¡SKGALALH KATAWILA!
2023: Kata nema lu analh talakgaputsit | ¿Tuku kinkawaniyan Biblia?
Putum tuku lalh kxlikalanka Katiyatni kkata 2023, limasiya pi lamaw nema Biblia limapakuwi: xaʼawatiya kilhtamaku (2 Timoteo 3:1). Putum tuku lama la uku kgantaxtuma chuna la lichuwinan kBiblia pi xʼama la. Kaʼakxilhwi makgapitsi liʼakxilhtit.
Biblia chu tuku lama kxlikalanka Katiyatni
«Lama guerras lakatsu chu lakgamakgat» (Mateo 24:6).
«Kxlikalanka Katiyatni talhuwitilhama tatalachipat». a
Kaʼakxilhti artículos «¿Tiku nakalakgmaxtu latamanin tiku wilakgo niku tlawamaka guerra?» chu «Laktlawakan liwaka 2 billones xla dólares xpalakata soldados xlikalanka katiyatni».
«Kaniwa natachiki tiyat» (Marcos 13:8).
«Lata tsukulh kata 2023 asta la uku makgkututu tachikinit tiyat chu lu tliwakga xwankgonit (7.0 o liwaka). Ni amakgtum chuna xla». b
Kaʼakxilhti artículo «Tliwakga tachiki tiyat kTurquía chu kSiria».
«Tuku makgapekuanan» (Lucas 21:11).
«Katiyatni tlakg chichi nixawa la xapulana»(António Guterres, secretario general de las Naciones Unidas). c
Kaʼakxilhti artículo «Lu lhkaknan kxlilakgatum katiyatni kata 2023».
«Tatsinksni» (Mateo 24:7).
«Kata 2023: Tiku pulalinkgo familia amakgtum ni xkatsikgo la xkamaxkikgolh tuku xmaklakaskinkgolh xfamiliajkan». d
Kaʼakxilhti artículo «Guerra chu la talakgpalima kilhtamaku tlawa pi tlakg na’anan tatsinksni kxlilakgatum katiyatni».
«Lu tuwa nawan chu lu kalipekua nawan» (2 Timoteo 3:1).
«Lhuwa latamanin kxlikalanka Katiyanti kalhikgo tajatat xla talakapastakni, komo xkamamakxtumiw kgalhatsayan latamanin chatum xtaxtucha tiku kgalhi uma tajatat». e
Kaʼakxilhti artículo «Lu lilakgaputsa la taliwakanit tuku nitlan titaxtumakgo kamanan nema lakgpali xtalakapastaknikan».
¿Tuku nala kkata 2024?
Niti katsi tuku nala kkata 2024. Pero tuku katsiyaw wa pi tuku kgantaxtuma la uku, limasiya pi xTamapakgsin Dios nialh makgas nalakgpali mapakgsinanin xalak kakilhtamaku chu namalakgsputu putum tuku kinkamakgapatinanan chu kinkamakgalipuwanan (Daniel 2:44; Apocalipsis 21:4).
Xlakata nina chin uma kilhtamaku, akxni nalipuwanaw kaskiniw xtamakgtay Dios. Biblia wan:
«Akxni kpekuan, wix klipawanan» (Salmo 56:3).
¿La nalimasiyayaw pi lipawanaw Dios? Komo lakgapasputuna tamalaknun nema tlawa Biblia xlakata la nawan latamat akxni nialh katiʼanalh tapatin, kkawaniyan pi kalikgalhtawakga Biblia xlakata nakatsiya la namakgtayayan wix chu mifamilia putum umakgolh tamalaknun.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals chu Peter Salisbury; 30 xla octubre kata 2023.
b Noticias de terremotos, “2023: La cantidad de grandes terremotos pronto batirá récords” mayo kata 2023.
c Naciones Unidas, “Secretary-General’s Opening Remarks at Press Conference on Climate” (wa tuku lichuwinalh secretario general akxni kgalhskinka xlakata la xtalakgpalima lhkakna chu lokgni); 27 xla julio kata 2023.
d Programa Mundial de Alimentos, “Una crisis alimentaria mundial”.
e Organización Mundial de la Salud, “Día Mundial de la Salud Mental” 10 xla Octubre kata 2023.