¿Tlan lakgapaskan Dios?
«Dios nila akgatekgsnikan.» (Filón xalak Alejandría, filósofo xalak pulana siglo)
«[Dios] ni makgat kinkawilanin kinchatunukan.» (Tachuwin nema kawanilh Saulo de Tarso filósofos atenienses kxapulana siglo)
LATA uma pulaktiy talakapastakni ¿nema chuna lakpuwana? Lhuwa lakgatikgo tuku wa Saulo, nema litalakgapasli apóstol Pablo. Uma talakapastakni kamatliwakglha chu tlan kamamakgkatsini (Hechos 17:26, 27). Anta kBiblia tekgsaw la umakgolh tachuwin nema matliwakglhnan. Akgtum liʼakxilhtit, kʼakgtum oración, Jesús kawanilh kstalaninanin pi tlan nalakgapaskgo Dios chu namakgamakglhtinankgo xtasikulunalin (Juan 17:3).
Nachuna, filósofos la Filón ni lakxtum xlakpuwankgo. Makgatekgsninankgolh pi nila lakgapaskan Dios xlakata nila akgatekgsnikan. Pero, ¿tuku xaxlikana?
Biblia liwana wan pi wi tuku latamanin nila liwana akgatekgskgo xlakata Dios. Chuna wankgo xlakata putum kilhtamaku lama, xtalakapastakni chu lhuwa xliskgalala. Umakgolh nila laklhkawilikan, lakputsananikan xlakata kintalakapastaknikan nila akgatekgsa. Pero akxni ni katsikan uma xlakata Dios ni tlawa pi nila nalakgapasaw. Wa tuku tlan, lilakapastakkan xlakata uma tlawa pi tlakg nalakgtalakatsuwiyaw kiMalakatsukinakan (Santiago 4:8). Kaʼakxilhwi kaj makgapitsi liʼakxilhtit xla xtayat nema nila akgatekgsaw, chu atanu nema tlan akgatekgsaw.
Tuku nila akgatekgskan xlakata Dios
PUTUM KILHTAMAKU. Biblia masiya pi Dios wi «lata makgan, y kanikxniwa lapat nawan» (Salmo 90:2). Uma wamputun, ni kgalhilh xkilhtsukut nipara nakgalhi xlisputni, putum kilhtamaku nalatama. Chuna la lakpuwankgo latamanin, «lu lanka Dios chu akinin nila lakgapasaw, nila katsiyaw niku akglit kata kgalhi» (Job 36:26, Traducción en lenguaje actual).
Tuku xlakata xlakaskinka. Dios kinkamalaknuniyan latamat nema ni kgalhi lisputni komo liwana nalakgapasaw (Juan 17:3). ¿La tlan xmalaknulh komo xla nila xlatamalh putum kilhtamaku? Kajwatiya «ntlanka puxku nti xaliʼankgalhin wij namalanan» (1 Timoteo 1:17).
XTALAKAPASTAKNI. Biblia masiya pi Dios «nila lakputsananikan xtakatsin» chu xla tlakg katsi nixawa akinin (Isaías 40:28). Wa xlakata tlawa uma takgalhskinin: «¿Tiku katsi la lakapastaknan Jehová xlakata tlan nastakyawa?» (1 Corintios 2:16).
Tuku xlakata xlakaskinka. Dios tlan kakgaxmatni millones xʼoraciones maski watiya kilhtamaku tlawamaka. (Salmo 65:2). Nila nalakpuwanaw pi ni kgalhi kilhtamaku xlakata nakinkakgaxmatniyan kiʼoracioneskan. Xla katsi asta akxni niy tantum tsiktsi chu kxTachuwin wan: «Tlakg xaliwaka wixin nkgalhiyatit milakgasikan, ni xawa lhuwa laktsu [tsiktsi]» (Mateo 10:29, 31).
WANTUKU TLAWA DIOS. Biblia masiya pi nikxni liwana nakatsiyaw «tuku tlawanit [xaxlikana] Dios kxkilhtsukut asta kxkgalhsputat» (Eclesiastés 3:11). Wa xlakata nikxni katikatsinikgow putum xlakata Dios. Xlakata xliskgalala nema litlawanit putum tuku anan nipara tsinu tlan lakputsananikan (Romanos 11:33). Maski chuna, xla kawaniputun uma tamakatsin tiku makgapaxuwaputun (Amós 3:7).
Xlakata putum kilhtamaku lama kiMalakatsukinakan, xtalakapastakni chu lhuwa xliskgalala nema nila katsiyaw la xlilhuwa chu nila lakgapasaw
Tuku xlakata xlakaskinka. Komo wix likgalhtawakgaya chu lakputsananiya Biblia, putum kilhtamaku nakatsinitilhaya tuku xasasti xlakata Dios chu la likatsi. Uma wamputun pi putum kilhtamaku tlan natalakatsuwiniyaw.
