Kata 2024 na nalitsama ta’akglhuwit chu lhuwa latamanin lakpuwankgo pi ni katilakkaxlakgolh. Pero anan takgalhkgalhin xlakata kilhtamaku nema aku mima. ¿Niku tlan natekgsaw?

 Biblia malaknu pi Dios nalakkaxtlawa ta’akglhuwit nema kinkamakgapatinanan chu kinkawaniyan tuku natlawa nialh makgas xpalakata latamanin: «Chu nakaxakani putum xlakgpixtajatkan, chu nialhti katinilh, nialhti katilipuwa, nialhti katitasalh, nialhti katikatsanajwalh» (Apocalipsis 21:4).

•   Komo tlakg katsiputuna xlakata xtamalaknun Biblia, kalikgalhtawakga artículo «La esperanza real de un mañana mejor».

 Takgalhkgalhin nema masta Biblia namakgtayayan natayaniya chu ni nakgalhiya ni xatlan talakpuwan chu napaxuwaya (Romanos 15:13). Nachuna, Biblia kgalhi tastakyaw nema namakgtayayan natayaniya ta’akglhuwit nema nakgalhiya la uku, la komo ni kgalhikan tumin, ni xa’akgstitum nalikatsinikana o tajatat.

•   Ka’akxilhti la takgalhkgalhin nema masta Biblia makgtayalh chatum chixku napaxuwa chu nakgalhi takaksni maski makgastakka k’akgtum familia nema ni lhuwa tuku xkgalhi. Ka’akxilhti video Juan Pablo Zermeño: Jehová tlawalh pi kilatamat lipaxaw xwa.

•   Ka’akxilhti la Biblia tlan namakgtaya yan akxni ni chatum xalak mi familia chu akxni nakgalhiya talakapastakni nema nitlan mamakgkatsininan, talipuwan chu tajatat xla talakapastakni. Kalikgalhtawakga artículo «¿Puedo encontrar consuelo en la Biblia?».

•   Ka’akxilhti la chatum puskat tiku soldado xlitaxtu, lichuwinalh pi xkgalhi ni xatlan tayat xlakata ni «xkalilakgaputsa amakgapitsin», pero tekgsli takgalhkgalhin anta kBiblia. Ka’akxilhti video «Cambié las armas por la Biblia».

 ¿Xlakgati pi k’uma 2024 tlakg tlan xkitaxtunin wix chu mifamilia? Biblia tlan namakgtayayan chuna nawan. Kamakgamakglhtinanti takgalhtawakga xalak Biblia nema ni taxokgo chu ka’akxilhti la Dios namaxkiyan «takaksni, [...] tuku tlan chu akgtum takgalhkgalhin» (Jeremías 29:11).