¡SKGALALH KATAWILA!
Xtatayananin Jehová chu Holocausto | ¿Tuku kinkawaniyan Biblia?
27 xla enero kata 2023, lhuwa latamanin lakapastakkgo Día Internacional en Memoria del Holocausto. Max tuku nitlan lalh kliwaka 75 kata, natlawa pi wix nalakpuwana tuku xlakata Dios mastalh talakaskin pi xkamakgnika lhuwa judíos.
Xlakata nakatsiya tuku wan Biblia, kalikgalhtawakga artículo «¿Tuku xlakata kamakgnika lhuwa judíos? ¿Tuku xlakata Dios nitu tlawalh?».
Lhuwa judíos kamakgnika. Lu patinankgolh, chu lhuwa miles liwana kalakkaxwilika xlakata nakamakgnikan. Nachuna atanu lhuwa latamanin tiku ni judios xwankgonit na kaputsastalanika chu kamakgnika ama kilhtamaku. Chu anta na xlamakgo xtatayananin Jehová, tiku na kaputsastalanika xlakata xkanajlakgo tuku wan Biblia.
Xlakata tlakg nakatsiya, kalikgalhtawakga artículo «¿Qué les ocurrió a los testigos de Jehová durante el Holocausto?».
«Akgtum takgalhkgalhin»
Lhuwa latamanin pekuankgo xlakata tuku ka’akgspulalh judíos natitaxtupara. Pero tlan limakgkatsiyaw xlakata Biblia wan pi tuku nitlan lalh ama kilhtamaku nialh nikxni chuna katilapa.
«Akit liwana kkatsi tuku klakapastaknit mimpalakatakan. Klakaskin kakgalhitit takaksni ni wa talakgaputsit. Kkamaxkiputunan tuku tlan chu akgtum takgalhkgalhin» (Jeremías 29:11). a
Uma takgalhkgalhin nakgantaxtu akxni Jehová namalakgsputu tuku nitlan chu putum namasastipara. Nialh makgas, Dios natlawa uma:
Nakamalakgsputu tiku nitlan likatsikgo, chu tiku katlawanikgo tuku nitlan amakgapitsin (Proverbios 2:22).
Nakamapaksa putum tiku patinankgonit, chu xlakan nakgalhikgo takgoxamixat (Apocalipsis 21:4).
Nakamalakastakuanipara unu kkatiyatni tiku nikgonit (Juan 5:28, 29).
Wix tlan nalipawana uma tamalaknun nema masta Biblia. Komo tlakg katsiputuna, tlan nakilatachuwinanaw xlakata nakkamaxkiyan akgtum takgalhtawakga xalak Biblia.
a Jehová wa xtukuwani Dios (Salmo 83:18).