Tuku kilikatsitkan
Xlakata nila liwana putum akgatekgsaw xlakata Dios uma ni wamputun pi nila nalakgapasaw. Anta kBiblia tekgsaw lhuwa tamakatsin xlakata xla. Kaʼakxilhwi makgpitsi liʼakxilhtit.
XTUKUWANI. Biblia masiya pi Dios wa laksakli xtukuwani, xlakata wa: «Akit Jehová. Wa uma kintukuwani». Uma tukuwani wi liwaka akgtujun mil kBiblia, ni tatalakxtumi la amakgapitsi tukuwani (Isaías 42:8).
Tuku xlakata xlakaskinka. Oración nema masiyalh Jesús wa: «KinTlatikan nti wilapi nkʼakgapun, katamasantujilh mintukuwini» (Mateo 6:9). Wa xlakata, kalimaklakaskinti xtukuwani Dios akxni tlawaniya oración. Jehová nakalakgmaxtu putum tiku maxki kakni xtukuwani (Romanos 10:13).
NIKU WI. Biblia masiya pi anan pulaktiy niku tlan latamakan, xaʼespiritual niku kaj wilakgolh tiku nila kaʼakxilhaw, chu atanu nema tlan akxilhaw wa Katiyatni (Juan 8:23; 1 Corintios 15:44). Tachuwin akgapun limaklakaskinkan anta kBiblia xlakata kilhchanima tuku xaʼespiritual. Niku wi kiMalakatsukinakan anta kʼakgapun (1 Reyes 8:43).
Tuku xlakata xlakaskinka. Akxni katsikan, tlakg Hebreos 4:13).
ni tuwa akgatekgskan la tasiya Dios. Malakatsukina ni akgtum litliwakga nema ni talakgapasa chu kaniwa niku lama. Jehová xlikana wi chu niku xla wi xlikana. Anta niku wi putum akxilha, «wampi wa mpaks stalanka ukxilha xlipaks nkatuwaj» (LA LIKATSI. Biblia masiya pi Jehová kgalhi lakwan tayat. Akgtum liʼakxilhtit, wan pi «wa Dios, tapaxkit», chu nikxni akgsaninan, xaʼakgstitum, lakgalhamaninan, lakgkatsaninan chu ni lakapala sitsi (1 Juan 4:8; Tito 1:2; Éxodo 34:6; Hechos 10:34). Pero tuku kaks malakawaninan xlakata lakaskin pi «tlan natalalin» «tiku maxkikgo kakni» (Salmo 25:14, Versión Israelita Nazarena).
Tuku xlakata xlakaskinka. Kalilakpuwanti: ¡Wix tlan xʼamigo Jehová nawana! (Santiago 2:23.) Lata lakgapastilhapat la xtayat Jehová, tlakg naʼakgatekgsa makgapitsi tuku lichuwinan Biblia.
«NAMAXKIYAN TALAKASKIN NATEKGSA»
Biblia liwana wan la likatsi Jehová Dios. Ni kaj niti lakgapasa, wata xla lakaskin pi xʼamigo nawanaw. Anta kTachuwin malaknu: «Komo wix putsaya, xla namaxkiyan talakaskin natekgsa» (1 Crónicas 28:9). Komo nalikgalhtawakgayaw Biblia chu nalilakapastakaw tuku wan, tlan nalakgapasaw, chu xla “nakinkatalakatsuwiniyan” (Santiago 4:8).
Komo wix likgalhtawakgaya chu lakputsananiya Biblia, putum kilhtamaku nakatsinitilhaya tuku xasasti xlakata Dios chu la likatsi
Max nalakpuwana, komo nila putum taʼakgatekgsa xlakata Malakatsukina, tuwa xʼamigo nawana. Pero kalilakpuwanti xlakata uma: ¿lakpuwana wix pi xlakata xʼamigo nawana chatum makuchina talakaskin na makuchina nawana? ¡Nipara tsinu! Max tiku tlakg tlan xʼamigo chatum makuchina ni watiya taskujut tlawa tanu tuku liskuja. Wa xlakata uma ni tlawa pi nila nalatalalin, komo tiku xʼamigo makuchina lakgapasa tuku lakgati chu tuku ni. Nachuna, wix tlan nakatsiniya tuku tayat kgalhi Jehová, chu tuku milikatsit xlakata tlan xʼamigo nawana.
Xla ni matsekga la likatsi Malakatsukina, anta kBiblia liwana wan tuku kilikatsitkan xlakata nalakgapasaw. ¿Xlakgati xʼamigo xwanti? Xtatayananin Jehová xatapaxuwan namasiyanikgoyan tuku masiya Biblia. ¿Tlan xkatachuwinanti? Na tlan natanuya ksitio xla Internet, www.pr418.com/jw-tot.