Tiku wankgo pi x’akstu kamakgkatsikan, taliwakama | ¿Tuku kinkawaniyan Biblia?
Chuna la tuku lakputsananikanit kxlilakgatum katiyatni, a lata kgalhatati latamanin chatum x’akstu makgkatsikan.
«Komo nakatamakgatliniya amakgapitsin uma nitlan katitlawanin, maski tanu tanu la kgalhiya minkata o niku xala wix» (Chido Mpemba, copresidenta de la Comisión de la Organización Mundial de la Salud sobre Conexión Social).
Lu kaks malakawaninan xlakata ni kajwatiya tiku linkgoya kata o tiku lakgamakgat wilakgo chuna makgkatsikgo, wata nachuna lakkamanan, tiku lakgtliwakgaku, tiku tamakgaxtokgkgonit o tiku tlan kakitaxtunima kxlatamatkan. Akxni katamakgatliniya amakgapitsin natlawa pi nalitatatlaya chu nachuna tsukukan lilipuwankan.
«Lhuwa tuku wamputun akxni wi tiku x’akstu makgkatsikan […]. Asta kalipekua wili latamat xtachuna la komo kxkulika kgankukitsis cigarros chali chali» (Vivek Murthy, director general de Salud Pública de Estados Unidos).
Tuku wan Biblia
Kimalakatsukinakan ni lakaskin pi natamakgatliniyaw amakgapitsin. Dios akgalhin lakaskinit pi kakgalhiw xalaktlan amigos nema tlan nakatalalinaw.
Texto xalak Biblia: «Dios wa: “Nitlan xʼakstu nalatama chixku”» (Génesis 2:18).
Dios lakaskin pi xʼamigos kalitaxtuw. Xla kinkamalaknuniyan pi nakinkatalakatsuwiniyan komo akinin naliskujaw natalakatsuwiniyaw (Santiago 4:8).
Texto xalak Biblia: «Paxuwakgo tiku lakaskinkgo pi Dios kakapulalilh, xlakata xlakan wa nakalakgchan Tamapakgsin xalak akgapun» (Mateo 5:3).
Dios lakaskin pi nakatakakninaniyaw amakgapitsin. Akxni chuna tlawayaw tlakg paxuwayaw.
Texto xalak Biblia: «Kalalilakgaputsaw chatunu chatunu xlakata tlakg naʼanan tapaxkit chu xalaktlan tatlaw, ni namakgxtakgaw chuna la tamakxtumiyaw […]. Wata kalamatliwakglhwi» (Hebreos 10:24, 25).
Komo tlakg katsiputuna tuku xlakata xlakaskinka ni kiʼakstukan natawilayaw, kalikgalhtawakga artículo «Soledad en la era de la comunicación».
a Del estudio The Global State of Social Connections (Estado de las conexiones sociales en el mundo), por Meta y Gallup, 2023.