1. Ankgalhin katatlawaw Dios

chu tliwakga kalichipaxnaw.

Komo ni namakgxtakgaw Dios,

xla lu nakinkamakgtayayan.

Kilatamatkan maxkiw Dios

chu kskujnin litaxtuyaw,

kuenta katlawaw wantuku

Dios kinkalimapakgsiyan.

2. Kakilhtamaku tlawama

kakinkaputsastalanikan.

Satanás na lakaskima

pi nialh wa Jehová kalipawaw.

Pero Dios putum akxilhma

chu kinkamakgtakgalhan.

Komo nalitatsekgaw Dios,

naʼakxilha pi ni makgxtakgaw.

3. Dios mastama tuku xtapalh:

la tapaxkit xla xcongregación.

Kinkalimatliwakglhan Dios

lu tlan xTachuwin chu oración.

Kalimasiyaw tapaxkit

akxni natatlawanaw,

katlawaw wantu xaʼakgstitum

chu ni kamakgxtakgwi Jehová.