CAMPAÑA AKXNI NATALAKAPASTAKA AKXNI TINILH CRISTO
Jesús namasputu guerra
Akxni Jesús xlama unu kkatiyatni, xla limasiyalh pi xkapaxki latamanin chu asta mastalh xlatamat xpalakatakan (Mateo 20:28; Juan 15:13). Nialh makgas, Jesús nakinkalimasiyaniparayan xtapaxkit. Komo Dios makamaxkilh limapakgsin anta kxTamapakgsin, Jesús «namasputu guerra kxlitilanka katiyatni» (Salmo 46:9).
Kalikgalhtawakga tuku wan Biblia xlakata tuku natlawa Jesús:
«Nalakgalhaman tiku ni tlankajwa chu tiku limaxkgen, chu nalakgmaxtu xlatamatkan tiku lakglimaxkgenin. Nakalakgmaxtu kta’akglhuwit chu tuku nitlan lama» (Salmo 72:12-14).
¿Tuku tlan natlawayaw xlakata nalimasiyayaw pi paxtikatsiniyaw Jesús xlakata tuku tlawalh chu tuku natlawa kilhtamaku nema aku mima? Anta kLucas 22:19, Jesús kawanilh kstalaninanin pi xlakapastakkgolh. Wa xlakata, akgatunu kata, xtatayananin Jehová tamakxtumikgo xlakata nalakapastakkgo akxni tinilh Cristo. Kkawaniyan pi kakilata’aw akxni lakapastakkan akxni tinilh Cristo domingo 24 xla marzo kata 2024.