakatsuwiniw (Santiago 4:8). Wa xlakata, ¿tuku nakitaxtu komo putum kilhtamaku natlawayaw oración? Kaʼakxilhwi.
Takaksni
Akxni natitaxtuya taʼakglhuwit o tuku tuwa, ¿makgkatsiya pi nialhla tayaniya? Biblia wan tuku xlitatlawat: «Ni anan xtajaxni nkatlawatit mioraciónkan» chu «kawanitit Dios tuku maklakaskinatit» (1 Tesalonicenses 5:17; Filipenses 4:6, TNM). Tiku skinikgo tamakgtay, Biblia wan: «Chu wa xkatsit xtatanksni Dios, wa ntu lakatsalaniy xlipaks kintapuwankan, naskgala minakukan, chu mintapuwankan» (Filipenses 4:7). Tlakg tlan namakgkatsiyaw akxni nawaniyan putum tuku wi kkinakujkan kinTlatkan xalak akgapun chu nalitakgoxomixiyaw. Chu Biblia kinkawaniyan pi chuna katlawaw: «Kamakamaxki Jehová mintakuka, chu xla namakgtayayan» (Salmo 55:22, TNM).
«Kamakamaxki Jehová mintakuka, chu xla namakgtayayan» (Salmo 55:22, TNM).
Xlikalanka katiyatni, lhuwa chuna makgkatsikgo
akxni tlawakgo oración. Chatum puskat xalak Corea del Sur, wanikan Hee Ran wan: «Maski laklanka taʼakglhuwit kkgalhi, akxni ktlawa oración tlakg tlan kmakgkatsi chu tlan ktayani». Cecilia, tiku xalak Filipinas, wan: «Lu kkalilakgaputsa kilaktsuman. Na kkuentajtlawa kintse, tiku nialhpara kilakgapasa. Xlakata oración, tlakg tlan kmakgkatsi akxni wi tuku ktlawa tantaku. Kkatsi pi Jehová nakinkakuentajtlawayan».Tlan mamakgkatsininan chu matliwakglhnan akxni titaxtukan tuku tuwa
¿Wi tuku lu lilakgaputsaya, pekuana xlakata tuku nalaniya o wi tuku lu nitlan titaxtupat? Komo natlawaniya oración Dios «xmastana xlipaks ntakgtsiyajni», lu tlan namakgkatsiya. Biblia kinkawaniyan 2 Corintios 1:3, 4). Akgtum liʼakxilhtit, akgtum kilhtamaku akxni Jesús lu xlakgaputsama, «ntitatsokgostalh, titsukulh tlaway xʼoración». ¿Tuku lalh? «Na titasiyunilh nchatum ángel xala kʼakgapun wa nti xmatliwakglhma.» (Lucas 22:41, 43.) Atanu tiku nikxni makgxtakgli Dios wa Nehemías, na patinalh xlakata tiku lixkajni xlikatsikgo wanikgolh pi wi tuku xtlawanikgolh komo ni xmakgxtakgli la kskujnima Dios. Xla tlawalh oración: «Kamatliwakglhti kimakan». Tuku lalh alistalh limasiya pi Dios makgtayalh xlakata nialh xpekualh chu tlan xmakgantaxtilh tuku xlakgayawanit (Nehemías 6:9-16). Reginald, xalak Ghana, kinkawaniyan: «Akxni ktlawa oración, liwaka akxni tlakg tuwa tuku ktitaxtu, kmakgkatsi pi klitachuwinalh kintaʼakglhuwit tiku tlan nakimakgtaya chu liwana kiwani pi ni lu kaklilakgaputsalh». Tasiya pi komo natlawaniyaw oración Dios, tlan nakinkamamakgkatsiniyan.
pi xla «nkinkamakgtsiyajan lantla xlipaks kkintalakgaputsitkan» (Xliskgalala Dios
Wi tuku nalaksakaw nema max nalakgpali kilatamatkan, o xla kifamiliajkan. ¿Tuku natlawayaw xlakata nalaksakaw tuku tlan? Biblia wan: «Komo wi tiku tsankgani liskgalala [tlakg chuna akxni titaxtu tuku laktuwa], chuntiya kaskinilh Dios, xlakata xla putum lhuwa kamaxki chu ni liwan tuku masta; chu namaxkikan» (Santiago 1:5, TNM). Komo naskiniyaw liskgalala, Dios nalimaklakaskin espíritu santo xlakata nakinkamakgtayayan nalaksakaw tuku tlan. Jesús liwana kinkawanin pi «minTlatkan nti wi nkʼakgapun namaxkikgoy Spiritu Santo wa nti kskinikgolh» (Lucas 11:13).
«Ankgalhin xakskini Dios pi xkimakgtayalh xlakata xaklaksakli tuku tlan.» (Kwabena, xalak Ghana)
Asta Jesucristo skinilh tamakgtay xtlat akxni xʼama laksaka tuku lu xlakaskinka. Akxni kalaksakli 12 xʼapóstoles, Jesús «tantaskaka ntixakgatlilakalh Dios lantla ntitlawalh xʼoración» (Lucas 6:12).
Chuna la Jesús lhuwa tlakg tlan makgkatsikgo akxni akxilhkgo la Dios kamakgtaya xlakata nalaksakkgo tuku tlan. Regina, tiku lama kFilipinas, kinkawaniyan la xlilhuwa taʼakglhuwit kgalhinit: nakamaxki tuku maklakaskin xfamilia xlakata nilh xchixku, makgatsankgalh xtaskujut chu xakstu kamakgastakma xlaktsuman. ¿Tuku makgtayanit nalaksaka tuku tlan? Xla wan: «Klimaklakaskin oración xlakata naklitamakgtaya Jehová». Kwabena, xalak Ghana, kinkawaniyan tuku xlakata skini tamakgtay Dios: «Lu tlan taskujut xakkgalhi niku xpatsapsnankan chu kmakgatsankgalh. Akxni xakʼakxilhma tuku naktlawa, ankgalhin xakskini Dios pi xkimakgtayalh xlakata xaklaksakli tuku tlan. Liwana kkatsi pi Jehová kimakgtayalh naklaksaka tuku nakliskuja nema nakimakgtaya nakkgalhi tuku kmaklakaskin chu xla kintakanajla». Na tlan napulalinan Dios komo naskiniya namakgtayayan xlakata chuntiya tlan natalalipina.
Kaj makgapitsi lichuwinaw tuku tlan nakitaxtuniyan komo natlawaya oración. (Xlakata nakatsiya amakgapitsi, kalikgalhtawakga recuadro « Tuku tlan kitaxtu akxni tlawakan oración».) Komo litamakgtayaputuna oración, pulana mililakgapasat Dios chu putum tuku malaknu. Katachuwinanti chatum xtatayana Jehová xlakata namakgtayayan nalakgapasa tuku wan Biblia. * Chuna tlan natsukuya lakgtalakatsuwiya “xkgaxmatna oración” (Salmo 65:2).
^ párr. 14 Komo tlakg katsiputuna, kakatachuwinanti xtatayananin Jehová o katanu ksitio xla Internet www. jw.org/jw-tot.