¡SKGALALH KATAWILA!
Kamakgnikan kamanan kʼescuela: ¿Tuku kinkawaniyan Biblia?
Anta kʼUvalde (Texas, Estados Unidos), 24 xla mayo kata 2022 lalh tuku lu nitlan. Chuna la wan periódico The New York Times, «chatum chixku kamakgnilh 19 kamanan chu chatiy makgalhtawakgenanin [...] kʼescuela primaria Robb».
Lu nitlan, pero ankgalhin la tuku lu nitlan xtachuna la uma. Periódico USA Today makatsininalh pi kajwatiya kʼEstados Unidos, «liwaka 249 la xlimakglhuwa talatnankanit kʼescuelas kajwatiya kkata nema titaxtulh, tlakg lhuwa nixawa kʼatanu kata lata 1970».
¿Tuku xlakata la uma tuku lu nitlan? ¿Tuku tlan natlawayaw xlakata natayaniyaw talipuwan nema makgxtakga? ¿Tuku xlakata tlan nakanajlayaw pi namin kilhtamaku nialh katiʼanalh tiku makgninankgo? Biblia kinkamaxkiyan xatakgalhtin.
¿Tuku xlakata kkakilhtamaku tlakg anan tiku tlawakgo tuku lu nitlan?
Biblia limapakuwi kilhtamaku nema lamaw “xaʼawatiya kilhtamaku”, niku latamanin “nialh xʼamakgo lapaxkikgo kfamilia” chu “xalakluku xʼamakgolh wankgo”, latamanin xʼamakgo tlawakgo tuku lu nitlan chu lu nitlan xʼamakgo likatsikgo. Chu umakgolh latamanin “tlakg nitlan xʼamakgo likatsikgo” (2 Timoteo 3:1-5, 13). Komo tlakg katsiputuna, kalikgalhtawakga artículo «¿Predijo la Biblia cómo sería la gente en nuestros días?».
Lhuwa latamanin kakgalhskinkan: «¿Tuku xlakata Dios masta talakaskin kakamakgnika kamanan kʼescuelas?». Xlakata nakatsiya takgalhtin nema masta Biblia, kalikgalhtawakga artículo «¿Tuku xlakata nitlan kaʼakgspula tiku tlan likatsikgo?».
¿Tuku tlan natlawayaw xlakata natayaniyaw talipuwan nema makgxtakga?
«Tuku makgasa tsokgwilika, tsokgwilika xlakata nakinkamasiyanikanan, chu kgalhiyaw takgalhkgalhin xlakata xtachuwin Dios [...] kinkamakgtayayan natayaniyaw» (Romanos 15:4).
Xtastakyaw Biblia tlan namakgtayayan natayaniya tuku lu nitlan la kʼuma lu xakatuwa kakilhtamaku. Komo tlakg katsiputuna, kalikgalhtawakga revista ¡Despertad! nema wanikan «¿Acabará algún día la violencia?».
Min kilhtamaku, laktsu kamanan akxilhkgo knoticias nixatlan tamakatsinin nema kamakgapekuan, komo wixin natlatni chu katsiputunatit tuku tlan natlawayatit xlakata nakamakgtayayatit minkamanankan, kalikgalhtawakgatit artículo «El efecto de las noticias en los niños».
¿Namin kilhtamaku nialh katiʼanalh tiku tlawakgo tuku lu nitlan?
«Nakalakgmaxtu kta’akglhuwit chu tuku nitlan lama» (Salmo 72:14).
«Namastalankikgo xʼespadajkan, nalitlawakgo arado chu xlanzas nalitlawakgo tuku liʼakgsitkan kiwi. [...] Chu nialh katitlawakgolh Guerra» (Miqueas 4:3).
Dios natlawa tuku latamanin nila tlawakgo. Xtamapakgsin Dios, nema wi kʼakgapun, nakamasputu putum tuku limakgninankan chu tiku tlawakgo tuku lu nitlan. Komo tlakg katsiputuna tuku natlawa xTamapakgsin Dios, kalikgalhtawakga artículo «El Reino de Dios traerá “paz en abundancia”».