¡SKGALALH KATAWILA!
Chuchut masputunan | ¿Tuku kinkawaniyan Biblia?
Xlikalanka katiyatni, lhuwa latamanin tuwa tuku titaxtumakgolh xlakata chuchut masputunama. Ka’akxilhti makgapitsi tamakatsinin:
«Makgapitsi kilhtamaku nema titaxtunit, kkachikin niku tapakgsi China tlakg lhuwa senanit nixawa 140 kata nema titaxtunit [...]. Lata sábado chu miércoles taktalh 744,8 milímetros a chuchut» (AP News, 2 xla agosto 2023).
«Jueves tifón Khanun, tlawalh pi lu ksenalh chu x’unalh ksur xla Japón akgtiy kilhtamaku. Max chatiy latamanin nikgolh. [...] Max uma tifón namakgxtakga 0,6 metros b chuchut kcordillera central xla Taiwán» (Deutsche Welle, 3 xla agosto 2023).
«Ksputat semana [kNueva Escocia] lu litatsamalh chuchut xlakata lu senalh nixawa la ksenanit k’Atlántico canadiense lata 50 kata nema titaxtunit» (BBC News, 24 xla julio 2023).
¿Tuku wan Biblia xlakata tuku lama?
Tuku litasiya pi lamaw «kxaʼawatiya kilhtamaku»
Biblia lichuwinan pi lamaw kkilhtamaku nema lilakgapaskan «kxa’awatiya kilhtamaku» (2 Timoteo 3:1). Jesús lichuwinalh pi kinkilhtamakujkan x’ama tasiya «tuku makgapekuanan» (Lucas 21:11). Xlakata lipekua lhkaknan, senan o lonkgnan tlawanit pi tlakg tliwakga chu kaj lakapala nachin tuku masputunan.
Wi akgtum takgalhkgalhin
Biblia wan pi putum uma tuku makgapekuanan tlawa pi nakgalhiyaw takgalhkgalhin. ¿Tuku xlakata chuna wanaw? Xlakata Jesús wa: «Nachuna, akxni wixin naʼakxilhatit pi kgantaxtumakgolh putum uma, kakatsitit pi xTamapakgsin Dios talakatsuwinit» (Lucas 21:31; Mateo 24:3).
Putum tuku lama limasiya, pi nialh makgas xTamapakgsin Dios natlawa pi nialh kati’analh tuku masputunan asta chuchut ni’alh katistakli (Job 36:27, 28; Salmo 107:29).
Komo tlakg katsiputuna tuku natlawa xTamapakgsin Dios xlakata nialh kati’analh tuku masputunan, kalikgalhtawakga artículo «¿Quién salvará el planeta?».